قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت الاول

البارت الاول (١)

جت تركض تبي توريهم كشختها وشعرها وانو هي خلصت قبل الكل
ام سعد: شوي  شوي  يا بنت لا تطيحين
ما امداها كملت كلامها الا وهي تعثرت تبي تطيح ومسكها سلطان وهي قمطت العافيه
سلطان: هي شوي شوي وبعدين وش ملطخه بوجهك هذي اشياء كبار 
ريما  حبت رأسه وبملل من اخوها الي مو رضي يستوعب أنها كبرت
ريما: كل عام وانت بخير يا احلى اخ وبعدين انا عمري 17وش صغيره
ام سعد:كل عام وانت بخير يمه
سلطان وهو يحب راسها ويدها :وانتي بخير
ريما وهي تحضن امها :كل عام وانتي بخير ياأحلى ام بالدنيا
أم سعد:وانتي بخير ياروحي
ريما وهي تدور توريها الفستان حقها: عطوني رايكم
كانت لابسه فستان وردي يوصل لنص الساق ماسك لحد الخصر والباقي في نفشه خفيفه 
سما عليها سلطان بقلبه اخر عنقودهم و مدلعتهم و حبيبتهم كلهم
ابو سعد من وراها :اميرتي تحلي كل شي
ريما لفت لبوها وركضت وحضنته : الله يخليك لي وكل عام وانت احسن انسان بحياتي
ابو سعد: وانتي بخير ياقلبي
ريما بضحكه :مااتوقع اني بضل قلبك لو عايدت ام سعد،
سلطان جاء لبوه وحب رأسه ويده :كل عام وانت بخير
ابو سعد:وانت بخير يارب
ابوسعد راح لأم سعد وحضنها بخفه :كل عام والغلا بخير
ام سعد حاولت تبعدوا وهي مستحيه من عيالها ابتسمت: وانت بخير
ريما من وراهم تصفق ومغمضه عيونها: لا كذا كثير مضيعين الغرفه الحلوين
سلطان ضربها بخفه على كتفها : استحي وجهك مغسول بمرق
ريما وهي مغمضه عيونها: غمض عيونك يا اخوي لا تشوف اشياء مو زينه
كلهم ضحكو  وام سعد تحاول تبعد ابوسعد وبهمس: ابعد شوي العيال الحين يجون
ابو سعد بعناد حضنها أكثر وباس خدها وريما غمضت عيون سلطان بيدها ويدها الثانيه على عيونها : الله يهديك يمه لاتوري ابوي مره ثانيه كشختك تري ابوي جايك على وجهه هههههههههه
سلطان  ابتسم:اقول خلنا ندخل انا وانتي لين الوالد يخلص
ام سعد واخيرا فكت نفسها:ترو ابوكم يمزح
ريما بعدت يدها من عيونها: هذا وهو يمزح لو ما يمزح وش يصير و غمزت لها هههههههههه
ضحك وابو سعد وام سعد رمت على ريما الفاين : وجهك مغسول بمرق
سلطان ويد ريما للحين على عيونه: شيلي يدك انتهى الفلم
ريما شالت يدها وهي تضحك: نسيتك هههههههههه
جو البنات وسلموا على بعض وكل واحده تسل ابوها عن شكلها وكل وحده طالعه احلى من الثانيه جاء سعد ركضت له ساره وحضنته: كل عام وانت اجمل نشبه لي
سعد: وانتِ بخير يا توام روحي  وراح سعد وعايد الباقي ريما وهي تاخذ العيديه من ابوها: ابوي عمي بيجينا ولا احنا نروح لهم
ابو سعد: هو بيجي وبيضل كم يوم عندنا
ريما صارت تناقز من الفرح: يلعن ام الوناسه
ام سعد: كم مره قلت لا تلعني يا بنت
ريما: خلاص اخر مره
جلسوا البنات اللي تقهوي واللي توزع الحلاوه والمعمول و فرحانين شوي وجاء العم ابو احمد واهله ريما اول ما شافته ركضت ضمته :كل عام وانت احلى عم بالكون والعالم
ابو احمد ضحك وضمها: وانت بخير يا بنتي
اول ما شافت عمها راح لابوها و اخوانها ركضت وشافت سالم يكلم وحضنته من وراء :سلوم قلبي كل عام وانت بخير وينك ماشفتك. من الصباح هل يعقل أن يمر صباح  عيدك من دوني
فارس ابتسم :وانتي بخير بس مضيعه يابنت العم   انصدمت وبعدت على طول مافرقت ولا واحد با المئه بينه وبين سالم ركضت للمجلس الي وراه وطلع سالم وضمه كل عام وانت بخير فروسي
فارس بقلبه والله اني بخير قبل لا تجي اه بس استغفر الله: وانت بخير سويلم
ريما جلست تبكي من الفشله و ترجف رفعت راسها للباب اللي يفتح دخل سالم وشافها  لف على فارس اللي كان بيدخل مسوي نفسه ما يدري انها جوا
: اصبر شوي
دخل و قفل الباب وجلس عندها على ركبه وحاوط وجهها بيده : ليش تبكين  يا قلبي فيك شيء
ريما بخوف وهي ترجف :طحت طيحه قويه بس
سالم بشك :بس؟
ريما ارتبكت :ايه
سالم حط يده على قلبه وقال بضحكه :خوفتيني احسب صار شي
ريما ضربته بخفه وهي تشهق :انقلع أجل ليش جاي
سالم:يوه ذكرتيني كنت جاي انا وفارس بس خفت لما شفتك
ريما ارتعشت لما سمعت اسمه قامت :يلا أجل انا اروح
سالم مسكها :استني هو عند الباب
ريما راحت وراء الباب وفارس كان سامع كل شي من دخل سالم المجلس :عسى ماشر وش فيك
سالم:ولاشي ريما كانت تبكي طاحت ومسويه حساسه
فارس وهو ماسك ضحكته من كذبتها: ايه أجل كذا سلامات
سالم: انت اطلع برا عشان تدخل
طلع فارس ودخلت ريما على طول لغرفتها تعدل شعرها والميكب وطلعت لهم وسلمت
مها:باالعاده اول من يستقبلنا انتي وش عندك اليوم
ريما: طحت ورحت اعدل شكلي ماقصرت استقبلت الباقي
ملاك:بس محد منا شافك ولااستقبلتيه
ريما تلعثمت : اقصد عمي لقيته اول ما جيتو
فرح : خلونا نعيش اليوم السماعه ياسلمى
سلمى وهي داخله :يلا يلا جيبي الجوال يا ساره
ساره :جيت وقامو يرقصون وتجمعوا الجيران والأطفال وعايدو بعض لحد الساعة ١١البنات هلكو وتعبو ريما وهي تشيل كعبها :اف تعبنا اليوم قسم هلكت
فرح: اي وربي ايش ذا خلونا ننام بكره بنروح المزرعه بدري نبي نستانس
ساره  :كم يوم بنضل يابنات
مها:مدري ابوي يقول بيسال عمي ويقول لنا
سلمى: أجل خلونا نجيب فرشنا وننام مع بعض هنا
قامو البنات وجابو الفراش وريما وفرح رحو جابو اشياء يسهرو عليها و اكلو و سولفو ونامو متأخر ريما شافت الكل نايم هزت فرح :بنت نمتي
فرح الي ماكانت نايمه :لا ايش تبين
ريما :بقول لك شي لفي
لفت عليها فرح : قولي اسمعك
ريما : اليوم لما تأخرت وماجيتكم تخيلي ايش صار
فرح ببلاهه:طحتي ومن الدلع بكيتي خلاص خلينا ننام البنات نامو
ريما جلست وبهمس :لاكذبت عليكم جبت العيد
فرح فزت وجلست: بسرعه وش صار ماتتكلمي بصوت هادي الا وراك بلا
ريما من عادتها هي وفرح كل شي يقولوه لبعض
ريما بعبره:اليوم كنت طالعه من المجلس بجيكم بس
فرح بقله صبر:بس وشو تكلمي
ريما شفت سالم وخ.....قالت السالفه
فرح بصدمه :يو كيف كذا لا يكون احد شافك بيفهم غلط
ريما بخوف: قصري صوتك لا حد يسمعك، ما احد شافنا بس انتي قولي لاخوك اني حسبته سالم  لا يقول لاحد
فرح تطمنها: لا ما عليك فروس ما يقول،بس واو قصص رومانسيه وكذا
ريما ضربتها وانسدحت هي مطمنه انه خلاص ما بيفهم غلط: اقول كلي تبن ونامي
ناموا اخر الناس باالبيت
عند العيال  نامو كلهم الا فارس يفكر با الملاك اللي شافه اليوم يتعوذ من الشيطان بس يقول يا حظ  فرح اللي تشوفهك اه ياقلبي اعوذ بالله من الشيطان
صباح يوم جديد الساعه ٥:٠٠ص
ابو سعد وابو احمد والعيال كلهم عاده فارس راحوا يصلوا الفجر ورجعوا يفطرون بسرعه عشان يروحون بدري
ابوسعد: يا عيال وينه فارس ليش ما جاء معاكم
ابو احمد: ايه ليش ما قام لا يكون سهران
سالم: الا امس نام معنا مدري ليش ماقام
احمد: صحيته للصلاه قال خلوني شوي
سالم: غريبه خلوني اروح اشوفه لايكون  تعبان
ابو سعد: ايه انت روح له انتوا يلا شيلوا الاغراض بالسياره
العيال بصوت واحد: ابشر
راحوا يجهزون