عشگ الأسد

part 28

مريم:-كعدت لكيت نفسي بمكان مهجور واضلم بس ضوه مال الشباگ الخفيف وشادين حلكي بتيب ورجليه وايديه مثبتيهن بل كرسي صرت ادفع بل كرسي حتى اسوي صوت بس لا حياة لمن تنادي شويه وطبو ثلاث اشخاص ملثمين)

:-كعدت الاميره النائمه

:-ههههههه

:-لا تبجين هسه اسودج حبيب گلبج ينقذج

:-وين يلاكيها هسه وهيه بطارف الدنيا

:-بس تدري والله ابن محظوظه هذا لاكيله وحده اجنبيه جمال وجسم مو حظ عنده ضيم

:-هذي الحلاوة كلها النه منا وجاي

مريم:-اسمع كلامهم واني ميته خوف معقوله يغتصبوني لا ياربي نجيني منهم اني شجابني هنا وليش خاطفيني ماما وبابا وينكم كاعد ادورولي هسه لو لا تعالوا بسرعه بنتكم بحاجتكم

_______________________________________

نور:-من البارحه احنه لا نهار نهار ولا ليلنه ليل البارحه اجينه من البستان وكعدنه بل صاله جايبين فواكه وجدو كال)

الجد:-وين مريم هيه اتحب العنب صيحوها

شمس:-هسه اصيحها يمكن بغرفتها

راحت شمس تصيحها واجت تركض ولونها مخطوف)

شمس:-جدو مريم ماكو دورتلها بل طابق الثاني كله وما لكيتها

حسن:-يجوز بل حديقه الوره البيت

نور:-رحنه كلنه للحديقه الورا البيت ولكينه فراش واندومي ولأيباد مشتغل بس محد موجود)

حسن:-شوفو هاي رساله جوه الايباد

اسد:-جيبها (سحبتها منه وقريتها وجمدت من الي قريته جان مكتوب)

(بنتكم يمنه ونرجعها بس بشرط واحد انو الضابط اسد يطلع اخونه شوكت ووياه 10 مليون يانرجع بنتكم وبيدها ابنها الي من الحرام ولا تتلاعبون احسن الكم)

الجد:-اسد هذوله منين يعرفوگ

اسد:-هذوله جماعه مخدرات قبضت على ابنهم الي هوه شوكت وهسه يريدون نرجعه

ام مريم:-انطيهم هذا الولد ورجعلي بنتي عفيه اريد بنتي

نور:-كالت هيج وفقدت الوعي جبنه مي ونصحيها بس متكعد رحت بسرعه لبست عباتي وجبت عباتها واخذناها للمستشفى شكلو الها مغذي بس مكعدت ساعتين وكعدت تصيح اريد بنتي واني احضنها) ماما كافي انشاء الله ترجع

ام مريم:-كله من ورا ابوج كتله لانجي ذوله ناس عشاير بس معند وفوكاها يريدنا نعيش هنا