قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت الثاني

(البارت الثاني)

البنات كانو مشغلين السماعه ويرقصون و يصورون لا ريما وفرح و يلعبون و يركبون الخيل

عند فرح وريما الي شوي ويبكو من القهر و زادوها البنات الي ما خلو شي ما صوروه
فارس دق الباب وهو يقول :ياتبن افتحي الباب مكيف المقلط خربان أنشويت
فرح :موت احسن
ريما رحمته : احس افتحي له احنا واحنا عند المكيف م حترين كيف هو
فرح : و تجلسي  انتي با الجلال ؟
ريما :ايه أصلن خفيف مره
وأبوي كل البيت ما حط فيه الا مراوح بس قسم الرجال مكيف
فرح قامت :ادخل عشان ريما خليتك لو بيدي جلستك با الشارع عشان تعرف مره ثانيه كيف تشتري سياره
فارس بتعب :اقول بعدي من طريقي احس بدوخ من الشمس

فرح وهي تخفي خوفها عليه  : الله الله كل ها العرض والطول تدوخك الشمس عجيب 
فارس وريما نطقو مع بعض :ايش دخل ذا 
ريما بضحكه :تري خوفك واضح اعترفي
فرح بغرور تأشر عليه بأ صبعها :اخاف على ذا فاضيه والله
فارس غمز لا ريما وريما تناظره با استغراب
فارس سوء نفسه يدوخ وطاح على الأرض
فرح ركضت بخوف :يمه ريما اخوي مات و دمعت
ريما الي مافهمت لما غمز : تصعيد غير مبرر روحي جيبي مويه
فرح ركضت تجيب مويه
ريما :خافت لما شافته يضحك حطت يدها على رأسه انت مسخن شي ؟
بجرأة منه مسك يدها الي على رأسه وباسها:انتي ما فهمتي غمزت لك عشان نمقلبها ولعلي مقلبتكم كلكم
ريما فزت من مسك يدها وصار وجهها احمر
دخلت فرح ولما شافته صارت تبكي بأنهيار فز فارس
:اخو مها وش قومش  فرح حبيبتي وربي مقلب
فرح صارت تضربه على صدره و تشهق
حضنها وهي تحاول تبعد قال بضحكه أجل هاذي الي ماهي فاضيه تخاف علي
فرح بعدت عنه وهي تمسح دموعها باكممها مثل الاطفال
: أصلن ماخفت عليك خفت تموت ومانروح المزرعه
ريما ضحكت وفارس مبتسم : يخي انا عندي احلى اخت ما تعرف تكذب وه يناسو

وجلسوا يسولفون
فرح :فروسي حبيبي
فارس بملل :لا ومليون لا من الحين لاتطلبي شي
فرح طنشته :ميمي ايش رايك نروح البقاله
ريما بحماس  :قدام نشتر لنا اشياء نسهر عليها
فارس ابتسم من حمسها :دمها البقاله خلاص موافق
فرح ناظرت فيه بنص عين :ايه صح اخواني الا البقالات دايم يودوني لها ما يرفضو
و تجهزو وراحو مشي  وفرح شافت الدنيا ليل و صارت تركض و فاتحه يدينها للهواء
ريما صارت تضحك عليها وعلى هبالها لو فارس مو موجود تعرف نفسها اهبل من فرح

الساعه 12:00 في الليل

في المزرعه الاكل نام
عند فارس والبنات رجعو من البقاله وفرح وريما ماخذين مفرحات عشان يتعشون منها لنهم مايعرفو يطبخو فا اخذو احتياطتهم
فرح :جوي  الحاره وهي مافيها احد طول الوقت كنت  اركض واستانست  تمنيت أن البقاله ابعد شوي
ريما :بعذرك فرحانه أما انا الي اكلتها المره ذي
فرح : يوم لك ويوم عليك نسيتي اخر مره
كشت عليها ريما ورجعت تاكل وتسولف هي وفرح
فارس بملل وهو يسمع سواليفهم :بنات سوو اكل جوعان
البنات ناظرو في بعض بضحكه ريما :هذا كيف نصارحه
فرح : نعد لثلاث
ريما وفرح:123
مانعرف نطبخخخ
فارس بصدمه  :انا ولد ابوي كيف بضل معكم يوم كامل حتى مطعم ابو صالح قفل من الساعه 9
ريما وهي تفتح العصير :دبر نفسك احنا مو جيعانين
فارس وهو يتأمل عيونها: والله عاد انا جيعان ممكن اكلكم دبرو نفسكم انتو
فرح وهي تفتح كيس البطاطس كنه سفره :اقول خلو عنكم المناقر واقلطو على قل الكلافه
فارس بذهول منهم :انا ما اشوف كلافه اصلاً
قامو يضحكون ويسولفو واكلو السناكات بعد ماخلصو
فرح :حان وقت النوم ياصغاري
ريما وفارس :أما عاد صغاري مره وحده
فرح :يربي من المحجرين ،اسمعو الحين ريما وين بتنام
فارس بغباء:بحضني
ريما شرقت وفرح تخبط على ضهرها بصدمه وبعدها فطست ضحك
ريما وهي بتموت من حيها :بننام جوا وشو وين
فرح :لا حبيبتي مع نفسك محد جوا البيت فاضي مقدر
ريما :انا معك
فرح :ما اخوف مني الى انتي
ريما كانت تصد وهي تحس بنظرات فارس: لا ماعليك ماجربتيني من كبرت صرت ارعب العالم كله
فرح :فراشي على فراش اخوي والله مابعد
فارس وهو يبي يخوفها:عادي انتي نامي جوا مابيجيك شي ومافي اصلان هنا الا ولد ابو عدي وانتي تعرفيه مسكين يدخل مع الشبابيك ماعنده عقل والا العمال ولااس....
ريما وهي وسوست من الحين وبدت عيونها تلمع :بتخلوني لحالي ؟
حس بشعور غريب لما شاف الدمع بعيونها :ويلل امها والله مانخليك انا بنام بجهه وانتم بجهه تمام ؟
هزت راسها بأيه أما فرح الي تاكل بسكوت وعصير :تصدقو وشو
نطقو :ها
احس اني احضر مسلسل هندي واخرتها بتعرسو وقولوا ماقلت
فارس وريما ناظروها بصدمه لنها اذا طولت مانطقت معاناته جالسه ترسم قصه ببالها ريما بهمس سمعه فارس  :فال الله ولا فالك، يحس بحره وسط جوفه صح مصار  شي لاكن ليش تقول كذا هي ماتشوفه شي ولاوشو بالظبط
فرح الي تضحك على صدمتهم وهي ماسمعت ريما وقامت :عصابتي العزيزه لنقتحم قسم النساء ونأتي باالفراش انني ناعسه جداااا
ريما :هيا بنا
فارس وهو يحاول يصير طبيعي :تكلمي زيت انتي وهي
فرح وهي تمسك خدوده وتبوسهم :عاد انا اليوم دلوعاك لاتعصب علي تمام حبيبي
ريما وهي تناظرها بنص عين:اقسميلي من دلعك مسكينه ماعندي أحد يدلعني
فرح وهي تحضن فارس  وبخبث :لازم نكون قريبين من الي يدلعونا و نبوسهم و نحضنهم و نمسك خدودهم وانتي مايمديك اذا يمديك تعالي ،لكن لي تتذكري أنه اخي وليس ابي يا ريومتي
ريما وهي تناظرها وشوي و بتذبحها من الخجل  :اعرف يا  فروحتي
فارس وهو يناظرهم بذهول: وش اللهجه ذي
ريما وفرح:مالك دخل
نظرهم بنص عين :امشو بس
دخلو الغرفه يجيبون فراشهم وفارس رح للمقلط يجيب فراشه  فجاءه طفت الكهرباء وسمع صراخ البنات وشغل فلاش جواله ورح لهم :وينكم
فرح :هنا باالغرفه
ريما وهي متوتره وتعرق لانها ما تحب الظلام وعندها فوبيا منه :فارس هنا
اسره صوتها الخايف والمرتجف وبمزح:اف اف لهدرجه خوافه
فرح :فارس عن الهبل البنت ممكن يغمى عليها ماتحب الظلام
فارس بخوف :امسكي فرح يلا انتو معي
ريما وهي ترجف مسكت فرح وفرح مسكت فارس وطلعهم من حوش الحريم جلست ريما و شهقت  وهي تبكي بخوف غريب و ترجف  جلست جنبها فرح وهي تحظنها : لا تخافي انا معك اهدي وبدت تبكي بهدوء معها وهي ماتجهل خوف ريما
فارس بصدمه:انا ولدك يابوي وش فيكم
فرح وهي توقف وتمسح دموعها بعنف :ولا شي عطني جوالك بجيب مويه واجي
عطها وهو أصر يعرف ليش كل ذا الصياح
نزل عند ريما :ممكن تعلميني الخوف ذا كله ليش
ناظرته ريما وهي تزم شفايفها وتهز رسها باالنافي :مافي شي
فارس وهو جن جنونه مسكه مع عضدها بقوه وهو يقربها منه ويناظر بعيونها ويصر على أسنانه:وشو الي مافي شي انطقي مكان من ريما الا أنها تبكي جت فرح وهي تبعده :وش تسوي انت
مسح على وجهه وشنبه :امشو قدامي يلا
فرح مسكت ريما تقومها وفارس قدامهم با الفراش :خلاص انسي الي رح
مشو فرشو فراشهم في الحوش عشان جوا حر
بعد ماهدت ريما وفرح الي تحاول تلطف الجو وفارس الي انسدح ويطالع با القمر والنجوم وسرحان والبنات يسولفو :
فروحه ممكن تجيبي لي مويه من المجلس
قامت فرح تجيب وطاحت عين ريما بعيون فارس نظرها بنظره استغربتها وصد
جابت فرح المويه :اجحدها عاد
ضحكو وجلست :احس الجو متكهرب ايش فيكم
فارس ناظر ريما ينتظرها تتكلم
ريما :أجل لاتحسي مره ثانيه
فرح: أجل اسدح لنا قصيده يا الفارس
فارس : ايش رايك تنامي
فرح بترجي : تكفى يلا وتكفى تهز رجال
فارس : وتنامي لو اقول لك شي ؟
فرح :ابشر ولا تسمع لي حس
فارس تنهد ورجع رأسه على المخده ورجع يناظر فرح و ريما
قولي برب الكون من قد أوجعك ؟
بثي إلي همومكٍ فأنا معك
وإذا ذرفتي دمعةً سأضمها
لا تحزني فا القلب جاء ليسمعك

فرح وهي تصفق بحماس :عاش اخو فرح
تكلمت بذهول : تقدر تتكلم كذا ؟؟
فارس حز بخاطره :لايكون محنا قد المقام
ريما بصدمه من تفكيره : لا مره حلو بس اقصد تسوي شعر   بالعربيه الفصحى
ناظرها وصد للجه الثانيه لجل ياخذو راحتهم بالنوم  يغطي رأسه بينام والبنات انسدحو عشان ينامو فرح وهي منسدحه :اخو فرح
فارس بنوم :لبيه يا عيونه
ريما أسرها صوته الناعس
فرح :لاتنسى تتصل على المصلح نصلي الفجر ونروح تمام؟
فارس:ابشري بس سدي حلقك بنام
فرح:تصبح على خير يا اجمل اخ
ولفت لريما :ريومتي
ريما وهي سرحانه :سمي
فرح :بسالك اصحيك لصلاه الفجر ولا ماعليك صلاه
ريما ناظرتها بصدمه وبكستها بعضدها على بطنها وانسدحت وغطت رأسها بفشله وهي تشوف فارس أكتافه تهتز يدل أنه يضحك أما فرح المعروف عنها تجيب العيد  الي تو استوعبت ايش قالت وان فارس سمعها : عوافي ماسويت شي عند الي سويته الصباح شهقت ريما بصدمه وهي تسمع ضحكت فارس  وسحبت شعرها لحد طاحت على المخده ونطقت بهمس :قسم لو ماسديتي حلقك مايصير لك طيب
فارس بضحكه : فراح نامي وانا اخوك شكلك هسترتي من السهر
ضحكت فرح بفشله ونامت
في المزرعه الكل نام الا سلطان طلع الإسطبل الي ما يبعد عن  المزرعه  كثير شاف وحده من البنات راكبه على خيله عصب كثير لنها ركبه على خيله والأهم طالعه بنص الليل تقدم الا الخيل يركض وهي فتحت يدينها للهوه وتنفست بعمق وشعرها المنسدل لحد أكتافها يتطاير ناظر فيها وليته مناظر رجعت له  ذكرياته ملاك وقفت لما لمحت شخص ومو اي شخص رفعت شيلتها على رأسها وتلثمت فيها
شفته يقرب وعيونه تطلع شرار توترت بس أخفت توترها بوقفتها المشدودة وقف قبائلها بمسافه قصيره ونطق بحده  :  وش تسوين هنا بنص الليل وليش مطلعه حقي  وأشر على الحصان
ناظرتها والنبره الي وصلت لها نبره شك
قالت بتقرف
: اوه لو كنت ادري انا حقك ماقربت
شاف سخرتها : لازم تدري لاني ما اتشرف في وحده ما تخاف ربها تلمس اشيائي
غمضت عيونها من قو كلماته ناظرته والدموع تجمعت بعيونها وبنبره جاهدت تطلع طبيعيه وفشلت : حسبته حق سعد أو سالم ولا كان ما أخذته، معليش
ولفت بتروح ورا الاسطبل تحب تروح هناك اذا بتبكي  نطق بكره : مضيعه البيت شكلك
كملت مشي متجاهلته تماماً وهي من دموعها ماتشوف توقعت كل شي الا أنه يصدقهم باالي انقال عنها
:بنت اكلمك ارجعي كانت ماشيه وتنتظر تختفي عنه
تقدم ومسك عضدها بقوه ولفها له  واصطدمت بصدره رفعت راسها تناظر بعيونه بتحدي : مين انت ابوي اخوي زوجي وشددت على الكلمه الاخيره
قوى على عضدها بيده : ولد عمك
وبعدين مين بياخذك عقب سواتك
ملاك وهي تحاول تنزل يده : خلك مثل الاطرش باالزفه وصدق مايقولو
سلطان بسخريه  :ليه ليكون للحين عندك امل ارجع لك  
كانت تحس كلماته سكاكين تنهش قلبها قالت اقوى  بسخريه :
ارتآح ما عاد الـوّله مثل ماكآن
حتى الغلآ عقب القطآعه تغير ..
و نفظت يدها بقوه منه وكملت تمشي لورا الاسطبل ناضرها بذهول كان متوقع أنها للحين تبيه ومايغيب عن باله نظرتها ودموع عيونها جلس و دخل بهوجيسه ما يدري كم ضل من الوقت بس شافها وهي طالعه طلع وقفل الاسطبل ورجع البيت

يوم جديد الساعه ٤:٣٠
...........................................................................؟

(سلام كيفكم بنات  جيتكم ببارت طويل  ومانستغني عن توقعاتكم الحلوه ولاتنسو النجمه 💗🌟)