يوم جديد على الابطال
بعد يومين من الاحداث صحت توق بالشاليه و التفت تدور فواز بس مالقته جنبها جا في بالها يمكن برا عند البحر قامت تجهزت وطلعت تدوره ابتسمت من شافته مجهز طاوله وعليها الفطور قدام البحر كان شكلها يجنن
توق بابتسامه : فواز
التفت من شافها واقفه تناظره كانت لابسه فستان ابيض كانت تصميمه لطيف وصيفي من قدام قصير ومن ورا طويل وكانت رافعه شعرها وحاطه مكياج خفيف تخفي تعب وجهها قرب منها وباسها بخف
فواز : صح النوم حبيبي
توق : صح بدنك ياعمري ليه صحيت بدري
فواز : الظاهر مو ملاحظه الوقت ياعمري الدنيا قريب الظهر
توق : طيب ليه ماصحيتني
فواز : ماحبيت اخرب نومتك وبعدين بيني وبينك
شدها من خصرها وهمس باذنها : كنتي مغريه وانتي نايمه
توق بضحكه وخجل : ياحظي اجل
فواز سحبها وجلسها على الكرسي باسها برقبتها وجلس قبالها ونطق : اول مره اجهز فطور ف اذا مو لذيذ انا اسف
توق بابتسامه : انا السم من يدك اكله
........
عند توت كانت بالغرفه وتكلم يوسف
يوسف :وابوك كيفه
توت : حبيب قلبي بالغرفه مايبي يكلم احد متضايق مره بصراحه بيني وبينك انا م الومه يعني كبرها وتعب عليها بغض النظر عن قسواته معنا بس يعني مدري احس توق الله يهديها بالغت
يوسف : يابنت الحلال وين بالغت اوك معك حق تدافعي عن ابوك بس شوفي الموضوع من ناحيتها تخيلي ان كل حياتك كذبه
توت : مين قال لها كذبه امي مرضعتها يعني هي اختنا بالرضاعه وبعدين خلينا نقول مو كذا كيف تنسى كل اللي عشناه متخيل كم يوم نرسل لها انا وتالين ماترد ؟
يوسف : حبيبتي اختك مصدومه من اللي عاشته ماتبي تواجه الشي انا قبل كم يوم كلمت فواز يقول كل مايفتح معاها الموضوع تتهرب البنت بحاله نفسيه ياتوت
توت : والحل شنسوي يعني بنخليها كذا ؟
يوسف: شرايك تكلمي فواز شوفي شيقول لك
توت : مالي الا كذا
.........
عند ابو خالد كان بالغرفه ويكلم حصه
ابو خالد بعصبيه : يخسي والله مايلمس شعره منها
حصه : الرجال بس يبي يلتقي فيها يابو خالد
ابو خالد : يمين بالله لو يحاول يقرب من توق اني ذابحه وصلي له الخبر ياحصه
قفل الجوال ورماه على السرير جلس بقله حيله حاط يدينه على راسه يحس بضيق من اخوه وافعاله ومن توق وحزنها دخلت عليه شمس كانت مجهزه لك اكل حطت الاكل وجت جلست جنبه
شمس: شفيك ياعبد الملك
ابو خالد بقله حيله طاحت دمعته: معروف شفيني ياشمس مدري القاها من وين من توق اللي ماتبي تكلمني والا من خوفي عليها من اخوي وافعاله
شمس بحنيه حطت يدها على كتفه: افا ياعبد الملك تبكي ؟ ماعاش من يطيح لك دمعه وانا عايشه
ابو خالد : توق كسرت ظهري ياشمس
شمس : بسم لله عليك من الكسر ياعيوني انت توق بحاجه لوقت ياعبد الملك وباذن لله بترجع لحضنك بس انت عطها فرصه
ابو خالد : سالم يبيها
شمس : ياعبد الملك البنت تخاف انها تروح له اذا كانت عندك بس هي متزوجة وفواز ماتوقع يخليها
ابو خالد : يمكن افضل شي سويته اني زوجتها فواز
شمس : بالضبط ف لا تضايق نفسك وقوم سمي بالرحمن وكل واذا تبي رايي قوم كل مع البنات ومنها تشوف حور الصغيره يلا
ابتسم وقام معاها للصاله شاف توت وتالين جالسين مع حور الصغيره اللي كانت بحضن خالد جلس واخد حور من حضن خالد
ابو خالد بمزح : اقول خلي النتفه ذي لي وانت تزوج وجيب لك عيال
خالد بضحكه : خير يبه ما كفوك توق وتوت وتالين جاي تبي حور بعد
توت : يووو بدا الغيور ياخي فكنا بس
خالد: بتشوفي انتي كلها كم يوم ونرتاح منك
تالين بضحكه : وانت ؟ طالع منها ؟
خالد : انا امري عند توق
ابو خالد بحزن : الله يحنن قلبها علي
توت : افا يبه ومين قال لك ان قلبها قسى عليك انا متاكده انها الحين تفكر فيك
ابو خالد بابتسامه تعب : ان شاء الله
..........
عند ام فواز كانت جالسه تقرا القران بغرفتها دخلت عليها هديل
هديل : يمه شتسوين
ام فواز : تعالي يمه ، كنت اقرا القران و ادعي لتوق فواز قال لي انها تعبانه
هديل : حبيبه قلبي اي سمعت عن اللي صار لها والله ماتستاهل وبعد اهلها مايخافون الله مكذبين عليها؟
ام فواز : هديل يمه انتي ماتعرفي بظروفهم لا تحكمي
عليهم
هديل : حتى ولو يمه كانو يقدرو يقولو لها
ام فواز : عسى الله يمسح على قلبها
هديل : امين ، يمه ابي اقولك شي
ام فواز : قولي عسى ماشر
هديل : ابي اروح اشتري هديه لتوق ابيها تروق وكذا
ام فواز : زين روحي بس لا تطولي
هديل : حاضر
......
بالشاليه وعند فواز
دخل الغرفه يبدل ملابسه بس قاطعه اتصال كان رقم غريب رد باستغراب لان محد يعرف رقم جواله ذا غير اهله وتوق
توت : فواز
فواز : ايوه مين معي
توت : انا توت اخت توق
فواز: ياهلا سمي وانا اخوك
توت : سم الله عدوك بس حبيت اتطمن على اختي
فواز ناظر من النافذه كانت توق جالسه عند البحر وضامه رجلينها وجالسه بهدوء تنهد ونطق : نقول بخير
توت : واذا قلت لك مابي هالجواب
فواز: وش الجواب اللي يرضيك يابنت الناس
توت : ابي وضع اختي الحقيقي
فواز : لو قلت لك مو بخير بترضي ؟ اختك تعبانه ياتوت احاول اخليها تضحك بس تجاملني وتضحك شوي وترجع
توت : انتو وينكم ؟
فواز : بالشاليه ، شرايكن تجون
توت : شلون ؟
فواز: كلمي عمي وتعالو يمكن هنا نقدر نحل المشكله كلنا
توت : وتوق ؟
فواز : توق في البدايه بترفض تكلم ابوها بس شوي شوي بترضا
توت : ع خير انا بكلم ابوي وبرد عليك
فواز : انتظر ردك
سكر والتفت شاف توق واقفه تناظر فيه بحده
فواز : حبيبتي ؟
توق : ليه قلت لهم يجو؟
فواز قرب بيمسكها بس وخرته بحده : قلت لك ابي اظل لوحدي قلت لك مابيهم ليه تتصرف بدون علمي
فواز : توق اسمعي طيب
توق بصراخ : وش اسمع ؟ قلت لك مابيييهمم ماتفهم انت ، اصلا الغلط مو عليك علي انا اللي لسى واقفه قربت بتاخد عبايتها بس مسك يدها فواز وسحبها له بشده : اسمعي اول وبعدين تكلمي
توق : وخر عني
فواز : وش في مخك انتي ؟ شصاير فيك ياتوق لييه ماتبين اهلك
توق بصراخ ودموعها تطيح: مو اهلي افهم هذول مو اهلي انا مو بنتهم
فواز بحده : لا اهلك هذا ابوك مالك حق تجحدي
توق: فواز وخررر
فواز: كلمتي وحده بتظلين هنا
توق: مو على كيفك
فواز: انتي شصار بعقلك معقوله نسيتي كل شي سواه ابوك لك ؟
توق : اي صح عندك مانع ؟ مابيه ومابي اكلمه
فواز : وانا مابسمح لك تكوني كذا بتسمعي ابوك للاخر
توق : اذا مرره تبي هالشي ؟ اسمعه انت
فواز : انتي ليه مغروره
توق : من عاشر قوم اربعين يوم صار منهم وانا تعلمت الغرور منك ياولد عبد الله
فواز بحده: توووق
توق فلتت يده : وخر عني
راحت انسدحت على السرير واعطت فواز ظهرها : اصلا بنام انت اجلس معهم
ابتسم على حركتها الطفوليه وجاها من وراها باس راسها وهمس باذنها: طيب اعتبريهم ضيوفي لو قلت لك طالبك ياتوق
توق التفت له وهمست : اخاف فواز
فواز ابتسم وباسها ونطق : من ايش ياعيون فواز
توق : اخاف اصدقه ويطلع يكذب علي
فواز : انتي اسمعي منه وشوفي شنو يرد بالله عليك ما اشتقتي لحضن ابوك ؟
توق: وابوي الحقيقي ؟
فواز : اذا تبين رايي الشخص اللي لازم تزعلي منه هو سالم هو اللي تركك ياتوق المفروض تزعلي من الشخص اللي تركتك مو الشخص اللي حبك
توق : شسوي طيب ؟
فواز : اسمحي لي اتدخل في الموضوع وقبل كل شي اسمعي لابوك
توق اشرت له بمعنى طيب ابتسم وباس راسها ونطق : يلا اجل
بعد ساعات وصل ابو خالد و زوجته وعياله الشاليه
دخلو واستقبلهم فواز
توت : فواز وينها ؟
فواز : بالغرفه
دخلت توت ومعاها تالين عند توق
توق اول م شافتهم داخلين طاحت دمعتها وصدت عنهم
توت بحزن : من متى الاخت الكبيره تصد عن خواتها؟
تالين بغبنه : قصدها الام ، انتي امنا ياتوق كذا تصدين ؟ عشان كلام فاضي لا راح ولا جا
توق وهي معطيتهم ظهرها وتبكي : غصب عني
جوهم وجلسو جنبها ضمتها توت بقوه ونطقت بدموع : تكفين ياتوق لا تكسرينا بدموعك انتي امنا والام اذا بكت كسرت بناتها
توق : بس انا مو
تالين قاطعتها : ينقص لسانه اللي يقول انتي مو اختنا
توت : لما طحنا مين شالنا ؟ مو انتي ؟ لما مرضنا مين اللي سهر عند راسنا ؟ مو انتي ؟ لما جعنا لما عطشنا لما نكسرت رجل تالين مو صرتي تشيلي وتحطي عشانها وانا شقول ؟ لما صارو الكل ضدي و تعبت نفسيتي من اللي مايتسمى وافعاله فيني مين اللي وقف معي مو انتي ؟ توق انتي امنا ماعمري شفتك اخت لي انا من وعيت على الدنيا وانتي امي تكفين لا تتركينا
تالين : نسيتي لما كانت قمر تضربنا كنتي توقفي قدامها وانتي تنضربين بدالنا ولما كننا ننحرم من الاكل كنتي تجيبي لنا بدون محد يحس نسيتي جلستنا قبل النوم ؟ وسوالف المطبخ وكل اللي عشناه من الم و فرح وكل ذول ماتقدري تنسيهم ياتوق
التفت لهم وضمتهم بحضنه صارت تبكي بحرقه لانها مانستهم بس قلبها يوجعها وماتبيهم يشوفونها كذا
توق ببكى : مانسيت والله بس الالم اللي بقلبي خلاني ماعرف ارضي من سمايي
توت : حنا كل شي بالنسبه لك ياتوق حنا توت وتالين اللي كنتي تداريهم اذا غبتي عننا مين بيدارينا انتي امنا واختنا تكفين لا تصدي عننا
توق تنهدت وقامت طلعت عنهم جلست عند البحر تبكي وتشهق كانو خواتها يناظروها من داخل
تالين بحزن : تتوقعي تتخلى عننا
تالين : مستحيل توق ماتسويها
........
عند توق ماحست الا بيد على كتفها التفت شافت ابو خالد جالس جنبها عند البحر
توق صدت ونطقت : ثوبك بيتوسخ من الرمل
ابو خالد: مين اللي تقول هالكلام ؟ توق اللي كانت تلعب معي بالرمل
التفت له بصدمه : انا كنت العب معك ؟
ابو خالد بابتسامه كلها حنيه : انا لما تزوجت امك كنت اعشق الارض اللي تمشي عليها بس ربي ماكتب لنا نجيب عيال بأول سنه زواج وكان من عادات جدك ان المفروض نجيب له احفاد مو اول سنه وللاسف زوجني قمر وجابت لي خالد امك عانت كثيير وانا بعد ومن بعدها جيتي انتي واول ماحطتك امك حور بحضني كنتي تبكين ما هدأتي الا وانتي بحضني
توق كانت تناظره باستغراب اول مره ابوها يتكلم بهالطريقه
ابو خالد : هنا انا حسيت ان صرت ابو للمره الاول مع ان كنت متزوج قمر وعندي خالد بس لما تكون ابو لبنت كان الوضع مختلف بالنسبه لي انتي ياتوق اول قره عين حتى لو كان خالد ولدي الاول بس انتي كنتي ولازلتي غير تذكرين لما طلعتي من البيت وانتي عروس لفواز وش قلتي لي ؟
توق بحزن : عظم الله اجرك يابو خالد
ابو خالد : لما قلتي هالكلمه حسيت بسكين بقلبي
توق بدموع : ياجعل هالسكين فيني يبه
ارتمت بحضنه وصارت تبكي وتشهق بقوه : يبه قلبي يوجعني يبه كأنه احد مدخل يده ويضغط على قلبي تكفى عطني حل شسوي تكفى
ابو خالد بحنيه صار يمسح راسها ويقرا عليها : بسم لله عليك وانا ابوك ارجعي تكفين ارجعي توق القويه اللي كلنا نستند عليها
توق بحزن : نكسر ظهري يبه نكسرت كلي
ابو خالد : والله ماتنكسرين وانا حي ياتوق
توق : مابي اشوفهم ولا ابيهم انت ابوي وحور امي
ابو خالد : ابد ابشري بعزك وانا ابوك والله مايطولك وانا حي لا تخافين وبعدين مافكرتي ليه زوجتك اول خواتك ؟
توق ناظرته باستغراب : ليه يبه ؟
ابو خالد : يا يبه لو جا سالم وطالب فيك وانتي عندي يمكن ماقدر احميك وانا رجال كبير والشيب اخذ مني ما اخذ ف لو زوجتك وصرتي عند زوجك هنا مايحق له ياخدك لانك على ذمه رجال والدنيا وانا ابوك حياه وموت خفت عليك تنكسرين لو صار فيني شي امنتك عند فواز وانا عارف انه بيصونك وبيحميك من سالم و شره
توق ارتمت بحضنه من جديد وشدت عليه ونطقت بحزن : مابي احد غيرك مابي سالم مابي زوجته مابي فواز مابي خالد مابي اي احد غيرك انت ابوي وكل شي بالنسبه مابي غيرك
ابو خالد بضحكه : لا يسمعك فواز بيزعل
توق ضحكت بوسط دموعها ونطقت : مابيزعل لا تخاف
ابو خالد : يعني خلاص رضت حلوه البنات ؟
توق : رضيت
ابو خالد باس راسها ونطق بحنيه : عشتي يابعد راسي
توق بابتسامه : يسلم لي راسك يالغالي
........
مر يومهم بشكل طبيعي كلهم كانو مبسوطين ومرتاحين طلعو من الشاليه وهم مخططين يكملو سهرتهم في بيت ابو خالد وصلو البيت بس تفاجأ ابو خالد باخوه سالم اللي كان واقف مع زوجته بسيارتهم
نزل ابو خالد و اشر لفواز ان ينتبه لتوق نزلو كلهم وتوق كانت منشغله بالسوالف والضحك مع خواتها انمسحت ابتسامتها من شافت ابو خالد وفواز و خالد واقفين قدامها والتفت لها فواز ونطق بحده : توق ادخلي داخل لا توقفي قدام عين ذا
نزل سالم بعصبيه ونزلت معاه زوجته
سالم بصراخ : وينها بنتي ياعبد الملك مايكفي سارق بنتي طول لسنين الحين بعد ماتبي تخليني اشوفها
توق ظلت واقفه من الصدمه ماقدرت تتحرك كانت واقفه خلف فواز وخالد و وجه سالم مو واضح لها بس كانت تسمع صوته كان صوته عالي وبالنسبه لها يخوف لاول مره في حياتها تحس نفسها عاجزه انها تتحرك فجأه حست الدنيا صارت تدور فيها مسكت فواز من ظهره التفت لها بسرعه
فواز بخوف : توووق حبيبي
ابو خالد : دخلها يافواز البيت
سالم قرب ومسك فواز من يده: جيبها اقولك ابي بنتي
فواز بعصبيه نطق : وخر يدك عنها لا اكسرها لك
دخل وتوق بحضنه حطها بالصاله على الكنب ، ركضت توت تجيب ماي لهم وتالين جلست عندها
......
عند سالم وابو خالد
سالم : ياعبد الملك انا عطيتك فرص كثيير بس الظاهر انت مو راضي تفهم ان هالبنت بنتي
ابو خالد بحده : البنت ماتبي تشوفك و امرها بيدها وبيد زوجها ياسالم وكلامي مابعيده
سالم : ماتبي تشوفني طيب بس امها وش ذنبها ؟
خالد : امها خالتي حور
سالم : انت مالك علاقه البنت بنتي انا والينا
نزلت الينا من السياره وكانت ملابسها غريبه بالنسبه للكل كانت لابسه شورت و بدي ورافعه شعرها
الينا: اريد رؤيه أبنتي يا سالم
" الينا كانت ماتتكلم عربي بس تفهم وكلامها كله بالانجليزي"
سالم : ادخلي السيارة يا الينا وبنتك تجيك
ابو خالد وهو صاد نطق بقرف : هذا مستواك يا سالم وهذي اللي اخترتها على اهلك ودينك توكل انت وياها من هنا ماتشرفني توقفو على باب بيتي
سالم : لا تنسى ان اللي داخل بنتي
الينا: لن اذهب الى اي مكان من غير ان ارى ابنتي
خالد: يبه خليها تشوف توق ولا توقف لنا عند الباب وتفشلنا قدام خلق الله
ابو خالد اشر لها تدخل دخلت الينا شافت توق جالسه وترجف وكان جنبها فواز قربت بابتسامه : توق
توق اول م شافتها وقف واشرت لها بمعنى لا تقربي
كانت تناظر الينا بقرف
الينا : انا امك ياعزيزتي
توت بقرف : يعع شتبين انتي جايه
الينا : انا لا اتحدث معك بل مع ابنتي
تالين : اطلعي بنتك ماتبي تشوفك
التفت الينا الى فواز اللي كان صاد ونطق بخبث : ولماذا هذا الولد لا ينظر الي
تالين : يعع اقسم بالله مقرفه
الينا : ماذا؟
توق : اطلعي برا بنات طلعوها مابي اشوفها
توت : ابد تبشرين ياعيون اختك
قربت وسحبتها من شعرها : اطلعيي يلعن قرفك يعع اطلعي
اخذتها وطلعتها برا والتفت لعمها : شيل زبالتك ولا نشوفك جاي هنا
سالم : اكيد انتي توت
توت : اسمي لا تنطقه توكل لا اشوفك هنا لا انت ولا ذي
ابو خالد : اتوقع زوجتك شافت البنت ماتبيكم
سالم : انت وش قايل لبنتي عني ياعبد الملك
ابو خالد : ماقلت لها الا الحقيقه ياسالم
سالم بعصبيه قرب ومسك ابو خالد من ياقته ونطق بصراخ : قلت لها اني مابيها ؟؟
ابو خالد : وخر عني ياسالم يكون افضل وكل شي يصير معك هذا نتيجه افعالك وعقوقك لوالدينك
قرب خالد و وخر سالم عن ابوه بقوه ورماه على الارض ونطق بحده : اقسم بمن احل القسم لو اشوفك هنا مره ثانيه اني ذابحك
مسك خالد ابوه وجا بيدخل بس وقفه سالم لما طعنه بسكين بظهره
ابو بخالد بصراخ : وش سوييت ياسالم
وصل صوت ابو خالد عند بناته وعند فواز طلعت توق و وراها خواتها وفواز شافت خالد طايح على الارض بحضن ابوه و سالم والينا واقفين على جنب ويناظروه
توق بصراخ: خاااالد
ابو خالد : ساعدني بسرعه يافواز لا ينزف اكثر
فواز بسرعه قرب وتوجهو للمستشفى ولحقهم سالم و الينا
.........
وصلو المستشفى ودخلو خالد جلسو ينتظرو الدكتور يطلع لهم جلست توق جنب فواز وكانت مستنده عليه ودموعها تطيح وخواتها مثلها كانو خايفين على خالد
رفعت راسها شافت سالم والينا واقفين قامت بسرعه وقربت منه صارت تضربه على صدره وتدفه وهي تصارخ وترجف : الله ياخدك كله منك اخوي داخل كله منك مابييك لا انت ولا زوجتك الله ياخذكم
قرب منها فواز و وخرها عنه
سالم بحده : هذي تربيتك يا عبد الملك خليت بنتي تضرب ابوها ؟
ابو خالد كان تعبان وجالس ومعاه توت
توق بعصبيه وقفت قدامه وصارت تهدده : تربيته تشرفك وتشرف اهلك كلهم اقسم بالله واللي رفع سبع لو يصير بأخوي شي اني لاذبحك انت وزوجتك
سالم : تذبحي ابوك يالعاقه ؟
توق : انت مو ابوي ولا اتشرف فيك فاهم ؟
جتهم الممرضه تطلبهم يهدأو
فواز : توق حبيبتي خلاص اسكتي عنه
جت بتجلس بس التفت من سمعت سالم يقول : لا تنسي ياتوق انا ابوك من عبد الملك وامك الينا مو حور اللي *****
قربت توق بحده ونطقت: والله لو مو خوفي من رب العالمين اني لاذبحك انت وزوجتك امي حور تسواك وتسوى زوجتك لو انت رجال كان سترت زوجتك بس انت مارح تخليني مثلك انا مو مثلك ولا بصير انا بنت عبد الملك وتربيه حور عشان كذا لا تحاول نصيحتي لك تذلف من هنا وتدعي ان مايصير لخالد شي والا محد بيشيلك من يدي
سالم اخذ زوجته وطلع من المستشفى وهو يشوف قوه عبد الملك وحنيه حور كلها بتوق ادرك انه خسر بنته من قبل عشرين سنه والحين مستحيل يقدر يكسبها مره ثانيه
..........
نكمل وقت ثاني باذن لله ، وحتى لو متاخر بس كل عام وانتم بخير والله يتقبل طاعتكم يارب 🤍🥹.
