قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت الرابع

(البارت الرابع)

في المستشفى قالو رجلها فيها كسر  ولفوها  لها وصلت المزرعه وهي مستندا على اخوانها وش حاجت العصا وهم ساندي انها  لفت لبوها وعمها الي جو يتحدون لها باالسلامه :خطاك السوء يابنتي جو البنات على جلسه الرجال حضنوها ترددت الجمل والعيال تحمدو لها باالسلامه سلطان حس بأنضار عليه نطق بلامبلاه مصتصنعه:سلامات
ناظرت فيه وصدت تجلس بين أبوها  وعمها
ريما بمزح : اهلي الاعزاء يلا نسوي رياضه
ناظرو فرح الي ماتت ضحك وهم مافهمو الا لما نطق فارس :الا ياحيونات مو على اختي
ضحكو كلهم الا سلطان الي رحم ملاك الي تتلوء من الالم
: خلو عنكم التشمت مو ناقصين نضيع بنزين على رجولكم هو قالها لجل يسكت البنات لاكن وقعها بقلب ملاك شي ثاني كانت تفكر تفكر بكل شي تحاول تلقله عذر ماتبي تصدق أنه نسها أنه شاف دموعها وتغضها
ساره :خلو منكم الجنيات هذول ايش رايكم نسمر الليله هنا
سعد : مال ساره الا السمع والطاعه
ساره بابتسامة: انا افداء سعد وعيونه
سعد :مجاره لبى عينك
ام سعد :أجل نسلم عشنا لتوأم
سلطان بضحك :لا تكفون لسى ماعشت حياتي ماشفت عيالي مابي اتسمم واموت
ضحكو كلهم الا ملاك الي قشعر جسدها كم مره تمنو أن ثمره حبهم عيالهم تتذكر ماعمره قال عياله كل مره عيلنا هي تدري ان الحين مابينهم اي صله الا انهم اولاد عم حتى الكلمات الي بينهم ماتربطهم ماتغير احساسهم  تغير كل شي حتى خوفهم على بعض حبهم ذبل ماتدري هو ذبل ولا مات هو نسها ونسى حبها ليه هي مانسته ماتصده ماتكره ماتخفي خوفها عليه هل بعيش حياته طبيعي بدونها هل بيجوه عيال  صدق مابتكون هي امهم ماحست الا بيد على خدها ناظرت في احمد الي نطق : ليش تبكين ياقلبي يوجعك شي ؟
مسحت عيونها: ما انتبهت بس رجلي توجع عشان كذا
سعد : تحتاج مستشفى نوديك
ملاك وهي تناظره بشبه ابتسامه: لا والله وجع خفيف بيروح الحين
سالم : اذا حسيتي وجع لاتهمليه قولي لي احد فينا يوديك
ملاك : الله يخليكم لنا
فرح تحاول تغيير جوهم :سالم انا بطلبك مو عشاني مو مكسوره ما توافق
ناظروها بصدمه قال سالم : انا لو تبي تموتي لا تطلبيني انتي وريما دايم تطلبون المستحيل ترو انا مو ابوي أو عمي لجل اوافق لكم
ريما بنص عين:تسلم ركبتك دخلت العيله كلهم
فرح بحماس :معليك ريمي انا وانتي واحد المهم سالم جيب العود خلنا نروق انت دق وانا اغني فرصه وجت لعندكم
سعد بمزح : بتفقع طبلت إذنا
مها بمجاكر : انا مدري مين مكذب عليها أن صوتها حلو
فارس :اشك انها ريما
ريما بغيض :اننننن من ناك بس والله إن صوتها احلى من صوتك
قام سالم :انتو لو تقولو شي بدون مناقر بشك انكم اهلي
ضحكو ورح فارس يجيب العود هو فنان فيه وكان يدعمه فارس وأهله
ملاك مسكت عكازها بتقوم فزت سلمى ومسكتها تسندها  ملاك : عن اذنكم بروح احد كريم عشان الوجع واجي لاتبدو
سالم :  أجل الشاهي اليوم على سليط
سلطان:على كيف مين
ابو احمد : كيفي
سلطان بورطه : امرك
قام دخل جوا يسوي شاي شاف سلمى وملاك معطيته ظهره وعليها جلالها سلمى :تلثمي سلطان جاي 
دخل بحماس : سلمى وين االسكر والشاي
سلمى جلست على الطاوله وملاك على الكرسي : عند طاولت الغاز اسكت لفت لملاك و بحماس وصوت عالي  :طيب انتي ماقلتي لها مابي اخوك ليش تصر اف تقهر
ملاك ناظرت سلطان الي يناظر بصدمة وشتت انظارها:مو راضيه تفهم
سلمى :يلا اهم شي راحتك وتخلصي دراستك و بيجيك الي احسن منه صدت وهي تحس بأنظاره عليها :يجيب الله مطر على قولت فارس
سلمى :اخخ الله يجيب اليوم الي اشوفك فيه عروس وأشوف عيالك المجانين وه بس
:اقول من ناك عيالي مودبين تحسبيهم مثل عيالك
ناظرتها بصدمه : اقول يصح لهم انا امهم
ملاك : الله يعينهم عليك
سلطان بحده :سلمى حطي بيالات الشاي
سلمى باستغراب :الحلو ليه زعلان لكن  على خشمي بجيب الي باالجلسه الي هنا مايكفو
ناظرها وصد طلعت سلمى ولف سلطان لملاك نظرها بحده : وش قصه اخو البنت
ناظرته بسخريه : ولا شي بس كان ذا الخاطب العاشر هذي القصه
نظرها بحده : ولا تفكري تفكير حتى
: ماناقصني شي
ناظرها :الا ناقصك وشي كبير بعد وهو كان يقصد قلبها
قالت بثقه : مااشوف الي ناقصني وان كان وفيه فنا مهمشته وهو باخر القائمه وماادري لو كان بالقائمه با الأصل
ماحست الا وهو عندها وغارس اضافره بعضدها:ولو احد عرف مصيبتك ماياخذك
ناظرته بتحدي وحده ودموع :بلقى بلقى الي مايصدق فيني بلقى الي مايضرب بقلبي عرض الحيط بلقى الي يستاهلني ويستاهل حبي واوعدك لو جاء أحد يخطب اني ما ارده بي حجه وان تكون انت اول الحضور بعرسي
ناظرها وهو يشد على يده الي بعضدها: مابيحبك لو عرف
ناظرته بكره لول مره :مو كلهم مثلك ونفضت يدها بقوه ومسكت عكازها ومسحت دموعها وهي تمشي ماتدري هو يكابر ولا صدق كرها وش يقصد بالي ناقص شافته يمشي فايتها باالشاي كم مره حست با الامان معه كيف كانت تحب عرضه وطوله وتهيم فيهم وصلت الجلسه وكانت فرح تصب شاي وصلت عندها نطقت :مو مشتهيه
فرح :الذ شاهي بتذوقينه بحياتك
ملاك تعرفه وتعرف طبخه ونفسه الحلوه على الاكل
لاكن الحين ماتبي منه شي : تو شربت اذا ابي بصب
فرح :بكيفك
كان ينظرها بحده وصد
ريما : اليوم الكل يشارك نبي حماس
فرح بتأيد : والله انها صادقه
سالم :انتي عمرك أصلن ماانصفتي ريما
ناظرته فرح:تف تف بسم الله علينا من الحساد
قالو بصوت واحد :تم
ريما: أجل نبدا مع ساره
ساره :انا اعفيني يكفي العشاء
مها :وانا معها
ريما :يليل العجايز أجل ابدي يا فرحتي
فرح ماصدقت : كم ريما عندي بقولها وانت دق ياسالم
سالم يستعد :تم
فرح بصوتها الحلو بدت  وعزف سالم