_ عزيز!!!
قولتها وانا بجري عليه بعد ما فتح عنيه بهدوء
_ انا فين!
بص حواليه
_ انا م*يت؟
_ لأ .. لأ انت عايش
_ هو .. حصل ايه!
قرب يونس من ورايا وكلمه
_ طلعنا نجري وراك انا وليلى وبعد ما موصلنا لعربيتك لقيناك واقع وحد خابطك بالسك*ينة
_ انت.. انت م...
فجأة عزيز بصله نظرة مفهتمتهاش
فاستنتجت انه مش عارف مين الشخص دا
_ روح طمن عايدة عليك يا يونس
حرك راسه وطلع فقربت وانا بعدل المخدة ورا ضهر عزيز
في مشهد بيتكرر باختلاف البطل!
_ عايدة مراته بتغير عليه جداً
عينه لمعت مرة واحدة وبصلي
_ يونس اخويا اصله مبيقعدش هادي ابدا
_ اخوكي!
قالها واتنفض مكانه فاتأوه من الالم
حطيت ايدي عالجرح وسندت ضهره
_ كنت عاوزة أفهمك .. انت الي هربت
غمزلي _ اتخضيتي عليا ؟
_ روحي راحت
قولتها وعينه لمعت اكتر
فضل باصص في عيني لحظات قبل ما يتنهد
ويدخل عمر
_ ساموعليكو
قومت من مكاني ومسكته من هدومه
_ وكمان ليك عين تيجي لحد هنا
_ ليلى !
_ انا عملت فيه محضر وان شاء الله هيجوا ياخدوه من قفاه
= ويخدوني من قفايا ليه معنديش بيت يجوا ياخدوني منه
عزيز بصله عشان يسكت ويخفف مستوى الكوميديا الفظيع بتاعه
وبصلي انا _ ليلى .. عمر ملوش علاقة بحاجة
_ ازاي دا هو الي ...
= مقالك ملوش علاقة .. وبعدين فين العصير
بصيناله احنا لاتنين وعزيز اتكلم
_ انا عارف مين الي عملها و هعرف اتصرف
اما الشرطة جات استغربت ان عزيز طلع عمر منها
واتهم سوزان بشروع في قتله!
واتقفلت القضية على انه شروع في قتل وسوزان اتجابت قبل ما تسافر على روما!
*********************
_ انهردا اول الشهر
كنت بقطع النتيجة وانا ببص على التاريخ
انهردا أخر يوم وأخر دفعة فلوس هياخدها عزيز وبعدها هيكون الاتفاق انتهى وانتهت معاه المقابلات والحواديت والكلام!
_ ليلى!
سمعت صوته وحضورة المهيبر في المكان
قعدت وبصلي
_ مالك باصة عالنتيجة كدا ليه ؟
_ هه ! .. ابداً عادي
طلعت الفلوس وحطتها قدامه
ظهر عليه الحزن هو كمان
_ دي ..!
_ ايوا .. اخر دفعة
قولتها وانا بحاول امسك نفسي
ابتسم
طلع من العلبة السلسلة وقام من مكانه
_ ممكن أنا البسهالك؟
قولتها وانا بقوم وبقرب من رقبتلها
رفعت شعرها
وانا لبستهالها
بصيتلها
_ اسمها ايه الوردة دي ؟!
_ اللّيلك
قعد قدامي
حط ايده على خده وبدأ يستعد
_ احكيلي حكايتها
ابتسمت
_ اللّيلك اسطورة من اساطير زمان .. بيقولوا انها زهرة نادرة رغم انها مالية الدنيا لكن حضورها في اي بستان بيفرض نفسه، أصلها وردة الملكة الي قررت تموت نفسها عشان تعيش مع الشاب الي أنقذ حياتها
_ انقذها ازاي !
_ كانت هتقع من البرج وقبل ما تقع شالها ووداها لطبيب القرية لكن ابوها اما عرف ان حد من العامة قرب من سموها قتله!
_ وهي راحتله!
_ واتسمت اللّيلك على اسمها
عينه ضحكت واتحمس
_ ليلى ..
_ اممممم
_ انا عايز اشوفك طول الشهر .. مش كل اول شهر .. عاوز اسمع حواديتك واراقب شغفك في كل بوكية جديد بتعمليه!
_ ....
_ ليلى
قام وبص في عيني بتركيز
_ تتجوزيني!
******************
_ ايوا بردو فين العصير !
_ يا استاذ عمر العصير هناك عند البوفية انا بتاع الدي جي
_ طب شغلنا عمرو دياب عشان بحب وائل جسار جدا
قالها واتحرك قبل ما يخبط في جسم صغير
_ متفتح يا بطل
_ بطل!!!!!!
قالتها وهي بتبصله من تحت لفوق
_ دا الفرح لم فعلاً
_ الاه! .. وليه الغلط .. بقولك ايه ! .. انا اعتبر صاحب الفرح
_ نعم!
_ انا صاحب العريس الي هناك دا الروح بروح
ابتسم وغمز بعنيه العسلية
_ اول لقاء كان خناقة .. وما محبة الا بعد عداوة يا .. (بصلها من تحت لفوق) يا بطل
_ طب وسع عشان واخد مكان .. والبنات هم الي هيرقصوا هنا
_ طب ميجوا .. انتوا مش من ايجيبت والدنيا بيس!
_ ولااا ميغركش القطيفة الي لبساه دا انا اكلك نيئ
_ يجلك تلبك معوي!
_ ااه يا رب عالسخافة!
_ بصي انا رجلي اتكس*رت وتقريبا كدا مش هقدر اتحرك من هنا
_ مش ممكن دمك دا .. شايله لوحدك ازاي مش تقيل عليك
قرب خطوة منها
رجع خصلات شعره الغزيرة لورا
_ نشيله سوا
قرب خطوة اكتر فرجعت هي لورا
_ والبطل تبع مين ؟
_ اخت العريس
_ مراتي يعني
_ نعم!
_ انا من أول بوكس قولت الواد عزيز دا هيبقى أبو النسب
_ انت عبيط!
_ تؤ .. عمر .. انا عمر.
****************
تمت.
#اللّيلك (٣)♥️
_ نانسي أشرف.
