البارت الثاني عشر
جميلتي:ابتسمي الحزن ماهو زين لا تزينينه .
فارس لسالم :اخس ما توقعاتنا مكشوفين لذا الدرجه
مشو
بعد ما كهربوا الجو والكل خايف أنهم كشفوا هم السوستين ذول
جلست فرح بعد ما جابت دفترهم و كراستهم و اقلامهم
نطقت بتوتر :ا ريما
لفت ريما وهي حست ان عندها شي : غردي بسرعه بدون مقدمات
فرح وهي تناظر بوجهها تكلمت بسرعه :تو شفت يدين سلمى ملفوفين بشاش
فزت بخوف :كذابه
فرح : وش بكذب به ما ينكذب بذا الموضوع
ريما: وشو من ايش ليش ما لاحظنا محد تكلم
فرح : كل اليوم بجلالها وحتى بالمطبخ كانت فيه وطول الوقت يدينها مغطاة
ريما مشت تستعجل خطوتها
فرح :ما تكلمت اول ما شفتها خفت ما تبي أحد يعرف
ريما : مع نفسها لو صاير لها شي ومحد درا عنها العنز ذي
مشت فرح با استسلام وراها
رفعوا انظارهم على دخول ريما الغاضبه
سعد :خير اللهم اجعله خير وش عندكم
سالم :اخ الحمدلله الي طول بعمري و اشوفكم معصبين
فارس :احس كشفوا شي جديد
ريما بعصبيه :احساسك في محله يا الفارس
الكل خاف لأنهم يعرفون أنهم كشفوا واحد منهم
ابو احمد : علامكم يابنات
فرح وهي تشوف ريما متجهه لا الجهه الي فيها ملاك وسلمى وساره : استعدوا
ملاك ناظرت ريما بخوف وهي ما ارتاحت من الصبح من تلميحاتها بس تنهدت براحه وهي تشوفها متجهه لسلمى
رفعت راسها سلمى :وش عندك
طنشتها وهي تسحب يدينها من حضنها والي كان الجلال مغطيهم رفعت الجلال وهي تتكلم معها :وش صار
ناظرتها بحده سلمى :يا حيوانات وربي لا اذبحكم
أبعدت ريما : تعالو شوفوا بنتكم الي بتخلي وجعها بينها وبين نفسها وما تعلم أحد
ناظرها احمد وصد اول ما طاحت عينها بعينه
فزت ملاك الي جنبها :بسم الله عليك ايش فيك
قام ابو سعد وأبو أحمد والعيال يهرول لها جلس عندها :بسم الله عليك يا ابوي وش موجعك
سعد :متى متى انجرحتي ليش ماقلتيلنا نوديك المستشفى
سلطان :سلمى بنتي من وشو ذا
ابو احمد :عسى مايعورك
سلمى :لا تخافوا ريما دراميه وناظرت بسعد بابتسامه المستشفى عندك بحد ذاته
و تقصد انها داوت نفسها بنفسها
سالم شهق وهو يشوف كفها الثاني ملفوف بعد :ويدك الثانيه كمان
جت ام سعد وهي تشوفهم حول سلمى : متجمعي....ما كملت كلامها وهي تشوف يديم سلمى :يمه حبيتي وش جاك
سلمى : لو دريت اني غاليه كذا كان ما غطيت يديني
فارس :لا تشككي بغلاك عندنا
ناظرت فيه بأمتنان وهي شافت الكل حولها الى احمد
نطقت وهي تشوف علامات استفهام على وجوههم
:ابد والله أمس وانا نايمه طيحت كوب القزاز وصحيت مفجوعه من الصوت وكنت على حفت السرير ودبج ولا انا على الأرض وكفوفي على القزاز
كان يسرق النظر لها وهو يسمع القصه الي ألفتها
ام سعد:بسم الله على قلبك يا بنيتي
ابو احمد : انتبهي يابوي
ابو سعد: لا اسمع احد فيكم جاه شي وحنا اخر من يعلم
سلطان : يا ويلك يا سواد ليلك لو يجيك شي وتعدي ذا الحركة
سعد وهو حاضن أكتافها ضربها بخفه : عيديها بس وائدبك على طريقتي
حطت يدها على خشمها وهي مبتسمه تريحهم :على خشمي يا هلي
ملاك بدموع :خوفتينا عليك يا حماره
سلمى :ياربي منك يام دميعه
سمعو صوت السياره الي با الحوش الكبير رفعوا رأسهم وهم يشوفوا فارس مجهزها وطالع من الشباك : يلا سلمى
سالم :انقزي البسي عباتك يا سلمى
لفت سلمى :ماله داعي
ابو احمد : بعد لحد ثلاث بسرعه
تنهدت وهي تقوم
تحبهم وقلوبهم على بعض ما ينجرح الواحد جرح بقد مغز ابره الا هم محتوينه ابتسمت وهي تشوف البنات وراها وملاك راحت تجيب عبايتها
ناظرت فيها ريما :ليش ما قلتي لنا وكيف لفيتي يدينك
ساره : الجاسوسات جوك ما يصدقو من اول مره
فرح بتصحيح : محققات محميات كذا ينقال لنا
ساره : سلكوا لنفسكم
ريما : يعني نعرف بطريقتنا ما بتقولي شي
سلمى : اخترع قصه مثلا مافي شي
جت ملاك وهي معها عبايتين
ساره : اف يا البودي قارد ما تروح الا انتي معها
ملاك : ايه خلاص مارح اخليها
فرح وهي تحجير لها : وليش خليتيها أمس وين كنتي
ملاك : قالت لكم با الليل وكنا نايمين
ريما :توكلوا بس ياكذابات
ناظرتها سلمى بنص عين ومشت
فارس : الحين قالنا سلمى تجي انتي مجانا معها ليش
مسكت ملاك ذراع سلمى : رجلي على رجلها
ابو احمد : طمنونا يابوي
سلمى: من عيوني ارتاحوا
ركب سالم مع فارس : انطلق لبى عينك
فارس : وش ذا يا سلمى حتى وانتي نايمه ما سلمت المواعين منك
سلمى : الحين ورا ما تكملوا دلعكم لي ما امداني استانس
سالم : هذا حماس البدايات وانا اخوك
ملاك بضحكه: سالم ماله دخل كلامك مو لازم تشارك با السالفه
فارس : وهي صادقه وش الحكمه ذي
سالم : يعني اسكت ؟
سلمى :تسوي خير
سالم : زعلت
فارس : متحور فرح وريما
ضحكو كلهم على وجه سالم
سالم بطقطقه: خل نرجع البيت اخلي ابوي وعمي يخلوكم تعتذرون مني ضحكوا على تقليد سالم للبنات
ملاك :اخ بطني يقطع إبليسك
سلمى :اليوم داهموني حتى انا خفت اني مسويه شي
ملاك : وربي يخرعون انا وانا جنبك ما ركزت بيدك مدري كيف لا حظوك
فارس : لو يصيروا محققات صدق أراهن على فوزهم بكل قضاياهم
سالم : هم لو يفلحوا بالمدرسه عشان تزين درجاتهم
سلمى :لا يغركم تراهم احسن من مصطفى
وصلو ونزل سالم وهو يفتح لسلمى الباب : اجحديها
ملاك جلست بالسياره فتح الباب فارس وهو حسب أن الباب مقفل من برا : وش عندك ما نزلتي
ملاك نزلت وهي تمسح على ذراع فارس : لازم نكون كيوت مثلهم وانت هنا ليش اتعب نفسي وافتح الباب
ضربها فارس وهي عجلت خطوتها على سلمى وهي تضحك :كيف حيات الاميرات معك
لفت سلمى: اروع مايكون
سالم : حشى صدقوا ومشوا عنا ذول
فارس :هي يابنت
ملاك : لا تردي تكفين خل نرفع ظغطهم
مشو مطنشينهم اسرعوا العيال لهم
سالم : ورا ما تردو
سلمى : عفوا مين انتم
ملاك وهي ماسكه ضحكتها : مغازلجين امشي عنهم
سالم : اخو العيال جحدونا
فارس : الحين اعلمكم كيف تجحدونا
سلمى بطقطقه : اخوي لو سمحت تقلع هناك على شان ما انادي الأمن
سالم :بديت اشك انا غلطانين
ملاك بسخريه : ايه غلطان وروحو دورو اهلكم
فارس : يصير خير ادخلوا الحين للدكتوره
ضحكوا البنات على أشكالهم : وش فيكم انخطف لونكم
دفهم سالم : ادخلوا خل نشوف مصيبتكم الحين
دخلو وبدت الممرضة تفتح الشاش الملفوف حول يديها
وهي تشوف كيف أنه حتى لفه منتظم
نطقت وهي تجدده لها : الجروح معقمه تمام و الشاش جددنا اذا حابه ترجعي للدكتور الاول لانه درس حالت الجرح من بدايته على شان يوصف لك شي للأثار
ضحكت سلمى وهي تشوف الصدمه على وجوههم
ملاك : بس انتي اول دكتوره نخليها تشرف على الجرح
الدكتوره بعدم فهم :معاناته جبتو طبيب منزلي ؟
سالم :برضو لا
فارس : هي لفت لنفسها
الدكتوره:جاد ؟ ماشاء الله عليك تبارك الرحمن متقنته و يديك كلهم مجروحات
سلمى : سر المهنه
الدكتوره : زميله عمل يعني
سلمى : ايه
الدكتوره بابتسامه: عرفت ما يتقنها الا مختص بها الشغله
سلمى بابتسامه: مختص ومحب
الدكتوره :صح والله ، بوصف لك كريم داومي عليه عشان مايبقى اثر
سلمى :تمام
طلعوا وملاك للحن تسال كيف عرفت وايش الفرق
فارس : اخ راسي مصدع ياليت تكرمونا بسكوتكم
سالم : الحال من بعضه فجرو راسي
سلمى :الحين ورا ما تركز بالطريق
ملاك صرخت : وقفووو
وقف السياره بسرعه لاكن تدارك الوضع ومشى بسرعه لأنهم بنص الطريق والطريق سريع وممكن تجي اي سياره تصدمهم
سالم بخرشه :وش فيك
ملاك وهي خايفه : كنت ابي المطعم الي هناك وخفت نفوته
ضرب الدركسون فارس ونطق بعصبيه وصراخ: كان قلتي بهدوء وشوله الصراخ وقفنا بنص الطريق و الغباء هذا متى بيخلص
ملاك صدت عنه:ما دريت عن نبره صوتي وبس ماكنت أبيه يفوتنا وما دريت عن الغباء الي تقوله ولا كان من زمان خليته يخلص
حس بنبرتها وأنها زعلت كمل يمشي وهو مطنش لانه ما يحب يوقف بنص الطرق بعد حادث صار له و لصاحبه صار يخاف أكثر
سلمى: أما عاد وشوله زعلتي
ملاك : ماله حق يرفع صوته علي
سلمى بهمس : بس هو معصب
ما ردت ملاك عليها وهي تراقب الطرق
لف فارس السياره وهو يرجع
سالم : طيب ولا غصب
فارس : الشكوى لله ولا بياكلونا المشافيح
سلمى :ليش راجع
فارس وهو يشوف مطاعم كثيره : اي واحد تبي يا ملاكنا
ملاك :خلاص سديت نفسي مابي شي
فارس :ملاك اخلصي ولا زعلت عليك
سلمى : ما خذين الزعل هبه لو زعلتو كلكم مين بيراضيكم
فارس : ملاك
ملاك بقل حيله : هذا الي اخر الشارع
فارس بابتسامه نصر : نجي المطعم لو هو آخر العالم مو بس اخر الشارع
سالم : المستفيدين بذا الهوشه انا وسلمى بنتغدى على حسابكم
فارس :مين قال اني بجيب لكم شي
سالم : ماهنا مشكله ناخذ اكلكم
سلمى :ايه معليش الا الاكل ما اصبر عنه
....................•••................
عند توفانا
جيهان : وين وأبوي
توفانا : راح يجيب اغراض للبيت
جيهان : عاد المدرسه باقي لها اسبوع خل نخلص اليوم مدامنا فاضين
توفانا : وانتي الصادقه بس السنه ذي تخلص واحس اني خلصت كل متاعب الدنيا
جيهان : ياربي نسب حلوه مثل عيوني
توفانا : انا افدا الواثق
جيهان بضحكه :مجاراة لبى عينك
توفانا : تعالي بسوي الغداء
جيهان : ياربي ما يحترق ونا تفشل عند ابوي
توفانا وهي تطلع الادوات : معك الشيف توفانا
وتخافي الاكل يحترق
جيهان: الله عليك لو نتسمم ونودع
توفانا بضحكه : ببني لك مسجد واسويلك بير صدقات عند
جيهان : ياحيوانه ،وش بتسوين
توفانا : ابوي يبي كبسه لحم
جيهان بأستعداد:تنزل احلى كبسه لعيونه يأمر أمر
توفانا : أجل من الحين اقلك البصل ابعديني منه
جيهان : لا والله اخر مره انا الي قطعته دورك الحين
توفانا :مالي دخل انا قلت اول
جيهان :مالت عليك لو يشوفني أحد يقول ذي يديها ما تمسك الا ورد وانتي بتعطيني بصل
توفانا وهي تسحب اكياس اللحم وتفكه : اوعدك اجيب لك نخل وشجر وورد بس اعفيني من البصل
جيهان وهي تمسك البصله : الشكوى لله تجيبي راسي با الورد
توفانا : ايش رايك نتصل على فرح وبنت عمها
جيهان : اتصلي خل نشوف اخبارهم ومنها يقطعون علينا الوقت
سحبت توفانا جولها وهي تتصل عليهم سناب
ردت فرح : هلا هلا با المزيونه
توفانا :هلا فيك كيفك وكيف ريما
فرح بابتسامه :عال العال وربي منتظرين المدرسه لأجل نشوفكم
توفانا: يلا هانت مابقى شي
فرح : وينها ام عيون قتاله
ضحكت توفانا بصدمه من اللقب وهي تحط سبيكر: تسمعك ام عيون قتاله
جيهان : كيفك فروحه
فرح : تمام ياقلبي انتي كيفك
جيهان: بخير دامك بخير
جت ريما لفرح وهي تصرخ : فراح تخيلي وش عرفتت
أشرت لها فرح تسكت وهي تبعد الجوال
: وش فيك
ريما بهمس:مين تكلمين
فرح :جيهان وتوفانا
ريما جلست عندها :حطي سبيكر
حطت فرح : اعذرونا بنات هذي ما تعرف تطالع قدمها لو معها سالفه
ريما بفشله : يابنات وربي خفتت أنسى السالفه وانا ماقلتها
جيهان بضحكه :ولا يهمك
ريما :ارحبي ام عيون زرق
جيهان: البقاء
ريما :توفانا ارحبي لبى عينك
فرح :ايه وش تسون وش عندكم من اخبار
توفانا :ابد والله ابونا جاي ومشتهي كبسه وجالسين نسويله ابتسمت جيهان لها وهي تشوفها تسولف وتجمعها معهم با القابهم
ريما :اخ احس طعمها لذيذ
فرح : يو لا تتكلموا عن الطبخ معي انا وريما مانعرف شي زين نعرف اللحم من الدجاج
ضحكت جيهان : وربي صكتنا الدنيا انا وتوفانا من عادنا في عمر ١٢ وحنا نكبس الكبسات
توفانا : يوه لو تدرون كم كبسه حرقنا ليومكم ذا ماتصدقوا عاد كان ابوي يجي ويقول كم مره قلت لا تدخلوا المطبخ
جيهان بابتسامة وهي تتذكر : يخاف علينا وحنا نبي نتعلم لانه يتعب من أكل المطاعم
فرح : يو صغار زين ما شبيتوا بشوش بعض
ضحكت بقوه جيهان وهي تتذكر موقفهم
توفانا : لا ابشرك صارت جيهان ياحليلها شعرها كان طويل وتحب تخليه مفكوك وتجي تبي تشيك على غدا ابوي وتشوفه محترق وتجلس تناديني ولما جيتها كانت معطيه الغاز قفاها والنار جت شعرها انا قمت اصرخ وهي تحسب اني على الاكل وتبرر لي انها منتبهه له ركضت ابي اطفي النار من شعرها وهي تحسب اني بكفخها يوو ضحكنا ذاك اليوم الله يسقى
كانو ريما وفرح ميتين ضحك
فرح : سجل فوبيا جديده من الطبخ
جيهان وهي ماسكه بطنها من ضحكها: الطبخ حلو بس اذا كان معك أحد لما اطبخ لحالي امل مره بس عكس لما تجي توفانا نخلص وحنا ما حسينا بالوقت
ريما:الحين انتو ساكنين بنفس البيت
جيهان : لا بس بابهم على بابنا واول تعارفنا إنا جيران وابهاتنا أصحاب
فرح : يجنن يعني كملتوا علاقه اهاليكم
توفانا : يس
ريما بحب : الله يخليكم لبعض
جيهان وهي تعطي توفانا الملعقة:امين يارب
دخلت ساره وهي تفتح الباب بقوه تبي تخرشهم :وشش تسووون
شهقت فرح :ابك فشلتونا عند العرب
ضحكت جيهان : عادي يابنت
عضت شفايفها ساره : اوبس
ريما : وش عندك جايه
ساره : سلمى رجعت وكلنا تحت نستنى با الغداء
فرح :طيب طقي الباب طقو راسك
ساره : عاد وش دراني انكم تكلمون
فرح : شوي وننزل اسبقينا
نزلت ساره ورفعت الجوال فرح : يلا بنات استئذن
جيهان : باي ياقلبي
ريما :باي
توفانا :يونسون
جيهان :اي والله سبحان الي خلا فيهم القبول ذا كله
توفانا : أجل يلا قومي نحضر الغداء ابوي على وصول
................•••................
بيت ابو احمد
ابو سعد: ها يبه عسى مهنا شي عسر
سلمى بمزح : افا وانا بنتك ما يوجعني شي
ريما : اقدر احلف انك متي صياح أمس كيف لا وانتي ما تحبي تشوفي الدم
رفع نظراته لها وهو يتذكر كيف كانت تصيح وهي لو بكيفها عمت عيونها لجل ما تشوف يدينها أما سلمى الي اول مره ماتبكي من منظر دم بالعكس بكت كل شي الا ذا الشي لفت لريما بنبره استغربوها :لاتحلفي وانا اختك
جلست وهي تشوفهم ساكتين ويراقبونها
لفت بتوتر: اقصد لاتحلفي اني صحت بس قدني بغيت اموت
أبو أحمد:بسم الله عليك يا بنتي
ريما بهمس لفرح : سجلي عندك
فرح : سجلت ماعليك
ابو سعد : أنشأ الله اليوم بعد الغداء راجعين الديره
شرقت سلمى با المويه وهي تتذكر الموعد المحدد لها
سلطان وهو يمسح على ظهرها :صحه صحه
ابو احمد : اجلسو والله ما شبعنا منكم
ابو سعد:الديار تطلب اهلها وانشاء الله بنجيكم نهاية الأسبوع وحنا محن بعيدين كلها ربع نص ساعة و حنا عند بعض
ابو احمد : الله يوفقكم
ريما :ياربي وش يصبرني اسبوع بعد
سالم بصدمه :كلنا نعرف أن فرح بكره مسنتره عندك باالصاله بلا دراما
ريما : ياربي يدخل حتى بمشاعري وش ذا
فرح : اعوذ بالله من عينك
سالم :لو مابقى الا انتم ماعطيتكم عين
سعد : بس يامبزره تصدعون ماتجلسوا بدون مناقر
ملاك : ابوي وعمي واضح مستسلمين عجزو فيهم
ابو احمد بمكر :البنات هاديات بس العيال الله يهديهم
فارس بشهقه:يارب انك تمزح ولا بذبح نفسي هنا
سالم : وين الهدوء وهم وين
ساره :معليش اتفق مع العيال البنات هم الي يبربرون
ملاك :اتفق معك
سعد وسلطان : صادقين معهم
لف ابو سعد :ورا سلمى وأحمد ماينصفوكم بعد
لفو احمد وسلمى عليهم
سلمى :لبيه يبه
ابو سعد : تنصفي مين
سلمى بوهقه :بوشو
ضحك ابو احمد : واضح انك معنا وانت يا احمد
ناظرها احمد وهو يسألهم بعيونه وهو يشوف ريما وفرح يأشرو على أنفسهم : فرح وريما
ريما سالم قاروره المويه عليه : ياحيوان وش الكذب ذا
قام احمد :عاد انا ابي كذا ، تكلم مع أبوه وهو يوجه كلامه لها
:ها يبه على وعدنا أمس ابي ردك قبل العصر
ابو احمد باستغراب : وش وعده
احمد : ما معي وقت الحين اذكرك بعدين وإذا امدك وتذكرت من بدري ازين
طلع وهو مستعجل يبي يخلص أوراقه الي بيده
قامت سلمى وهي مرعوبه وطلعت وهي ما تدري ايش ترد ليش يستغلها بنص السالفه يمسكها من يدها الي توجعها زفرت بقرف منه ومن تحكمه وتسلطه وهي كرهته تشوفه اكره ما على الأرض كيف ب يستغلها بذي الطريقه
.................••• ..................
توفانا وهي لابسه عبايتها وطالعه مع جيهان
: من الحين اقلك فكينا من الألوان الساطعه تجيب العمى
جيهان بضحك: لو تدري با اللون الي ببالي تنجلطين
توفانا وهي تسكر باب البيت : والله اني داريه
لفت جيهان :سعودي
توفانا :وينه
جيهان وهي تأشر على سياره السواق شوفيه نازل
لف سعود وهو يشوف جيهان صد لأن أمه معه وما يبي يشككها أنه رجع يكلم جيهان
صدت جيهان وهي تشوف زينب تناظر فيها من فوق لتحت : الله يغثك
توفانا :يا كرهي لها عجوز النار
دخلت زينب وبقى سعود صفر وهو يرفع الكيس الي بيده وكان فيه سناكات يسهرون عليها ابتسمت وهي تأشر له(👍🏻) بمعنى أنها بتجي تسهر معه دخل وهو يشوفهم يمشون
زينب : وراك تأخرت
سعود :جبت أغراضي
زينب بملل من ولدها :كم مره قلت لا تشيل شي السواق يدخلهم
هز رأسه ودخل بهدوء على جوري طق الباب :جوري
جوري من الغرفه وهي تشوف اغراضها: ادخل يا سعود
دخل بابتسامه وهو يرفع الكيس :تعالي نتابع شي سواء
جوري : تمام تو حطيت الايباد على الشاحن تعال شوف اغراض المدرسه
نزل سعود الكيس وجاء لها وقاموا يقسموا الاغراض بينهم
طلع سعود اقلام ملونه ودفاتر وهو يجمعهم بكيس ثاني
جوري : سعود مارح تأخذهم جيهان هي ما تحب امي وامي الي دفعت
رفع رأسه سعود : مين قال امي جابتهم انا دفعت ذول بدون ما تدري
جوري ميلت فمها : حتى لو حن جبناهم هي ما تحبنا مارح تأخذهم
وقف سعود بغضب :قلت لك لا تقولي ذا الكلام ولا تسوين لها شي ذي اختنا وهي تحبك
قامت جوري : بلا كذب هي ما تحبنا ولا تحب امي وما تبينا اخوانها و لما كانت صغيره تكذب على امي هي وامها
صرخ سعود :اسكتي اسكتي لا تتكلمي مو فاهمه شي انتي خليك على عماك
طلع وصفق الباب وهو ما يحب أحد يجيب طارئ جيهان با الشينه
جلست جوري بملل وهي تخاف يزعل عليها سعود وتكره جيهان من القصص الي تألفهم امها عليها وتخاف تسحب سعود معها وهي ما عندها أحد غير سعود يسليها
زفرت بضيق وهي تنسدح وتنام
..................•••..................
عند سلمى كانت بغرفت ملاك وجالسه وهي سرحانه وتفكر وتحاول تدور حل قبل ما تقلب حياتها فوق تحت دخلت ملاك :سلموه وين وصلتي
لفت سلمى لها وقامت بسرعه وقفلت الباب
قربت لملاك و نطقت بعصبيه : ملاك أمس با الليل وين كنتي
ناظرتها ملاك بتوتر وهي تشتت انظارها :وين بكون هنا
سلمى بقل صبر: وين با الضبط ومع مين
لفت ملاك بشك :اذا عندك شي تكلمي لا تماطلي
جلست سلمى بضيق:عند اشياء مو شي
جلست جنبها ملاك : وش فيك
سلمى ناظرتها بحزن : ليش ليش ياملاك تخربو على انفسكم ليش تقابلينه قلت لما جيتوا وعطيتكم عذر وأنكم تتفاهمون طيب أمس ليش ليش وش ذنبكم بالي يصير
لفت ملاك بتبرير وخوف : ملاك وربي بتدون احس نزلت والله إن ققلبي الي مشاني مو أقدامي واني اول ما صحيت على نفسي رحت عنه
نزلت رأسها سلمى على كفوفها وهي تمسح وجهها رفعت شعرها من على وجهها : ليتك قيتي قلبك ليتك اخ منكم
ناظرتها ملاك بخوف : سلمى انطقي وش عندك وترتيني
رفعت راسها وهي خايفه انهيارها هي ما صدقت تشوفها فرحانه ترددت وهي تسمعها تنطق : اخلصي
لفت وهي تشتت انظارها أمس كنت نازله با اناديك ولما وصلت للحوش شفت هذا شسمه يعني لا سكتت وهي ما تدري وش تقول لها كيف بتطفي نور عيونها وتكسر قلبها
ملاك وهي بردت أطرافها نطقت من بين اسنانها:سلممى
انطقي
غمضت سلمى ونطقت بسرعه : كان احمد موجود
انحبست أنفاسها وهي تناظر بفرغ وخوف وايقنت أن طريقهم انسد نزلت دموعها بغزاره وهي للحين ما تحركت من الصدمه وهي تتذكر نظرات احمد لها ومكانت عصبيه قد ماهي ضيق وخيبه شهقت وحطت يدها على فمها لجل تكتم صوت بكها
قامت سلمى وحضنتها:بس بس ياقلبي انتي ما رح يصير شي ماعليك
نطقت من بين شهقاتها: سلمى احمد شافنا احمد تدري وش تقولي والله والله ما يخلينا نزلت راسها من هول الأفكار الي تتراود لذهنها وهي مستغربه من صمته وهدواءه الى الحين وهي خايفه من العاصفه الي بعد الهدوء سكتت وهي مو قادره تسال سلمى عن الي بقى فهمت سلمى خوفها وسكوتها ونطقت تهديها بصوتها الي خنقته الغصه وهي كسرها وجداً وجع ملاك و احكمت قرارها : ماعليك انا هنا ومثل ماجمعتكم المره الاولى بجمعكم المره ذي وقلت وخلفت بضل ناشبه لكم لحد تجيبون عيالكم
لفت بستفهام :ايش صار وكيف للحن ماتكلم
سلمى :ما عليك أعلمك بعدين الحين اهدي
......................•••........................
تحت في الحوش الكبير
كانو يجهزو أغراضهم ويستعدو للرجعه والعيال ياخذون الشناط من البنات للسياره وكلهم يد وحده وماكان يخلى الجوء من سوالفهم ومزحهم لف أنظاره وهو يدورها وهو يشوف المكان خالي وجداً من نسمات عطرها وعذب صوتها وجمال ضحكتها لف وهو خايف ومتوتر من القرار الي بيحدد مصيرهم لف وهو يصد عن سلطان رفع معصمه وهو يناظر الوقت بساعته عكس خطوته عنهم شاف مابقاء من مهله الوقت خمس دقايق راح للمكان الي تواعدوا فيه
عندها كانت واقفه في المطبخ وهي ترجع وتفكر ملون مره بحياتها الي بتقلبها فوق تحت على نفسها وهي لآخر دقيقه تفكر طلعت بعبايتها وهي تشوفه واقف وقفت بمسافه ماتعتبر بعيده لأجل محد يسمع
احمد بسخريه : طولتي علينا
سلمى ناظرته بهدوء وهي تحس انها ترمي نفسها با النار
احمد وهو يمرر يدها من قدامها :ياهوه تري بيحرك عمي
سلمى وهي اخر محاولتها أنه تطلبه وتحاول فيه
: احمد تكفى لا تخرب حياتنا وحياتهم لانحط أنفسنا بمشاكل مالنا فيها لاتحطه الحل الوحيد كذا نظلم الكل
ناظرها وهو مايبي يتزوجها قد مايبي يشفي غليله ويريح ضميره وتأنيبه
احمد بحده : اسمعي عاد قلت لك مابي الا موافقه واجي ولا العلم الثاني مابي اسمع بربرتك الواجده
ناظرته بخيبه ودموع وهي كل مواقف سلطان وملاك وأحلامهم تمر قدمها ضحكاتهم الي اختفت ورجعت ماتبي الحين تختفي
رفعت نظرها له وطاحت دمعتها هزت راسها با الاجاب وهي خنقتها الغصه مو قادره تنطق شي مشت وهي تشوفه صد عنها مشت للمطبخ وهي تسكر الباب وتسند نفسها علي شهقت ونزلت دموعها يغزارتها طاحت على الأرض وهي تشهق وتبكي ولو شافها أحد يحلف أن عندها أحد ميت مصيبه عظيمه ما كأنها بنت وافقت على زواجها
كانت تبكي وتكلم نفسها : خلاص وقفي يادموعي مايستاهل مايستاهل كانت تحاول توقف مطر عيونها وماتمسحه إلى هاجمها سيلهم وقفت بعد نوبه بكاء طويله وموجعه وهي تسمعهم ينادوها لجل يمشون غسلت وجهها وهي ترجع تظبط نقابها ولبست نظارتها الشمسية لجل تخفي احمرار عيونها
طلعت وهي تشوف الكل با السيارات وعمها وأهله واقفين كلهم يودعونهم وفرح عند ريما تسولف معها من شباك السياره
صفر فارس وهو يشوفها لابسه نظاره : اوه يا الدلوعه ماعرفناك توجعك الشمس
سلمى : طايحه من عينك
فرح بطقطقه : اقول اركبي بس تري رايحين الديره مارح تعيشي عمرك كله بنظاره
سلمى : احاول انسى الضيقه ليش تذكريني
سعد وهو يزمر من سيارته : سلمى تجي معنا
سلمى مشت متجهه له وهي تعرف ابوها طول الوقت يخليها تسولف ويتكلمو تخاف يشك بصوتها
طلعو متجهين لديره
.........................•••..........................؟؟
(رجعت ببارت جديد و طويل ،وتوقعات جديده ولاتنسو 🌟💗)
أنت تقرأ
قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم
Bí ẩn / Giật gânقالوا بتلقى غيرها واترك هواها اليوم قلت العفو ياحاسدين ماأبدل قمر بنجوم
