اسد/اليوم هوه تنفيذ المهمه وراح نطلع بليل عليهم وجانت الخطه انو نسهر ساعه وحده وبعدها العساكر يفوتون مداهمه ونقبض عليهم لهيج كعدنه من الصبح وجان سيف ما موجود وكالوا انو راجع للبصره وراح وهوه هسه بل طريق واني تا اروح لمكتبي بعد ما خلص الاجتماع دگ موبايلي وطلع جدي)
الجد/هلا وليدي
اسد/هلا بيگ جدي شلونك شخبارك
الجد/الحمدلله بخير اتصلت حته اكلك على موضوع
اسد/خير جدي قلقتني؟
الجد/شمس اجه واحد خطبها واني موافق وابوك هم موافق
اسد/مبين الولد حيل عاجبكم حته موافقين كبل منو هوه الولد؟
الجد/الولد الي خطب شمس هوه سيف
اسد/شنو (واني بصدمتي طب سيف للمكتب ومبين سمع كلشي)
الجد/ ليش مصدوم سيف صديقك المفضل وابن عمگ شنو ما كالك؟
اسد/خلص اني من اجي اشوف شيصير
الجد/إن انشاء الله
اسد/انته شلون تروح تخطبها؟
سيف/يعني شسوي واني كاعد اشوف البنيه الي احبها الف واحد يخطبها بل يوم تريد اضل ساكت ولبارحه اجه فاضل كدامي وخطبها واني ساكت
اسد/ يعني عادي وذا خطبها اني كتلگ سيف اختي الگ شلون تروح وتخطبها وفوكاها اني ما اعرف اله يخابروني يكلولي صديق عمرك خطب اختك انته موافق لو لا
سيف/ اني اسف خلص ادري بيكم كلكم متحبون واحد اسمه سيف علمود هذيج الليله الي خسرت بيها امي
اسد/هذيج الليله مادخلها بكلشي كاعد يصير
سيف/ما يحتاج مبررات اصلا بعد مشوفوني من اليوم
اسد/الله وياك
سيف/هو هذا حلمكم
اسد/عافني وراح ردت اروح ورا بس خلي شويه اني ما اعرف ليش عصبت علي مع انو اني واعده انو شمس اله استغفرالله ياربي ساعدني منا هاي الي بليل كاعد احس انو اني كاعد اخون مريم ومنا سيف وشمس ياربي ساعدني
_______________________________________
سيف/اول ما طلعت ركبت سيارتي وسقت بأعلئ سرعتي واني ابجي اي ابجي يعني شسوي وكلما صار شي يذكروني بهذيج الليله
لمن جان عمري 12 سنوات جنت راجع من المدرسه واني شايل الشهاده الشهاده الي طالع الاول بيها جان بوكتها ابويه بل دوام مايجي اسبوع بس مع هيج امي موجوده اعرفها ما راح تفتخر بيه ومرات احس هاي مو امي مامسويه كلشي من واجب الام او الزوجه النهار مكيجه ولبس قصير وتفتر بس ابويه جان كلش يحبها لهيج مايحجي وياها شي جان هوه يطبخ ويمسح البيت ويقريني ومن يروح جنت ازعل وكلشي ماتوكلني لهيج اروح لبيت جدي وجان جدي يعصب ويدك لأبويه واسمعه يكله شسويلها المهم فتت للبيت واسمع صوت ضحك امي وصوت رجال وعمري ماراح انسه هاي الليله ولكلام الي سمعته)
أنت تقرأ
عشگ الأسد
Randomابويه وجدي متزاعلين من بعض من سنين وتصالحنه ورحنه الهم شراح يصير يعني!!! روايه حقيقيه
