عشگ الأسد

part27

مريم:-كعدت الصبح الساعه بل 9:00 شبعانه نوم بس متكسره اتكسر وليوم جمعه يعني راح نجتمع ويسوون عزيمه لهيج فتت سبحت ولبست فستان مال بيت لون اسود يشبه هذا

وحجاب اسود وعطر ونزلت وجانوا كاعد يسوون بل ريوك وساعدتهم وحطيناهن على الطاوله ونزلوا وكعدنه ناكل واسد جان بعده ما نازل ونزل وجان ماكو مكان بس يمي)

الجده:-اكعد يم مريومه هيه غريبه

مريم:-اجه كعد يمي ولفرحه بعينه)

اسد:-صباح العسل ياعسل (بهمس)

مريم:-صباح النور حبيبي

اسد:-البارحه ما نمت من وراج شعلتيني شعل

مريم:-بس كال هيج غصيت بل لكمه) اني شدخلني

اسد:-انتي اساس كل البلا

مريم:-امم يلا كمل اكلك(كعدنه ناكل واسد اكيد ما يبطل حركاته لو يمسگ خصري ويضرب رجله برجلي من جوه الطاوله شويه وكالت جده)

الجده:-البارحه من ورا ركص مريومه ماضلت وحده ما خطبتها لأبنها

ام مريم:-اي ولله اكللها كعدي متقبل

الجد:-اني اكول اليوم ابو حسين يدگ عليه وكالي اريد اجي عليكم

حسن:-ماشاءالله اليوم بيتنه راح ينترس خطابه

الجده:-انته لا تكيف مرتگ محد خطبها خطبتها وحده ابنها معلم بجامعه وكلتلها مخطوبه خطيه زعلت

حسن:-لا والله جده

الجده:-اي ولله وشلون ولد يخبل والله يا نور انصحج تفسخين وتاخذينه

نور:- افكر بل موضوع

حسن:-اوكفيلي تفكر بل موضوع اني الج

حيدر:-شو تهدد بنتي كدامي

حسن:-ما تسمعها شتكول عمي حبيب كلبي

مريم:-هما كاعد يحجون واني ميته من الوجع لين اسد كاعد يعصر بخصري بكل قوته احسه كاعد ينتقم عيوني مدمعات من الوجع)

اسد:-اني راح اروح لسيف بشغل يلا مع السلامه

الكل:-الله وياگ