عشگ الأسد

part 11

سيف/عفتها واني معصب ورحت كعدت وطول الكعده اخزر بيها شويه واسد قترح نشوي ماحجينا شي لين دائمآ نشوي من نجي للمزرعه حضرنا وكعدنه نشوي طلعنا كعدنه وجانت مغربيه جو حلو نداريت وشفت شمس واسد واكفين واسد ماسك ايدها ويضحكون صار عندي فضول وغرت وكلت أسد اشون قبل شمس واكفه بهل فستان كدامه وماحجه شي رحت وكفت يمهم وكلت) السلام عليكم

أسد/وعليكم السلام

سيف/شكاعد اسوي

أسد/كاعد انسولف اني واختي

سيف/وشنو اسولفون

شمس/اي صدك أسد كلت اريد احجي وياج وماحجيت

أسد/مريم ويه منو جانت تحجي بل موبايل

شمس/وحده اسمها يقين صديقات الطفوله بس ليش😉

أسد/لاتغمزين ماكو شي يله خلص شغلي وياج

شمس/المقابل

أسد/اي شنو تريدين اني حاضر

شمس/تا افكر وارلدك خبر

أسد/تدللل شموستي(حضنتها وبستها بخدها واضحك على سيف الي راح يطك من العصبيه) يله سيف تانشوي

سيف/يله😒

أسد/بيك شي🤨

سيف/لا يله نشوي(بكلبي أكول ليش مارزلها على الفستان وفوكاها باسها وحضنها اني ملازم اضل هيج لازم أصير حلالي ونزوج بلكت اخطبها بأسرع وقت رحت ووكفت يمهم وكعدت اشوي)

نور/وصلنه للمزرعه وشفت حسن لابس دشداشه نيلي ومسوي شعره وسبحه لون ابيض طالع يخبل اول مشافني ابتسم بس باوعلي من فوك ليجوه وخزرني عرفته يقصد لبسي ومكياجي سويتله هيج😒وهوه ضحك اشكد مستفز يضحك ويخزر ويضحك المهم طبعآ البيوت الي جنه بيهن بسد المزرعه وبس انام بيهن ولمزرعه الي رحنه عباره عن أشجار مالت تفاح ومشمش وعنب وتين وتمر وكوخ صغير واحنه جبنه فراش ومخاد واكل وادوات شوي المهم عفته وطبيت للبيت نزعت حذائي ولبست نعال(حشاكم😂👍 ورحت ساعدتهم سوينا التمن وزلاطه ولعصاير وسوينا السفره وصحناهم وكعدنه ناكل وكال بابا)

ابو مريم/بنيتي نور

نور/ها بابا

ابو مريم/خابرني ابو محمد ويكول خطبت نور وماردتولي خبر نور حبيبيتي موافقه انتي فكري وباجر رديلي خبر

حسن/كعدت سبحت ولبست دشداشه نيلي وسبحه بيضه ونزلت شربت جاي وصعدت بسيارتي ونطلقت للمزرعه وصلت ولكيت الولد كلها هناك تمشينا وكعدنه شويه واجو العشيره وني بس اريد اشوف نور شويه ونزلت اول مانزلت ضحكتي وصلت لذاني بس من شفت مكياجها ولبسها خزرتها وباوعتلي صفح عيوني صارت بكصتي بس ابتسمت طبت واحنا نزلنا الكراسي والفراش وكعدنه وبعدين شوينه وكملنه وكعدنه وهيه اجتي اطك بل نعال(حشاكم) المهم كعدنه وكمنه ناكل وبعدين ابوها كللها بنيتي وهيه ردت وكاللها محمد يريد جواب وكاللها فكري منا لباجر من كال هيج كبيت المي كله بوجه قاسم وكمت اكح ويدكون على ضهري كمت وكلت) سفره دايمه

و باوعتلها بنضره حب وترجي واخذت موبايلي وسويج وركبت السياره ومشيت ووكفت يم نهر وكعدت وسويت موبايلي صامت وكعدت افكر معقوله توافق وليش متوافق دكتور أسنان ومشهور ويخليها تكمل دراستها وحلو لا لا متوافق هسه اني اشلون انسه انو هوه خطبها وكاعد تفكر ضليت كاعد وافتر منا ومنا صارت بل10:00بليل فتحت موبايلي ونه مكلوب كلاب مكالمات من أسد وعلى وابوي دكيت على أسد وكلت)

أسد/ورا ما حجه ابو مريم عن خطبت نور لمحمد حسن شويه ومامات يكح واني ادك على ضهره بعدين عافنه وراح عرفت انقهر لين اعرف هوه يحبها وخايف لا اتوافق الكل كام يسئل وين راح وليش واني كلتهم ماكو شي مجرد ضغط شغل وتفهموا المهم تعشينه وشربنه شاي واني ادك علي وميرد كعدنه ولل 09:00 ورجعنه للبيوت وكلمن راح لبيته واني صعدت لغرفتي دخلت للحمام سبحت ولفيت المنفشه على خصري وطلعت لكيت اسيل كاعده على التخت ولابسه دشداشه شويه واصير مالت نوم عيوني صارت بكصتي كتلها) شسوين هنا😡

اسيل/وكفت وخليت أيدي على صدره وكلت)ليش تكابر اعرف بيك تحبني من تصرف اليوم

اسد/هههههههه روحي بابا اشربي حليب ونامي

اسيل/والله اعرف بيك تحبني من زمان بس هاي مريم خربتك عليه

أسد/اذا جبتي سيرتها على لسانج مره ثانيه احسبي الله ماخالقج(ابحده)

اسيل/شنو أسد نسيت انو اني ووياك لبعض من الطفوله

أسد/لج بابا هاي خرافات ويله ولي منا هسه انزلج سحل وافضحج وتعرفيني اسويها(مسكت ايدها وطلعتها بره وقفلت الباب ولبست تراك واتصلت على حسن وجاوب كلته واني معصب) انته وين

حسن/يم النهر وماجي للبيت اليوم

أسد/وليش

حسن/ماريد اسمع موافقتها

أسد/ومنو كلك راح توافق

حسن/لا توافق وليش حته ترفض دكتور وجمال ويخليها تكمل ويحبها

أسد/وانته شبيك معقوله تستلم بهل سهوله هسه تجي للبيت وتعرلفلها بحبك وذا ماتبادلك نفس المشاعر انسه

حسن/ماشي قنعتني

أسد/يصير خير

حسن/غلقته منه وصعدت بل سياره ومشيت بأعلى سرعتي وصلت للبيت وصفيت السياره وفتت للبيت طبيت ولكيتها كاعده على المرجوحه الي بل حديقه شافتني واجت ركض حضنتني من ركبتي واني حاوطتها بأديه بكل لهفه وكلتلي)

نور/من حجه بابا عن الخطبه مالتي حسن قس بل اكل وباوعلي بنضره كلها حب وكأنوا يكول لاتوافقين اني هم عفت الاكل ورحت للمطبخ عاساس اسوي جاي بوكتها عرفت هوه يحبني مثل ماني احبه وقررت أرفض محمد واعترف لحسن بحبي سويت جاي وشربنه كعدنه شويه ولمينه الأغراض بل سيارات وصعدنه ورحنه للبيت كلمن راح بس اسيل اخت زيد كالت اريد ابات ويه البنات واشوف مريم راح اطك من الغيره المهم صعدت لغرفتي ومسحت المكياج ولبست تراك بني ورحت كعدت بل حديقه انتضره شويه وسمعت صوت سياره نزل من السياره وركضت حضنتا من ركبته وهوه بادلني وكتله)

__________________________________

راح انشر البارت الثاني عشر قريبآ

احبكم ممكن 🙆 نجمه ومتابعه وتصويت

حته استمر

احبكم