عشگ الأسد

part 16

طبعآ هذا اخير بارت حته نختم ماضي اسد ونبدي بلأحداث كتبولي بل تلعيقات عجبتكم القصه لو لا
------------------
اسد/طب علي وويا بنيه لابسه عبايه وجان شكلها مقبول وكال الشي الي جان محد متوقعه

علي/هاي مرتي هدى

ام اسد/شنو يامرتك ومنين جبتها

علي/اهلها ماتوا وتزوجتها حته احميها

ام اسد/يعني ماعدها لاعمام ولا خوال لو مسوي شي وياها

علي/يمه ماقبل تحجين هيج علئ مرتي(بصياح

ام اسد/لا رد

اسد/امي عافته وراحت لغرفتها وابوي رزله هو وجدي ماطول عليكم طولت اجازتي 15 وهدئ كلش حبابه وطبخها كلش طيب وامي تقريبآ رضت عليها وجدي كال الا نسوي عرس وقرروا العرس بعد شهر وباجر التحاقي ومتحمس )

سيف/اسد امانه عوف هاي الشغله مالت هاي البنيه

اسد/بس اني اريدها

سيف/ترا هاي الي تحبها عايشه ببيت دعاره

اسد/سيف ترا اني راح استفسر واشوف البنت

سيف/ششوف منها امبينه

اسد/الله كريم

المهم خلي اختصر عليكم لين ماحب هذا الماضي التحلقت واخذت سيف ويايه ورحنه وجانت موجوده وسيف ماخله شي ماسوه حته اعوفها مر شهرين ومانام اذا ماسمع صوتها وبطلتها من هذا الشغل وطبعآ ام عامر مقبلت الا انطيتها فلوس وبيت وحدها ومصرف عيشتها عيشه الملكه بس هيه مقدرت كل هذا وضايجه من بطلتها كلت لين عبالها مفضل عليها المهم وحاجيتها علئ موضوع الزواج وسدته بوجهي وضلت يومين مفاتحه الموبايل وثالث يوم فتحته وكالت افكر واني مقتنعت وراقبتها وشفتها طلعت بل 9 بليل ولابسه نقاب كلشي ميبين منها اخذت تكسي وراحت رحت وراها ووصلها السايق للشارع العام وراحت مشي رحت وراها طبت بشارع كله عمارات وطبت لعماره الي ساكن بيها عمر مشيت وراها وطلعت مفتاح من الجنطه وفتحت الباب وطبت وسدت الباب عيوني صارت بكصتي رحت ركض 🏃 الأبو العماره ومن شاف بدلتي راسآ خاف وكتله اريد المفتاح وهوه ماقصر انطانياه اخذته وفتحت الباب وصوت الضحك طبيت البيت عباره عن نفاخ احمر وملابسهم مطشره ومشاريب وصوتهم من الغرفه فتحت الباب وشفت شي ممتوقعه ابدآ نايمين سوه وبدون ملابس ومن شافوني انصدموا مسكت عمر ودگ گتل وضربته طلقه برجله وهاي ياقوت كسرته تكسر مخليت بيها عضم صاحي عفتهم وطلعت ولكيت اهل العماره كلهم طالعين عفتهم وطلعت ورجعت للبصره وخابرت سيف واجه وحجيتله كلشي وهوه شمسوي رايح وكايل كلشي لجدي وابوي وجدي نجلط وابويه يهدي بي واخذناه للمستشفئ واعتذرت منهم ولبيت الي ببغداد بعته وحولت شغلي للبصره وكسرت الموبايل وسيمكرت
------------------