حكاية ” عمر ورقية “♥️
_ يعني أنا دلوقتي وضعي ايه في علبة السالمون الي انت حابسني فيها دي!
ابتسم بهدوء وهو بيمسح السلاح الي في ايده
_ أخوكي يدفع الفلوس الي عليه وأرجعك
_ الي هم كام
_ خمسة وعشين جني
_ خمسة وعشين!
_ ايوا .. مينقصوش جني
_ يا عم هات الشنطة اديلك مية جنيه
_ مية!!!!!!
قام من مكانه
_ انا شهامتي متسمحليش اخد فلوس زيادة من واحد ست
_ لكن تخطفها وتحبسها عادي !
_ كله الا الاخلاق
_ اخلاق يالا .. اخلاق و رجولتك دي احرجت امي
نفخت وبصيتله
_ خلاص .. هات الشنطة اديك خمسة وعشرين بتوعك
_ ايه! .. فين الصاصبينس .. فين الأكشن .. فين العصير يا عزت!!!!!
اتنهدت وانا بغمض عيني
_ ماشي هجاريك عشان أهبل
_ ايوا
_ يا سيدي المبلغ الكبير دا هحاول أنا اتصرفلك فيه
_ عاوزة مهلة قد ايه
_ يومين
_ كتير يومين كفاية خمس دجايج
سمعنا الفون بتاعه بيرن
_ ايوا يا زوز. ايوا البطل عندي .. يا عم متزقش .. ايوا .. لا معاملة كويسة ايه يا راجل .. دا انا رابطها ومكتفها وحاجة يعني آخر اهانة .. ربنا يحمينا من جمعيات حقوق المرأة
ميل عليا وهو بيحط ايده عالسماعة وبيغمزلي
_ دا مع احترمنا للمرأة
قفل السكة وبصلي
_ عاوزة تهربي برا البلد ليه؟
_ وانت مالك يا غلس
_ يا ستي اعتبريني صاحب أخوكي
_ وانت واخويا متفرقوليش
_ مش مهم .. انتي فرقالي
_ انت مبتفهمش !
قومت من مكاني وقربت منه
_ انا مبحبكش
_ عشان زوقك وحش .. تقدري تقوليلي بتحبي اللحمة الضاني ولا لأ
_ ودا ايه علاقته
_ ملوش علاقة .. حبيني بالله عليكي
_ لأ
_ كدا ؟
_ ايوا
_ كدا !
_ ايواااا
_ تمام .. اوكي .. انا بستفسر
بعد وقت قليل لقينا عزيز داخل علينا
رجعت خطوة لورا
_ عزيز !
قولتها وانا ببصله، كانت نظرة عنيه مختلفة
بيبرقلي ومش مصدق اني حجزت طيارة .. واني فعلاً كنت ساعات وهبقي برا البلد !
رفع ايده في الهوا وكانت هتبقي اول مرة في حياة عزيز يمد ايده عليا او على اي ست في حياته!
لكن الصورة اتغيرت اما لقيت عمر مسك ايده
_ لأ كله الا البطل
نفض ايده = لأ! ... دي بتهرب برا البيت .. بتهربي يا رقية ! .. هي دي وصية ماما انك تفضلي في مصر!
_ انا كرهت الحبسة الي انت حابسهالي .. زهقت
= فتقومي حاجزة تذكرة وتتسحبي زي الحرامية بليل!
_ انا حرة .. انا مش عيلة صغيرة يا عزيز
