قالوا بتلقى غيرها واترك هواها اليوم قلت العفو ياحاسدين ماأبدل قمر بنجوم

البارت السابع

صلوا على النبي قبل نبدأ

البارت السابع

الساعه 1 منتصف الليل صحت وشافت الساعه شهقت لان فاتتها الصلاة استغفرت وصلت خلصت وراحت تسوي قهوه سعودية واخذت حلى ولبست جلالها احتياط وراحت ورا الاسطبل وجلست باالفرشه الي دايم تجلس فيها وخدديات حطتهم لها وللبنات يجلسون عليها ونزلت قهوتها وجلست تكتب بدفترها وتكتب مشاعرها وتفضفض بحبر قلم لورق  هم صندوق أسرارها موهبتها الي اكتشفتها بعد وجع او الوجع صنع ها الموهبة ما تدري ضلت تفضفض بصمت للورق

دخل أسوار المزرعه وهو هدى وفرغ طاقته السلبيه با البر واتخذ قراره النهائي بعد تفكير من الساعات صف سيارته ونزل و طاحت أنظاره على بوابة الاسطبل مفتوحه رح ولف هو توقع أنها هي الموجودة لان محد يحب الاسطبل مثلها دخل وقفل الباب بعده وراح وراء الاسطبل شافها و تقدم ونطق بهدوء: السلام عليكم
فزت بخوف وخرشه :يمه
نطق يهديها: هذا انا لاتخافي
حطت يدها على قلبها:البلا أنه انت
لفت بصدمه لما استوعبت الي قالته :ااا اقصد يعني أن ناظرها بهدوء و
قاطعها وهو يجلس: ايه خلاص البسي جلالك ما اضمن نفسي
ناظرته بصدمه وسحبت جلالها:غض بصرك جعلك باالي ماني قايله
:اجلسين ألحين بتكلم معك بموضوع
ناظرته بعد ما أحكمت لفت جلالها وتلثمت منه : نعست وبروح أنام مابي احد يشوفنا با الوقت هذا هنا
مشت وقام بسرعه ووقف قبالها وناظر بعمق عيونها: لا تردين حبيبً مغليك ترا اغلب الحبايب تراضوا بليله مطر
مسك يدها وسحبها للفرشه:لاترديني
نفضت يدها وظحكت بسخريه:اوه تو تصير حبيب خلاص احنا بح انتهينا
ناظرها بهدوء:اوعدك بس ذا الموضوع وبعدها ولا بعترض طريقك
جلست اقباله ولو الود ودها تبيه هو طريقها مو بس يعترضه  فركت يديها ببعض وناظرت فيهم : تكلم اسمعك
مسك ثلاجه القهوة وأخذ الفنجان الوحيد اللي واضح أنها شربت منه وصب له ناظرها: نسميها جلست اعترافات أو تصحيح سوء فهم تمام ؟
رفعت راسها بحده :مو مجبوره ابرر كنت ببرر لاكن مارضيت تسمعني
نزل فنجانه : اسمعيني انا اللي ببرر
ناظرته بهدوء:اخلص
تكلم وهو يشوف تعابير وجهها مع كل كلمه ينطقها :هذاك اليوم تحديدً قبل سنه  جتني رساله على جوالي وكانت ذيك الرساله إلي و 
قاطعته بحده
: وانت صدقت ولا نويت تسالني ولا تسمعني حتى سلطان خلاص أنا نسيت وانتهى حتى رماد الذكريات من وافقت على سكتت ماقدرت تكمل وتنطق اسمه كملت وهي تناظر بعيونه من وافقت على الخطوبه
كان ساكت ويناظر ادق حركاتها تعابير وجهها دموعها الي تجاهد تخفيهم : انتهى الي بينا وما بيبقى بيني وبينك الا انا اولاد عم واتمنى مثل ما  تشوف اخواتي مثل خواتك كملت بصوت مخنوق وعيون دامعة اتمنى تشوفني بنفس النظرة انا بعد
ناضرها بهدوء وهي تقوم وعطته ظهرها
تكلم وهو يراقب خطواتها: الرساله كانت من مريم قالت إنه
ناظرها وهي تتقدم له بسرعة أخفى ابتسامته :اذا نعسانه روحي نامي خلاص نتكلم بعدين
ناظرته بدموع ورجاء إن إلي ببالها مو صح.:جيتني وانت تدري انها هي ؟
ناظر فيها وفي انفعلاتها :اهدي مو
مسحت دموعها بعنف :سوال وجاوب عليه كنت تدري انها هي الي ترسل
:ايه كنت اعرف بس س
مسكت ياقه ثوبه وهي تهزه :ليش ليش انت تدري ان مريم اكثر انسانه تكرهني ماتتمنى لي الخير وش سويت انت طاحت وهي تصرخ وتتكلم :انت عارف حجم غلطك انت صدقت  الي طول عمري انبهك عنها واخاف علينا منها  وش سويت انت
نزل عندها ومسك اكتفها:اهدي الحين واسمعيني اهدي
كانت منهاره ترجف وتتكلم بكلام مو مفهوم  سحبها ل حضنه : خلاص اهدي ياابوي انتي حسبي علي وعليهااذا بيصير فيك كذا منا
ظلت تضربه على صدره وهي تبعد لاكنه كان محكم مسكته لها حس بهدوئها ابعد شوي ورفع وجهها له ومسح دموعها: اول شي تسمعين لين انتهي وبعدها سوي الي تبي نزلت راسها وهي تسمعه يتكلم : انا لما جتني الرساله من رقم غريب لما رحت استفسر عن الرقم ماكان قصدي أن أسأل عن السالفه أو مصدقها كان بعرف صاحب الرقم وايش يبي منك ولما عرفت قلبت الدنيا عليها هي قالت إن بينك وبين الي ما يتسمى شي
رفعت راسها له بسرعة:مين
شاف حماسها با السالفه نطق بهدوء: عبدالعزيز
حطت يدها على جبهتها وقالت ببرائه: اف ياالنيه الوسخه ايه  كمل كمل
عدل جلسته سلطان :والحين بس ابيك تقوليلي وش الموضوع الي بينكم
اخذت الفنجال من عنده وهي تشرب قهوه :تذكر هذيك الايام لما كان بنسوي لهلنا مفاجأة
تكلم بأستهبال: اي مفاجأة
نطقت :زوجانا ناظرت فيه اقصد إنا كنا بنقدم الزواج يعني
:اي اي تذكرت
:هو يشتغل بشركه تصميم كنت ابي يعني
:قولي ماعليك
:اقصد يعني هو قال إنه يمدي يصمم بشت العريس
:حقتي يعني
:ايه وكنت ابيها على ذوقي ومثل ما تعرف مانبي أحد من العائله يعرف وانا في المفاجاه ذي ماابيك انت تعرف وعشان كذا لما شفتنا ذا الي بيننا مو مثل تفكير الحيه ذيك
شكلي انفعلت وقلت كل شي المهم نبدا حياه جديده وبالتوفيق تمام؟
تكلم وهو يناظر وسط عينها :تو ادري
:مايهم
: بس انا ماارضى نوقف في نص الطريق ،نطللع؟
نطقت بأستغراب :اطلع انت انا بقعد هنا شوي
:اقصد نمشي شوي هنا قريب
:بنرجع البيت وبجهز أغراضي مامعي وقت
سلطان :هنا على السياره بوريك اسطبل الصغير وفيه خيلين اذا تبي واحد
نطقت بسخريه : على اساس ماتتشرف
سلطان :وربي ماكنت اقصد ولا اني فاهم شي
شافت إصراره :اخاف يصحو
سلطان : لامعليك قريب
ملاك بتوتر :ترا بأخذه بس مو يعني اني سامحتك
سلطان بضحكه :امشي انا كلي لك
ناظرت فيه بصدمه :قسم ما
سلطان بطفش :امشي لا اشيلك
ناظرته بص عين :اخر تنبيه
لبست جلالها وتلثمت منه وخرجت وشافته متجه لسيارته الشاص :يحتاج سياره شكله بعيد
سلطان :قريب بس انا متكسل امشي
لفت بتوتر :مابنطول صح
اومى برأسه بأيه
ركبت ولصقت باالباب هي ما تدري ليش مشت في شي شجعها في احساس إن ذي اخر ليله لهم وعشان كذا قالت خلني اعيشها معه كانت خايفه من الأفكار الي تواردها ممكن اخر مره تشوفه اخر مره تفكر في بتصير حرم غيره هزت راسها برعب من تفكيرها وناظرت في الطريق وحست أنهم قطعو مسافه كبيره 
لفت له :سلطان تستهبل قلت قريب
كان ساكت ومايرد عليها خافت من سكوته وسرعته وتركيزه باالطريق

..............................................؟

(اهلاااااااااااااااااااااً لكم وحشه مره  ابي تعذرونيييي 🌚💗 عطونا توقعاتكم الحلوه ياحلوين حول البارت )