قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت الرابع عشر

البارت الرابع عشر

في مجلس الرجال
تكلم ابو احمد الي كلمه احمد بموضوعه وأنه يبي سلمى
: اني جايك يا اخوي وطالبك طلب وان شاء الله ماتردني
نطق ابو سعد: ابو سعد أبوه والله ما ترجع خايب يا اخوي
ابو احمد :تسلم ياخوي وما تقصر وانا جايك اليوم اطلب يد بنتي سلمى لولدك احمد على سنه الله ورسوله
ناظرو  الكل بصدمه باحمد
لف ابو سعد: ونعم في احمد رجال و ينشرى و ولدنا بس لازم ناخذ رأي البنت وانت داري يا سلطان
ابو احمد :اكيد اكيد
كملو قهوتهم وأحمد على جموده وهو يسمع العيال  يهاوشوه ليش ماقال لهم من اول
:هذاكم عرفتو مابيتغير شي لو عرفتو من بدري
سعد : اقول طس بس من الحين مسوي ثقيل ويعنني
فارس : انا وانا اخوه داري معكم مكتم الاخ على الموضوع
سعد :لله يا الدنيا  المبزره بتعرس وانا باقي اصبرو ياخي ظلم
احمد بطقطقه : انت للحين ما لقيت قارصه احلامك وحنا مارح نستنا تطلع من قبرها وتجيك
فارس :اخس صرنا حنا بدل انا سبحان مقلب القلوب
سلطان وهو جاي با الشاهي :اذا عرفت حكمه مو لازم تستخدمها بسرعه وش دخل ذا الحين
فارس بوهقه :خفت انسى الحكمه ونا ما استخدمتها
الكل : ههههههههههههههه
سالم : هذا وانت في العمر الي يقاله عمر الزهور وذا عقلك
قام سعد وهو ماسك بطنه من الضحك :تكفى اصه انت الثاني وش دخل بعد
وقف احمد :خلو عنكم الفلسفه وتعالوا نوضي ونطلع للمسجد
سالم :يعدل سمعته عندنا ويسوي مطوع عشان نوافق له على دكتورتنا
احمد من عند الباب  بغرور : لبى عيني والله الدكتوره لو تشوفني بتموت تقول ذا خطيبي
دزه سعد : مابعد ملكت لجل تأخذ راحتك يا الطيب
فارس : ايه أدبه تكفى

.............•••................

دقت الباب وهي مستعجله سمعت الرد من الجهه الثانيه وزفرت بقرف: انا
زينب بكره : وش تبين جايه
غمضت توفانا  عيونها بقل صبر : ماني جايه لسواد عيونس
زينب : أجل خلي الي جايه لها تفتحلك الباب
ركلت الباب برجلها وقالت بنفسها : مو انا اقول وين التبن مختفيه ومخليتني واقفه معك
اتصلت بجيهان ثواني ووصلها الرد من الجهه الثانيه
:سمي
توفانا بقهر :وينك يابقره عن الباب
جيهان :ارسلت الخادمه تفتح لك
توفانا :ماجاني غير ذا  الحيه الي ماتتسما اطلعيلي
جيهان بضحك :تكفين فاتني هوشه من هوشاتكم
فتحت الباب وهي تضحك وتعرف أن توفانا واصله معها من اول ماتسمع صوت زينب
:حيو حيو العصبين
بعدتها عن الباب :اصه انتي بعد
مشت ورها وهي تضحك : ياقلبي عليك خرب مزاجك
ضحكت وهي تفتح باب الغرفه حقت جيهان
: ياربي صوتها يجيب الضيم
جيهان بسخريه : عطيني جائزه لاني مستحملتها كل ذي السنين
توفانا : مو لاقيه مني الا الكف اذا ماخلصتي واجباتنا
جيهان :خلصت مادتين ابي تساعديني با الرياضيات
توفانا بشهقه : حبيبتي انتي طسي الاسبوع ذا الوجبات عليك
جيهان : يوم افرح اني خلصت واجبي اتذكر واجباتك
توفانا :امدا تتعودين لنا ست سنين على ذا النظام
جيهان : بس تبي الصراحه حلو اسبوع كامل ارتاح نجي المدرسه تطلعي واجبك ومهامك وحقاتي بعد
توفانا : الكل يستغرب منا بس لاتجحدي أحيان اساعدك
جيهان بسخريه : اي صح انا ما اساعدك
توفانا بضحكه : عشان تعرفين لما المسئولية تكون علي اخلصها ولا احتاج أحد
جيهان بقهر رفستها : يلا بس يا الجاحده
توفانا بملل : شغلي لنا فلم او اي زفت طفشت
جيهان وهي تنسدح : مالي خلق حركي دمك وافتحيه وجيبي من الدرج شي نبلعه
توفانا وهي توقف : وانتي مايهمك الا البلع
كانت توفانا واقفه عند الجهاز لأجل تفتحه
جيهان :نوني
توفانا : عيوني وقلبي وروحي وحي...
وقفتها جيهان وهي تضحك :خلاص ياخفيفه قلت ليش مانتواعد بمكان ونلاقي البنات
توفانا : أجل دقي وشوفيهم اذا بكره فاضين