قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت الحادي عشر

البارت الحادي عشر
لف وهو يناظرها برجاء: ما شافك صح ؟
ملاك وهي تشوف رجاه نطقت :
كم قال غيرك لي احبك صادقاً يسعى إلى وانا بها لم انطقٌ اني أُريدك والذي خلق السماء وكان غيرك ربنا لم يخلقُ
جلس وهو يحط يدينه على رأسه براحه
:قال  بيشوفك والي ذبحني موافقه عمي
وقف قدامها وهو يناظر بعيونها : و اغار من عين تتأمل عينيك وانا المغرب بها
لفت ملاك : مارح ارضى انا
حاوط وجهها بين يدينه : مرح استنى عمي يأخذ رايك بروح له و اكلمه
نطقت بذعر :ابوي فطين و بيفهمها وهي طايره مابي يفكر بشي ويشك بجيتنا هنا انتظر بكلمه واقله مابي
تنهد وهو يمسح على وجهه : حسبي على من كان السبب
ملاك :وربي خفت أن ابوي وافق على الموافقه الاولى
سلطان : لحد بكره اذا ما تغير شي بكلم عمي

كان ماشي وهو بيطفي الانوار بس صدمه منظر ملاك بكامل زينتها قدام سلطان ركبت الشياطين رأسه
مايمدي يتقدم الا بيد سحبته للمخزن

ملاك بابتسامه:تصبح على خير
لف سلطان :أصبح عليك يارب ضحكت ومشت وهو مشى على الفرشه يجلس
المخزن دخلته وقفلت الباب
احمد بحده وعصبيه :جيبي المفتاح ولا كسرت الباب على راسك
سلمى استندت على الجدار :مارح اعطيك لين تقولي ايش فهمت وترا كل شي فهمته غلط
احمد حاوطها على الجدار نطق بحده:بتكذبي عيوني
رجفت من قربه بس نطقت بتبرير عشان ما يخرب كل شي
:ايه كذب عيونك خل ثقتك عمياء ذول مو اختي وولد عمي
قطع المسافه بينهم : خلاص اجل انا وانتي نضل هنا وإذا شفنا سلطان يقول مو ذول اختي وولد عمي
تجمعت الدموع بعيونها :سلطان وملاك صلحو سوء الفهم الي بينهم وبيجي يطلبها من عمي لا تخرب كل شي وانت مو فاهم شي
رفعها من ذراعها بعصبيه : شوفي يا الدكتوره سلطان وملاك طريقهم مسدود هم فصخو خطبتهم وما قالو لحد السبب بيرجعو الحين ! بعد وشو
سلمى تحلف انها ما تحس بذراعها من أظافره المغروسه فيها كانت ترجف بين يديه وهي تشوف عصبيته :كان في شخص وراء تفرقتهم مو بيدهم هم رضوا و سلطان بيكلم
عمي كنا سبب خطبتهم الاولى خل نوقف معهم
ارتطم ظهرها في الجدار من دفته لها : تعرفي اني ما بخلي اختي تبني حياتها على غلط مثل ما قابلها با الدس بيقابل غيرها
رفعت راسها بحده وهي تحاول تبعده : وتعرف اني احب ملاك أكثر من سلطان نفسه وما رح ارضى لها الوجع ولو أشك أن سلطان يكذب بمشاعره لو واحد بالميه رح اكون اول من يفرق بينهم
احمد وعصبيته معميه عيونه : ملاك ابعد لسلطان من نجوم السماء تفهمين
نطقت ودموعها تجمعت بعيونها: لا توقف بينهم تكفى عاقبني انا عنهم بس لا تخرب فرحتهم وحياتهم بي كلمه
ناظر فيها وفي كل انش بوجهها وهو وهو يشوف عمله سلطان الي معميه عيونه ليش يختلي بأختي و شد على ذراعها يرفعها له :أجل قلتي لي تبي العقاب بدالهم
هزت راسها بفرحه وامل أنه ما يسوي لسلطان وملاك شي :اي شي تبي ا سويه بس لا تسوي لهم شي لا تجبرهم على حياه هم ما يبوها هم....قرب بكل حده وعصبيه وحبس أنفاسها بقبلته نزلت يدها بصدمه ودهشه منه ماكانت تدري أنه يقصد بيعاقبها كذا تحلف مو ذا ولد عمها مو ذا الي تأمن له مثل باقي اهلها رجفته وهي تبعده طالبه نفس ابعد وماكنتت المسافه الي أبعدها الاكم سانتي وهو أنفاسهم مو منتظمه حست فيه واقف وللحين شاد على يدها نطقت بحجرشه: تراني على حد البكاء لاتبكيني
غمض عيونه بقوه وهو حس بحجم المصيبه الي سوها
دفها بعصبيه وغضب :بعدي عني كله منك
ناظرت بصدمه كيف قلب كل شي عليها بس ما أمدها تتكلم وهي تعثرت واستندت بكفوفها وانغرس فيها القزاز رفعت كفوفها وهي تناظر فيهم بصدمه من الدم بكت وانهارت خوف ووجع بكت كل شعور وكل سبب يحتاج انها تبكيه الا الم القزاز الي انغرس بيديها
لف على صوت القزاز مسح وجهه وهو يشد على شعره : و المصيبه الي بلاني بها ربي
مشى لها نطق بقل صبر :بشوف
ما سمعته من صوت شهقاتها
جلس وهو يمسك كفوفها ويشوه القزاز الي جرحها
احمد :قومي معي
رفعت راسها بسرعه وخوف وهي تناظر فيه
عض شفته وهو يشوف خوفها :بشوف يدك عند الضوء هنا ماني شايف مره
شافها مو ناويه تقوم مسك ذرعها وهو بالقوه قومها
ناظر في يدها :بطلع القزاز
فزت برعب :لا لا بيوجعني
احمد بهدوء لازم أطلعه وانتي ابخص يا الدكتوره
وانا بطلعه بشويش
بدء وهو يبتدئ بمهمته وكان مركيز شافها رافعه رأسه وتحاول تصد
قرب كتفه لها :كتفي موجود ابكي عليه
ما خلا لها مجال ترد لانه قرب وجهها لكتفه
حس بدموعها على كتفه وهو يحاول يستعجل عشان مايصير اسير عطرها حست فيه خلص وابتعدت وهي تشوفه أخذ شماغه من على رقبته ولفه على يدها تورط وهو ما يدري بأيش يلف يدها الثانيه: هذي لقيتها بغت....
سكت اول ما لمح وشاحها الي على رقبتها
ارتجفت وهي تحس بيدينه على رقبتها أخذ وشحها ولفه على يدها الثانيه
رفع رأسه بتعب :هاتي المفتاح
فزت بخوف وهي ماحست باالمفتاح الي طاح منها وهو يتنقل بها من مكان لمكان
لفت بخوف أنه يعصب ويسوي لها شي :ا ا طاح مني مدري وين ما حسيت فيه
كان بيتكلم بس شاف خوفها وهي تبعد
مسح وجهه ونطق وهو يبدأ يدور عليه :يارب
كانت بتدور معه لاكن يديها تعوقها أبعدت لآخر نقد باالمخزن وهي خايفه منه
.................••...................
واقفه عند ركن القهوه الي بغرفتها وتسوي قهوه
سمعت صوت الباب يدق : ادخل
دخل وهو كان يراقب وراه وسكره بحذر
:زين مانمتي
جت بكوبها وكوبه :انتظرك حبيبي
اخذه منها : دوبي قدرت اجي
ناظرته بخوف : سعود صح أن ذي الطريقه الوحيده الي نقدر نتقابل فيها بس خايفه عليك لو امك درت
سعود : ماعليك وانا اخوك
جيهان : ايه أبدا وش حاب نسوي اليوم
سعود :اني متكسل خليها سمره سوالف
ابتسمت جيهان :الي ودك والواضح انك معك هرج غرد
ابتسم لخته الي تعرف ابسط تفاصيله: أجل ناخذ وضعيتنا
ضحكت وهي تسند ظهرها على السرير وتتربع لجل ينسدح سعود على رجولها: تعال
انسدح وبدت تلعب بشعره
سعود بضيق :شوفي نوني اعرف الي صار اليوم ضايقك وتري جوري ماتقصد يعني ايه تعرف وتقصد بس مو ذي حركاتها لما كبت عصير على اوراقك تري بأذني ذي سمعت امي تشيشها عليك لا تزعلي منها
ناظرت فيه بهدوء : اعرف حبيبي وانا ما ازعل منكم انتم اخواني شوف الحين انا بدون ام واب ولو انتم مو هنا انا ما عندي أهل احنا سند بعض بذي الدنيا انا وانت وجوري قالت بابتسامه تريحه وجوري اخر عنقودنا مانزعل منها
لف سعود بحب لها : حتى انا يعني كنت ازعلك بس ماكنت اقصد سامحيني
ابتسمت لبرائه اخوها وهي تعرف أن كل شي من تحت راس امهم الحيه : تصدق عاد ماعمري زعلت منكم ضحكت بحماس لا يعني اكذب أحيان اتضايق اذا كنتو خربتو كتبي و واجبي الي طولت وانا اكتبه و غرفتي الي مقلوبه فوق تحت واكلي الي مسوين فيه شي  لاكن يهون كل شي لما أتذكر أن انتم الي بقيتو لي با الدنيا اذا زعلت منكم على توافه الدنيا كيف بتقوا علاقتنا
رفع نفسه وهو يحضنها : الله يهدي امي مدري ليش ماتحبك
شدت عليه : مانغصب أحد على محبتنا ياسعود
مسك يدها وهو يلعب باصابعها:اذا تبي شي او محتاجه شي لاتقولي ماعندي أحد قوليلي طيب
هزت راسها بهدوء : ابشر
باس سعود راسها : بروح قبل امي تفقدني
ضحكت : ياربي ياسعود و بوست الرأس تحسسني اني عجوز
ابتسم : ماعليه انا كذا احب تصبحي على خير
جيهان : وانت من هله ياسعودي
ضحكت وهي تشوفه كشر مايحب تناديه كذا تحب اخوها سعود على صغر سنه الا ان عقله اكبر من عمره بكثير كان العوض لها بعد امها وأبوها على أن أمه دائما تشيشه عليها الانه يندم ويعتذر ولا تغير عليها عكس توئمه جوري
نامت وهي كالعاده بعد موجه هواجيس و انغمرت  في احلامها
...............••...........
بيت ابو احمد
طلع الفجر وبعد موجه بحث عن المفتاح حصلوه وطلعو
عند سلمى كانت تفكر بكلام احمد قبل يطلعو صدمها فيه وهي بين نارين ياتوافقه ياتخاطر بفرحه وحياه اغلى ثنين
عندها
..........••.........
صحو البنات وهم يجهزون الفطور والقهوه للاباء عادتهم اذا اجتمعوا مايخلا الجو من سوالفهم ومزحهم لاكن اليوم الكل ساكت الكل مشغول بنفسه ساره وتفكر بحال سعد الي له ايام مو عاجبها وسلمى اكلها التفكير بالي صار أمس وملاك خايفه من مصيرها وفرح وريما كانو يحلون قضيتهم الي مشغلتهم و يجهزون الفناجيل والتمر وما كانو يسون الا الاشياء الخفيفه وفرح تغني بصوتها العذب وريما تصفق لها
جت ام سعد :ها يبناتي ابطيتو
ساره :ما بقاء الا القهوه
دخل سعد وسلطان وفارس لجل ياخذون الفطور والقهوه
سعد وهو يبوس راس أمه : صبحك الله بالخير يمه
ام سعد :صباح النور
قرب وهو يحضن كتوف ساره : كيف صباح سوير
ابتسمت وهي تجهز القهوه : تو يزين
ريما :اخ لو عندي توأم يصبح علي
فرح : يوه تو أتذكر ما صبحت عليك كان قلتي لي وش الرسميات ذي
ريما : اللبيبوا با الاشارتِ يفهموا
ملاك : اي إشاره الله يهديك من اليوم وانتي طاقتها حنك معها
ساره همست لسعد : فيك شي
ناظر فيها : لا
ساره بتمعن : من متى صرت اسال اذا فيك شي مو المفروض قبل احس فيك شي تجي تقول لي
سعد وهو يحاول مايبين لها شي : قلت لك مافي شي
لفت بزعل وهو الاعمى يعرف أنه في شي مضايقه بس ماتكلم
سلطان :سوير وين وصلتي
لفت عليه بستفهام شاف ملامحها وأشر بعيونه على القهوه لفت وهي تشوف القهوة غلت وجالسه تكب مسكتها وهي تصبها في الدله: ما انتبهت
فرح :حسافه عمي وأبوي يقولو ولايضبط القهوه الا ساره
شافها سعد زعلانه تنهد بهدوء: زعلتي
ماردت وهي تودي القهوه بصنيه الفناجيل وتمدها لفارس ومدت لسلطان صنيه الفطور وهي العقاب الصامت تفعله اذا زعلت
وبقى صنيه بيالات الشاي عرفت أن ال بياخذها سعد
كانت بتمشي لاكنه وقف جنبها : كني اشوفك بتمشي وماتعطيني الصنيه
مدتها له واخذها طلعت بسرعه قبل يهزمها كلامه وتأنيب الضمير ما يطوعها قلبها بالي تسويه لاكن اليوم اجزمت تعرف وهي تدري أنه خمس دقايق ويجي لها بس تبي تريح قلبها من خوفها عليه
تجمعو على الفطور وهي مالها نفس تفطر
طلعت وهي تشوفه في حوش عمها يحوس
: اخ منك وش الي موجعك جعله بعروق قلبي عنك
طلعوا البنات للحوش وهم يجلسون يتقهو مع الآباء
فرح بهمس لريما : اليوم الكل نفسه في راس خشمه وش ذا
ريما بنفس الهمس: الحين نصهم أوراقهم مكشوفه بس تدري وشو
فرح بهدوء وهي تشوف ملاك وساره وسلمى جاين :وشو
ريما : هدوء احمد جديد على الساحة
فرح :: اقولك وساره وسعد كل واحد جالس بجهه
ريما : قومي نرفه عنهم وش ذا الكأبه
فرح بضحكه: على أن صوتنا هه هه لاكن يلا نطربهم
ريما : يحصل لهم بعد
فرح بصوت عالي :  أصحاب الوجيه الي تسد النفس معدا كبرنا لبى والله عينهم
ريما : وش ذا الكأبه الي من صباح الله
فرح :  عاد قلت دامكم مكتئبين اغني لكم وتكتئبوا مره وحده
فارس :رحم الله امرؤ عرف قدرا نفسه
ريما : سدد لك وحده لاكن ما اسمح لك
سالم : كنت بنصدم لو طقطقتي معنا عليها
فرح :صديقي لبى والله عينه
خبطت كتفها ريما : اطربيهم
مسكت يدها وهي ترقص معها بهبل و تصفق لها  :
وشلون ما ادري كيف روحين في روح
مـــاكـــنــــت أصــــــــــدق بــانــدمـــاجـــك يــــــــــالأرواح
مـعـقــولــه أحــــــد يــمــشــي مـــعــــي ويـــــــن مـــــــاروح
مـعـقــولــه أنــــــا أمـــشــــي مـــعــــه ويـــــــن مـــــــاراح
أول أحــــســـــب إن الـــغـــلـــى ضـــــحـــــك ومــــــــــزوح
ســـمــــرة ســــوالــــف مــابـــيـــن مــــركــــى
ومــســـبـــاح
أثــــــــر الــغـــلـــى بــــلــــوة أحــاســـيـــس وجــــــــروح
لــــوعــــة مــشـــاعـــر بــــيــــن ذابـــــــــح وذبـــــــــاح
مـــايـــعــــرف الـــرحـــمــــه ولا يـــســـتــــر الـــــبـــــوح
عــــــزي لـــمـــن مــثــلـــي عـــلــــى جــمــرهـــا طـــــــاح
ادري خـــــطـــــأ مـــــنـــــي ولانــــــــــي بــمـــســـمـــوح
اشــــــك فـــــــي روحـــــــي وأنـــــــا فـــيــــك مـــرتــــاح
بــــــــس اعــذريـــنـــي عــاشـــقـــك فــــيــــك
مــــذبــــوح
بـــيــــن الــــرجــــاء والــــيــــاس ضــيـــعـــت الأفــــــــراح
أحــــلامـــــي وآمـــــالـــــي ومـــواعـــيــــدي وطـــــمـــــوح
يــمـــكـــن مــــــــدى صــــبــــري بــتــالــيــه مـــفـــتـــاح

سلطان :اخ منكم على الجرح دائما
فرح :على راسي المجروحين
ضحك ابو سعد : مافيكم طب
ريما : بس كيف الصوت ولا اروع
سالم الي ساد اذانيه:اربكم خلصتو
فرح رمت علبه المناديل : زعلت والله وش تقصد
فارس : بكل وجه بارد يسالو انتم تسمعوا أصواتكم نشاز
ريما بتشميقه :من ناك بس
سالم : الله يسامح ابوي وعمي سلكوا لكم واحنا انكبنا
فرح : لو اشوف الضيقه ذابحتكم ماوسيتكم عاد
سالم : مايدرو أنهم زادو الضيق ضيق
فرح جلست بزعل : ابوووي
ابو احمد بضحكه :بس أنت وياه
ريما بخبث :خلهم يعتذروا زعلونا
ابو سعد : افا يزعلون عنقيدنا اعتذروا
فارس بذهول :بس ياعمي
ابو احمد : اعتذر ولا سلمو مفاتيح السيارات
سالم :ظلم ظلم ظلم
فارس :صادق صادق صادق
ابو سعد : اسمع
سالم :اسف
فارس بدون نفس :اسف
ريما :ايه ادب ههههههههههههههه
سلطان : اخذوكم رايح جاي
فارس :الحشمه للشياب ولا علمتهم كيف يتخبثو
فرح بتمثيل الصدمه: تقول لبوي وعمي شياب وهم بعز شبابهم ياخزياه
ريما : الا ذول ما اسمح لك
فارس : اقظبو أرضكم لا امسكم
ام سعد :بس انتي وهي بس
عند ساره شافت أنه مو جاي وواضح أنه متضايق مره هو مو واضح للكل بس هو كتاب مفتوح لها تحس أنه واضح ضيقته ليش محد يشوف
قامت بالقهوه وهي تقهويهم ووصلت لسعد :فنجالك
مد الفنجال صبت له وجلست جنبه بهدوء: اذا تقوء انا ما اقوء
لف لها وعرف أنها تقصد زعلهم من بعض حاوط أكتافها :لا تأكلي همي بس يخلص موضوعي علمتك به
ساره بتمعن :اكيد
هز رأسه وهو يحضنها له
ريما بهمس لفرح :سجلي عندك قضيه خلصت بدون اي تدخل منا
فرح : هم كذا ساره وسعدها مايمدي ندخل بشي يحلوه بينهم وبسرعه
ريما :القضيه الثانيه قضيه العملاق
فرح : حرام عليك أحسك تسبي اخوي
ريما : اقول من ناك متفقين نتنمر على الكل لو هو اخوك تطقطقي معي عليه
فرح : المشكله جوي التنمر
ملاك : ماتسكتوا كذا الا وراكم مصيبه
ريما بتصحيح : اسمها قضيه مو مصيبه
ملاك : سلكوا لنفسكم بس
فرح : ماعمرنا تدخلنا فيكم ليش تدخلوا فينا
ملاك :اعرف سوالفكم فينا ماتجلسوا اذا ماعرفتم كل شي
ريما لفت لفرح :ودك اعطيها ميوت
فرح :اي تكفين ادوشتني
ريما لفت لملاك: ورا ماتنشغلي ب S
لفت ملاك بصدمه : هاه
ريما بتمعن: انشغلي بخطيبك عنا مو هو حرفه كذا
جمدت ملامح وجهها وهي حسبت أنهم عرفوا فيها وفي سلطان سكتت وهي تخاف منهم لأن مايفوتهم الفوت
فرح بضحكه : اقوى ميوت
ريما بهمس ضاحك:اخ جدوله جديده خل نروح لسلطان
فرح: مسكتها انطقي الوقت مايسعفنا للقضيه الثانيه
ريما :خل نعتزل العالم لني مو قادره افكر
فرح :دقيقه بشيك على العائله كامله اخذت نظره وهي تسجل حال كل واحد فيهم
ابو سعد : على وين
ريما : عندنا قضيه مهمه مره بنروح نحلها
سلطان : مين الي بتاخذوا ذنوبه الحين
ريما بخبث وضحكت بسخريه : ترا دوبنا مخلصين من قضيتك وعلى وشك نقفل الملف
سلطان توتر من نظراتهم وهو يعرف أنهم يعرفون شي حتى هم مايعرفوه : وش طلع معكم
فرح : يفضل انا نسكت
فارس : احس بنسمع عن نفسنا اشياء اول مره نسمعها
ريما : مو لصالحكم نكب العفش ولا يا احمد وسلطان وسعد وساره وملاك وسلمى
فرح :وفارس وسالم ؟
ريما : هذول مكشوفين خليك منهم
فارس لسالم :اخس ماتوقعتنا مكشوفين لذا الدرجه
مشو بعد ماكهربوا الجوء والكل خايف أنهم كشفوهم السوستين ذول

   ....................................؟؟

(بارت جديد وتوقعااات جديده وحلوه ،ولاتنسون النجمه يانجماتي 🌟)