عشگ الأسد

part 25

اسد:-اليوم كعدت الصبح الساعه بل 7:00 سبحت وبدلت ونزلت جوه وجان سيف كاعد ومبدل) صباح الخير

سيف:-صباح النور

اسد:-ليش مبدل انته عندگ اجازه شهر

سيف:-مليت من الكعده وكلت اروح للدوام

اسد:-اي عفيه يلا يمه وين الريوگ

الام:-اي هسه بس يستوي الچاي

شويه واجه الريوگ وتريكنه وجان محد كاعد خطيه تعبانين من عزيمه البارحه اريد اروح للدوام بس ماكدر اروح اذا ماشوفها لهيج كلت لسيف يشغل السياره وينتضرني رحت للغرفه واني ادعي الكاها نايمه وحدها فتحت الباب ولحسن حظي جانت وحدها رحت الها وكعدت على طرف التخت وأتأملها واللمس خدها شويه شويه حته متكعد لهيج بستها من شفتها بوسه سطحيه وامشي خشمي على كل وجها بستها من خدها وطلعت للدوام وكضيتها كاعد لين العميد ماخذ كل القضايا الي مستلمها)

_______________________________________

مريم:-واني نايمه احس شي يجكجني بس من النعاس مركزت ورجعت نمت وكعدت الساعه بل9:00 اخذت تراگ مستور ولبسته ونزلت البيت مجان بي احد كلها بل شغل تريكت وصرنه نشتغل واني صار عليه تنضيف الغرف لهيج نضفت كل الغرف ووصلت لغرفه اسد اول مفتحت الباب لفحتني ريحت عطره باوعت على الغرفه مابيها شي بس التخت ممرتب رحت لميز المرايه وجان كله عطور بس عفتهن كلهن ورحت لعطره الي يحطه يوميه حطيت منه كومه احس حته خلص اخر شي كلت اخذته إليه وجبت موبايلي وكتبتله)

تره جنت انضف غرفتگ وشفت عطرگ واخذته إليه انته بعدين اشتري

وكملت التنضيف وطلعت وعمه ام اسد كالتنه انو عازمه بيت عمو ضياء ايع هسه تجي اسيل وتضل تتلوك لأسد شكد مكروها هنه كامن يجهزن وكعدت اجهز وياهم شويه وشفت مسج من اسد وكاتب

(العطر وصاحب العطر كلهم الج)

ابتسمت على كلامه وكملت شغلي ورحت ابدل احس صرت ما انشم بسرعه سبحت وبدلت هذا الفستان

طلع كلش حلو عليه ولبست شال ابيض هيج بس ذبيته وشويه مكياج وطبعآ نور وشمس لبسن نفسه بس على غير قماش المهم وحطيت من عطره يجنن ولكيتهم واصلين سلمت عليهم من ورا خشمي لين ميناطاقون وهاي اسيل لابسه فستان اسود وقصير وشال اسود ومكياج كومه احس رايحه لعرس وهذا زيد موخر عينه بس قاسم بيهم زين شويه وطبوا بيت عمو ابو سيف وطبو وراهم اسد وسيف وصار سلام وكل هذا واسيل صافنه عليه واني متت غيره شويه وابجي وهوه بس باوعلي ابتسم وأشر على شعري وسبحت الشال وغطيته وابتسم برضا حطيت عيني علئ اسيل وشفتها معاجبها الوضع ناقصتج اني اوي راحو يبدلون ورتبنه الاكل على السفره وكعدنه سوالف وضحگ)