عشگ الأسد

part 1

2022/4/15

بغداد الساعه 7:00 صباحاً

ام مريم /ولج مريم كعدي راح يصير بل ثمانيه ونتي بعدج نايمه راح تتأخرين

مريم /اهوو هم دوام ماريد اداوم(وغطت راسها ورجعت نامت)

ام مريم/اختج كعدت ونتي بعدج يله حبيبتي كومي

مريم / (وهي تكوم من الفراش) تمام ماما راح اكوم

ام مريم / بسرعه بدلي وتعالي اتريكي

مريم /كمت غسلت وجهي وفرشت اسناني وخليت واقي شمس وحمره سحريه ولبست صدريه ضيكه وبيها فتحه من ورا وقميص ابيض نص ردان لأن الدنيه صيف وفليت شعري و مشطته ونزلت

مريم ونور/صباح الخير 

الام والاب/صباح النور بنيتي

مريم/تريكت وصلنه بابا للمدرسه اني واختي وراح طبيت ومرت الدورس ورجعنه لبيت واني متعوده من ارجع من المدرسه اشتري فدخلت اشتري وشفت ضباط ثنين كاعدين ويه ابو المحل مهتميت شتريت وخلصت وكعدت أحاسب ابو المحل ومن تاطلع خزني واحد منهن يمه عيونه يخوفن طلعت من المحل واني خايفه تلكتني نور

نور/ولج وين جنتي متت حر

مريم/ها مو اكو ناس هوايه جوه فأتأخرت

نور/اي يله امشي هسه ماما غلقت علينا

مريم/رحت للبيت واني بعدني ارجف منه

نور/شبيج ترجفين(بخوف)

مريم/(بخوف)لامابيه شي

نور/امم يله وصلنه

ام مريم/هلا روحن بدلن وتعالن علما ابوجن يجي ونتغده

مريم/شمسويه غده

ام مريم/دولمه اكيد

نور ومريم/راحن بدلن ونزلن ساعدن امهن بل غده وتغدوا وخلصوا ونور غسلت المواعين لأنُ مريم متحب الشغل مال بيت وراحن نامن

مريم/كعدت بل 4:00 ضليت اقرأ ونسيت سالفه الضابط كملت قرايه وصاحوني الساعه بل 7:30 حته اتعشه تعشيت وغسلت المواعين لأنُ نور عده امتحان كعدنه اني وماما وبابا ونور بل صاله نسولف

نور/بابا احنه ليش مروح لأهلك كل صديقاتي يرحون لعمامهم

ابو نور/(تنهد نتهيده طويله وكال) من اني وامج تزوجنه تبرئ مني فعاد اتزوجت امج بدون رضات اهلي لأنو كالولي تزوج بنت عمك واني مقبلت فعفتهم واتزوجت امج واتبروا مني

مريم/اهوو ليش يجبرونكم وشبيهن بنات بغداد يكرصن

نور/بابا سؤال

ابو نور/جواب حبيبتي

نور /ليش متروحلهم او تتصل بيهم

ابو نور /ماعندي الجرئه بنيتي (وكام يبجي)