عشگ الأسد

part 24

اسد:-طلعت شمس من الغرفه ومبتسمه) ها شصار

شمس:-رجع طبيعي اتخيل سولف ويايه وكعد يحجيلي شلون جنت صغيره وهوه يلعبني

اسد:-الف الحمدلله يارب

شمس:-حته اني ممصدكه والله راح اروح اخلي ماما اسويله كيكه هوه يحبها

اسد:-اشو اخذتي راحتج بل حجي؟

شمس:-اسفه بس غير فرحانه

اسد:-يلا روحي

راحت شمس واني رحت للديوان وكتلهم وخطيه كلش فرحوا اكيد راح تشوفون هذا الشي مبالغ بي بس سيف من يوم الحادث بس ياكل وينام وذا يكعد ويانه عبالك مو ويانه وحته امه صار ميحجي وياها المهم مريم هنا بس حته معندي وقت احجي وياها او اشوفها طبيت للغرفه وبدلت وتمددت ونسيت اقفل الباب وخابرت احمد الي اخذ ياقوت وياه وشغلت المايك وكل ضني اني مقفل الباب)السلام عليكم

:- وعليكم السلام

:-شلون اخبارها؟

:-الاخبار كلش زينه اجرتلها شقه وشغلتها بل شركه مالتي الي اشتغل بيها

:-شنو شغلتها وشلون الراتب؟

:-شغلتها سكرتيره للمدير والراتب ***

:-خوش تسلم ماراح انسه موقفك

:-لا خويه هذا واجبي بس هيه شصيرلگ

:-حبيبتي القديمه

:-زين ليش متزوجتو وليش سفرتها

:- مو اهلها ميتين وردنا نتزوج بس متلاومنا وعفنه
بعض بس ماكدرت اخليها ببغداد وحدها

:-ها اسف خويه على التدخل بس مبين بعدگ تحبها علئ هذا الاهتمام

:-اي ولله بس شنسوي الاقدار فرقتنا يلا مع السلامه

سديت الاتصال ودرت راسي وشفت مريم واكفه يم الباب ومبينه سمعت كلشي

مريم:- جان كل ضني انو هيه الطرف الثالث بيناتهنه بس طلعت اني الطرف الثالث

اسد:-مريم بس افهمج لحظه

مريم:-شفهمني تكله للولد اي ولله بعدني احبها ولأقدار فرقتنه ومسفرها وتهتم بيها

اسد:-صار شي ولهيج سفرتها

مريم:-سفرتها حته تروحلها شوكت متريد وحته احتمال انتو هسه متزوجين

اسد:-شهل حجي مريم احنه مو كلنا بعد منفهم كلشي بكيفنا

مريم:-من هاي اللحظه اني لا اعرفگ ولا تعرفني

طلعت من الغرفه واني ميته بجي حرفيآ وهوه طلع ورايه بس ملحگ بيه نزلت ورحت للغرفه وقفلت الباب ورحت لتلفوني وخابرت بابا