جديد | ✨
_ يعني ايه الكلام الفارغ دا ؟
_ يعني الي انت سمعاه
بصيتله وهو بيقوم من مكانه وبيركز في عيني
_ طلاق مش هطلق
مسكت ايده وانا بحاول اهديه
_ انت مش كنت موافق ؟
_ ايوا
_ طب ايه الي حصل ؟
_ عادي .. عجبتيني
_ يونس ! .. الكلام دا اضحك بيه على واحدة غيري
_ بقولك ايه يا عايدة انا اللعبة حبيتها وهكمل فيها كام جيم
_ كام جيم !
_ انا كدا كدا مش خسران حاجة
_ لكن انا خسرانة
_ محدش قالك ادخليها من الاول
سحب ايده وقلع جاكيت البدلة وحرك رقبته وهو مغمض عنيه
قعدت على السرير بصيت لفستان فرحي وانا مش مصدقة
انا طاوعته ودخلت بإيدي لهنا !
ودلوقتي بقيت محبوسة معاه
وفي نفس الاوضة
_ عايدة
_ ....
_ عايدة!
_ عاوز ايه
_ تعالي اعمليلي مساج
_ نعم يخويا !
_ مساچ
بصلي بابتسامة بريئة لا تليق على المشهد
_ انتي مش خريجة علاج طبيعي ؟
_ لأ .. كنت غايبة في المحاضرة دي
قومت من مكاني ووقفت قدام المراية
كنت بحاول اقلع الطرحة بعنف
وقف ورايا وبعد ايدي
_ على فكرة مكنتيش محتاجة كل البهرجة دي .. انتي حلوة من غير حاجة
بصيتله في المراية بسخرية
_ على فكرة انا بحاول هنا
_ متحاولش
كان فك الطرحة فخدتها منه وانا ببعده
_ كل محاولاتك مبتزلة
كان بيحاول يقلع القميص فبصيتله بنتبيه
_ الجو برد برا !
_ اقفل التكييف
_ على فكرة انا واقف في ملك الحكومة
_ حلو .. طلقني بقا وانا هخليك تقف زي ما انت عايز
_ فين الديموقراطية.. فين الحرية
رفعت حاجبي وانا مستنياه يكمل فاتنحنح
_ فين ريموت التكييف
طلع برا وقفلت وراه الباب وانا بفتكر لقائي الاول بيه من سنين.
_ انتي كويسة ؟
_ لأ
وقف جمبي ومد ايده بالدوا
_ اول مرة تركبي الطيارة ؟
_ ايوا
سحبت منه الدوا وشربته
_ طيب حاول تتنفسي ببطئ واول ما تطلع من على علأرض غمضي عينك .. دقايق وتكوني في الجو مش هتحسي بحاجة
مش فاكرة وقتها الا لحظات اقلاع الطيارة لأول مرة في حياتي
مسكت ايده بكل قوتي وغرزت ضوافري في جلده
متكلمش فضل باصصلي وهو بيردد اني اتنفس بهدوء
بعد لحظات كانت الطيارة في الجو .. استقرت الاوضاع وبدأت الانوار جوا الطيارة تخفت
بصيتله
ابتسم
وهو بيحاول يداري ايده
