قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت الثالث عشر

البارت الثالث عشر

سعد وهو يزمر من سيارته : سلمى تجي معنا
سلمى مشت متجهه له وهي تعرف ابوها طول الوقت يخليها تسولف ويتكلمو تخاف يشك بصوتها
طلعو متجهين لديره
....................•••.......................
في السوق
توفانا بقل صبر :جهير احرميني من ها الالوان اذا تبي نطقم
جيهان بمحاوله إقناع : يابنتي خلي عنك وربي البرتقالي شيييي خطير ياالله وش ذا الكأبه تبي اسود وكحلي كل المدرسه نفس الالوان
توفانا : تكفين احس اني شمعه مضويه من ذا اللون مابي
جيهان : خلاص اجل البينك هذاك وربي حلو خذي درجه الون الغامق ذا تبي
توفانا : مو غامق مره شي بسيط
جيهان : ذا أو البرتقالي
توفانا بقل صبر : خلاص تمام ذا ذا
جيهان :يلا على القسم الثاني
توفانا : لما أنجز واخلص من المريول والشنطه احس ان مابقى شي
جيهان : صادقه بس الحين وقت الهبد اي دفتر خارج عن المألوف نجيبه
توفانا بحماس :جوي التفاهات ذي امشي
جيهان : شوفي الدفاتر الي عليه شجر ونخل احس للمواد الإسلامية
توفانا : خليك من ذا انا ناويه اجيب دفتر قفل للحش
جيهان :وربي أنه فكره حطي ثلاث لكل ترم
توفانا : ياربي ما ننكب ويصير للرياضيات
ضحكت جيهان
وهم واحد با الميه شي للمدرسه والثاني للعب
..................••• ....................
في الديره تحديدا بيت ابو سعد
وصلوا وكلهم مشتاقين لبييتهم و روح ديرتهم
وكل من مشى ومر يسلم ويرحب فيهم
ريما :  كل ما نرجع الديره وأشوف الترحيب ذا احس اني محور الكون
سالم : اخ اكيد أن اختي محور الكون مافيها كلام
ريما : واكيد انك مو اخوي مدامك تنصفني وتمدحني
سالم برجاء: ابيك تجهزي فراشي وتسويلي إن دوميك اللذيذ الحين اذا نزلنا
ريما : وش لي
سالم براحه :الي تبي بس اذا صحيت الحين هلكان
ريما بغرور : عشاني كريمه وبنت كريم واخت حسنه بأكلك معي
سالم بسخريه : واخت كريم
ابو سالم : يلا وصلنا نزلوا الاغراض الحين قبل الصلاة
نزلوا وهم كل واحد يتماغط من طول الطريق
ساره وهي تخبط على كتف سعد : وجع خضيت بطونا بسياقتك
سلطان : وانا اشهد
سلمى : اخر مره اجي معك وش ذا
سعد : المره المليون تقولين كذا ومردك لي
سلمى : يلا بكرفكم قبل لا اروح
سلطان: بسوي عرس لما تذلفي عنا
سلمى بدق : واثق ولاقي العروس
سلطان بغرور :  تعرفين كل البنات يتمنوني
ساره : ايه من كثرهم صار لنا سنه ندور وحده ترضى فيك
سلطان : الزين ما تشوفه الا عيوني بدلكم عليها
ساره بشهقه : لا الاخ شايف له شوفه
ضربها سعد بخفه : يابنتي كم مره اقول لا تشهقي
سلمى : انا حدي أشيل شنطتي ذي الباقي للوحوش اخواني لبى عينهم
سلطان :إلا شنطتك ياسلمى مابي اشيلها تحس فيها كل شي الا الملابس
سلمى وهي تأشر له بيدها ومقفيه :ورنا عظلاتك
ساره : البوديقارد حقي مارح يتعبني
سعد بسخرية: تحت امرك يا ملكه
ضحكت وهي تمشي للبيت سلطان : وين عقب سالم
سعد : مسوي نفسه تعبان لأجل ما يشيل شي
سلطان : كل مره اقول لو الحقه و امسكه بس مدري كيف يسلم
سعد وهو ماسك شنطيتين: الحظ وانا اخوك
سلطان بتأمل : الله يرزقني حظه الحيوان
.....................•••.....................
الساعه ١٢ الليل
مشت بعد ما سمعت إشارته وهي ما تحب تخطي لقسمهم
لاكن عشانه وعشان فرحته
دخلت من شباك غرفته الكبير والي كان يطل على الحوش
ناظرها :تو ما تباركت الغرفه
جلست بتعب على السرير : لعنه الله على العدو لو جيتني انت اهون
جلس وهو يطلع السناكات: لازم العدل وانا اخوك الصاله وعذرتك بعد غرفتي لا ومليون لا
جيهان : لو بيدي سكنت معك بغرفتك
سعود بمزح : اجل زين أنه مو بيدك
شهقت وهي ترمي عليه الشبس:ايا النذل
سعود مد الكيس الثاني : هذي أغراضك للمدرسه اذا نقص شي قوليلي
جيهان : سعود لايكون قاطعها قبل تكمل
سعود: لاتخافي كله انا الي مشتريه امي مادفعت شي
جيهان بمحبه : يا حيوان بتخليني ابكي
سعود بتنهيده : وش بينك وبين الدموع لازم تكون معك بكل مكان
جيهان بضحك: يحبوني فديتهم
سعود بابتسامه وهو يناظر الباب الي بين غرفته وغرفت جوري
جيهان بتساؤل: زعلتها؟
سعود ببرود : هي الي زعلتني
جيهان وهي تخفي ابتسامتها من تمثيله : قلت وبعيد اكرر يحق لها تدلع عليك
سعود : ايه بس تعرفيها وتعرفي كلامها عنك وانا ما ارضى قلت لها اذا ما تبي ازعل منها لا تتكلم فيك وما تفهم
جيهان : ما يسوى تضايقها عشاني
سعود وهو تعود على لطافه جيهان : تعرفيني مارح ارضى ولا رضيت بأمي نفسها لما تتكلم عليك
جيهان وهي تفرك يديها ببعض : يبقوا اهلك لا تزعلهم عشان أحد
انسدح وهو يحط رأسه على رجولها: وانتي هلي مو اي احد
نزلت راسها وهي تبوس رأسه : الله لا يخليني منك يارب
ابتسم لها : ايه كيف كان يومك
جيهان بمحبه : حلو مره ضحكت ضحك تعرف توفانا وعنادها
سعود بنص عين : ايه اعرف توفانا واعرف اختي وتصميمها على الألوان البايخه
جيهان بشهقه : انا الواني بايخه
سعود بسخريه : لا مين قال الوان توفانا هي البايخه
ضحكت : وربي الالوان الفاتحه حلوه
سعود :حلوه بس مو لمكان رسمي ومثل المدرسه
جيهان : لو ما كنتو تعاندوني انت و توفانا ما حبيتها كذا
سعود : من العادات الي اتمنى تتغير يمكن نقول لا تحبي خايفين عليك من ذا الشي وانتي تعندي
جيهان بصدمه:يمه لا تخوفني ما اعاند الا باشياء صغيره
سعود بنظره : الاشياء الصغيره تكبر
فزوا لما سمعو صوت الباب لاكن تنهدوا براحه لما شافوا الباب الي بين غرفه جوري وغرفته هو الي فتح عدلت جلستها وهي حسبت أن زينب مرت ابوها هي الي جت وبعدها بتوجعها وتوجع سعود بكلامها
جوري وقفت بصدمه وهي تشوف جيهان عند سعود و بغرفته وهذا الشي ممنوع وخارج حدود جيهان با البيت
تجاهل نظرتها و صدمتها : تبي شي
لفت وهي تشوفه زعلان عليها : اذا خلصت بكلمك
سعود : تكلمي الحين لاني بنام ما بستناك
ناظرته بتوتر وهي تخاف من جيهان والقصص الي تألفها امها عنها
قامت جيهان وكانت بتجلس على الكنبه
مسكها سعود :اجلسي هي تجي ولا تروح
شجعت نفسها جوري وان سعود معها وما تقدر تسوي لها شي
جلست على السرير قبال سعود وجيهان كانت جنبه سكتت وهي تفرك يدينها ببعض
سكتو وكل واحد كان منتظر الثاني يقتل لحظه الصمت هذي وكأنهم ما يعرفون بعض ولا كأنهم اخوان
جيهان كانت تعرف أنها غير مرحب فيها من جهة جوري والتزمت الصمت وكل ما حاولت تقوم ثبتتها يدين سعود
سعود بجمود : تكلمي
رفعت عيونها و ايقنت أنه مارح يخلي جيهان تطلع : ماقدرت انام وانت زعلان مني اسفه
سعود بهدوء: حلو تعرفين الي يزعلني
جوري هزت راسها بايه
سعود: لا تعيدي الي سويته أجل
ابتسمت له :رضيت
سعود بابتسامه: ما اقوى ازعل عليك
فزت له بتحضنه لاكن هو كان قريب مره من جيهان وساند رأسه على كتفها ويدينه بيديها
ناظرتها جيهان وابتعدت عن سعود لجل تقرب جوري
فتح يدينه لجوري و قربت و حضنته: اخر مره تزعل مني يومي ممل ما عندي أحد العب واضحك معه
ضحك وهو يجلسها جنبه : ليش ما نديتي بنت الجيران تلعب معك
جوري نزلت راسها: امي قالت لها ارجعي لمك ولا تجي هنا مره ثانيه
سعود بهدوء : عادي احنا مع بعض ما نحتاج أحد نجلس معه
جوري ناظرته بزعل : صح ما بحتاج أحد لو اخوي ما يزعل مني
سعود بابتسامه : وبعد لو اختي ما تزعلني
جوري بحماس طفولي :لقيت فلم مره حلو بس يقولون يخوف عشان كذا قلت مابي اتابعه الا معك لاني معك ما اخاف
سعود بحماس مطابق حماسها :الريموت هنا جيبيه
اخذت الريموت وهي تكتب اسم  الفلم وقبل تفتحه
ناظرت بجهان و نطقت بهدوء: ما تخافين صح؟
ابتسمت جيهان : افا عليك انا اخاف
هزت راسها وهي تفتح الفلم
رفعت راسها وهي تتنهد تتمنى علاقتها مع اختها حلوه مثل سعود معها لاكن جوري كانت تخاف حتى تتكلم معها من هول القصص الي مألفتها امها
لفت جوري بشهقه وصراخ وهي تدفن وجهها بحضن  سعود وهو يضحك على خوفها المبالغ فيه ابتسمت جيهان وهي تسمي عليها
:تمثيل ياماما تمثيل
رفعت راسها جوري : سعود والله يخوف ليش ماخفت
ناظرها : لو اخاف كيف بتقوين انتي
جوري  وهي متفشله : في فلم ثاني حلو خل احطه
ضحك سعود وجيهان : يا خوافه
بكست سعود :مو خوافه انا
سعود : صح صح انا الخواف
بدأ سعود يسولف مع البنات وسكتت جوري وهي مصدومه من سماحه جيهان وساكته وما كانت متوقعه شخصيه جيهان بتكون مع سعود بذا الميانه
قامت جيهان: نعست مره بروح انام وانتو ناموا لا تضلوا سهرانين
سعود :معك معك الحين بنام
جيهان وهي تبوس خده : تصبحون على خير
سعود :وانتي من هله
.............•••...............
بعد اسبوع واول يوم دراسي وعوده للمدرسه
سلطان بصراخ :ريما ووجع تأخرت على الشغل اعجلي
ريما من الغرفه : سلطان لو بضل امشي بدري كذا اجي قبل الحارس
سلطان بعصبيه من ريما وتأخيرها :يابنت المدرسه من هنا ربع ساعه نبي نخلص
جت ريما و عبيتها بيدها وهي تمد له الشنطه وتلبس
:ما امداني افطر بتاخذ لي قهوه
سلطان : الحين ما امداك تفطري المفروض تطلبي فطور وشوله القهوه
ريما وهي تسحب الشنطه منه : بطني ولا بطنك
سلطان وهو يدفها : يا صبر الأرض
ريما :بعد بنمر فرح
سلطان بصدمه :وشوله ما تروح من بدري مع العيال
ريما ببرود :حلفت عليها اليوم نداوم مع بعض
سلطان :اخخخ يارب يا معين أعني كيف بتحمل الجنيتين ذول
ريما بتطنيش و نبره هادئه وهي تبي سلطان يكب عفشه عندها :سلطان حبيبي تبي تفضفض لي بما ان الطريق طويل
لف عليها بسخريه :ما بعد فقدت عقلي عشان افضفض لك انتي
ريما : كش عليك الناس يتمنون اعطيهم من وقتي دقيقه وانت تسفهني
سلطان : الله واكبر محد يبيك الا فرح
ريما :الوقت معنا وتشوف كيف بخليك تتمنى أناظر بخشتك
وقف عند بيت عمه وأخذت ريما جواله : افتح الجوال برسل على فرح
فتح الجوال ودخلت على رقم فرح وهي تنتظرها ترد
فرح :هلا
ريما بأبتسامه : صباحك انا يا ام شوشه
فرح بشهقه :كنك تشوفي شوشتي نشبت بها جيت افيرها وانفك علي وصار شوشه
ريما :معليك جيبي الفير معك واسويلك با المدرسه
سحب الجوال بصدمه :الحين بتقضوها سوالف وانتو متأخرين رفع الجوال وانتي يام شوشه انزلي بسرعه تأخرنا
فرح بملل :وش جابك انت حسبت سعد الي جاء
سلطان بعصبيه من برودهم :ياتبن انزلي ولا اذلف بريما
فرح وهي تفتح وكانت مخليه جولها في الغرفه وهو على المكالمه وسلطان يكلم نفسه
صباحو
لف بصدمه وهو ينهي المكالمه : كنت اكلم نفسي ؟
ضحكت ريما : اقوى سكب سجله التاريخ لسلطان
فرح:  أن هرج ما يسكت خلصت وهو باقي يهرج
ريما بحماس : مع انك طحنتي خاطره لاكن بيجيب لنا قهوه
فرح بضحكه: وربي اسفه
سلطان :افعل خيراً تلقى شراً
فرح وهي تضحك :خلاص يا دراما قلت اسفه
طلب قهوه ووصولهم للمدرسه وهم لو ماكان يصارخ ما نزلوا
دخلت ريما : بتجي الجنيه الغثيثه وتقول القهوه ممنوع
فرح :غطيها بشنطتك لين نجلس
دخلو وهو يسلمو على البنات و يسولفون دخلت جيهان وتوفانا :يمه جاني المغص الي يجي في مكان جديد
توفانا : يمه انطمي ياتبن لاتوتريني معك 
صرخت فرح : توفانا
ابتسمو البنات وهم يتقدموا و يحضنوهم
ريما : وحشتونا
جيهان بابتسامه:مايوحشك غالي
فرح :اخخخ بنات وش ذا الوجيه الي تفتح النفس على الصبح
توفانا : تسلمي وربي انكم جميلات
ريما : يارب يجي التوزيع و تكونو معنا بنفس الفصل
جيهان :يارب
توفانا :وش ذا الثقه يمكن فرح مو معك
غمزت ريما : ماعليك العلاقات مع الاداريات بطله ولو انتي مو معنا بنفزع لكم
فرح :ماقد جينا انا وهي مع بعض كذا من الله كل مره نترجى و نكلمهم لين يجيبونا عند بعض
توفانا بضيق :رجع الكرف احس اني بحرب لين اخلص من كل شي
ريما :لا تذكريني
فرح بسخريه :هذي الحقيقه لا محاله
تجمعو وهم يسمعو توزيع البنات ومع وسطات فرح وريما قدرو يجتمعو بفصل واحد وجلسوا بأخر اربع مقاعد با الزاويه
...............•••..............
بعد اسبوع من العوده للمدارس والحين وقت الراحه وبدأ الويكند
ملاك وهي تثبت السماعه وتجهز اغراضها
: سلموه  ووجع لا تنامي
سلمى بملل :يابنت خلصتي السوالف وانتو بعد ساعه عندنا مابقيتي شي
ملاك :عاد لازم تتحمليني بعد بكره بتروحي وما عندي أحد يتحملني كثرك
سلمى بضيق : كل ما تذكرت افرح وإذا تذكرت جمعتنا اختنق بغصتي
ملاك بحزن : انطمي ولا بكيت
سلمى : يو وام دميعه ارحمي عويناتك
ملاك وهي نزلت دموعها : اشتقت لك وانتي معي
سلمى :يابنت أوفر دموعي لا تبكيني
ضحكت من بين دموعها : غني لي سولفي سوي اي شي لين اجمع عفشي
ابتسمت سلمى : غالي والطلب رخيص
بدت تسولف لها وتغني وهي أكثر شي حزينه عليه وموجعها فراق ملاك
نطقت بملل: ملوك بروح ازهب أغراضي تمام
ملاك : تمام يا قلبي باي
سلمى: باي
...........•••.........
بيت ابو سعد
في الحوش
ريما وهي مقابله ابوها وهي من عاداتها اذا بيجو أهل عمها تجلس و تنتظرهم مع ابوها : ما صدقت ينتهي الدوام على خير وارتاح كاني كنت اركض
ابو سعد :يا حبيبتي لا تجهدي نفسك ريحي كل التعب ذا وانتي اول اسبوع
ريما بقهر :اخ وانا بنتك الي يقهرني أنه اول اسبوع
ضحك ابو سعد: يلا هانت اخر سنه
ريما :يارب انك تعديها قبل اذبح لي احد
ضحك ابو سعد: ارفعي ارفعي جلالس عمك وهله جو
ظبطت جلالها: أخيراً بشوف فرح
جت ساره با القهوه: ياربي دوبك معها با المدرسه
ريما : احبها شسوي
دخلت فرح : وين رفيقه الدرب وينها
ضحكت ريما :لبيه لبيه هنا يابعد حيي
ضحك سعد :يالله يارب انك تشفي مرضنا ومرضى المسلمين
جاء احمد : لين باب البيت وهم مع بعض تقل مو هم الي قبل ساعتين عند بعض
سعد بضحكه وهو دايم يقول كذا: ياررب بفارسه احلام تشتاق لي كذا
ضحك سالم :لو تجي مثل ذول صدقني بتكون قارسه احلامك مو فارسه
فرح :اعرفكم  بتقولون مافي مثلنا ثالث بس مستحين ماعليكم وصلت الرساله
فارس : يارب الثقه ذي ابيهاا
ساره : بنات تعالوا
دخلو البنات جوا والعيال جلسو با الحوش
ساره : اخ بنات وربي ما اتخيل نجلس بجلسه وسلموه مو معنا
ملاك: اخ قلبي يوجعني
تنهدت سلمى بضيق : كرهت البعثه خلاص
ريما :تراكم مره دراما بتطس كم شهر وتعود
سلمى : الشهور تطول وانا اختك
فرح: يمه لا تتكلمو بحنيه عشان ما احزن
ساره : الله يعطيني قوتك تروحي بحالك والله لو انا اخذتكم معي
سلمى : ذا الي مخوفني لاكن ما عليه كل شي يهون عند الشهاده الي ابيها
ملاك :  جهزي نفسك بطب عليك بي وقت
ريما: والله دموعي غاليه ببكي بعد بكره مره وحده انطمي انتي وهي
سلمى :دامكم فاضين تعالو الغرفه تساعدوني و نسولف هناك
فرح :اسبقونا بنلحقكم
ساره :الله يستر وش عندكم
ريما بملل: سوير حبيبتي البنات مشوا
ساره : اقول وش عندكم من جديد
فرح : والله للحين الأوضاع با السليم ننتظر تحركات من العائله الكريمه
ساره : قصرتي المهم سلمى ضايقه تعرفوا شي من هنا ولا هنا
ريما : هذي القضيه تو انفتح ملفها فا مافي ادله تثبت التهم الموجهة لها
ساره : اخس وش الكلام المرتب ذا
فرح بغرور : معك المحاميه فرح بنت السلطان
ريما بغرور متشابه: وانا المحاميه ريما بنت عبدالله
ساره : فخر فخر يابنات وربي راسي ببيطلع من الغلاف الجوي
فرح :ساره ما فكرتي تتوظفي ملل البيت
ساره بهدوء: كلمني سعد يقول اجي عنده بالشركه با القسم الي ماسكه بس للحين ما فكرت
ريما:فكري فكري ومنها وظيفة و تقطعي الوقت عليك
فرح : بدون تفكير
قامت ساره: خلاص خلو ذا الموضوع بعدين الحين خلونا نشوف سلمى
..............•••................
في مجلس الرجال
تكلم ابو احمد الي كلمه احمد بموضوعه وأنه يبي سلمى
: اني جايك يا اخوي وطالبك طلب وان شاء الله ماتردني
نطق ابو سعد: ابو سعد أبوه والله ما ترجع خايب يا اخوي

لاتنسون ⭐

( بااااااارت جديد بعد طول المغيبي كيفكككم )