သရဲအိမ်ထဲမှ ဧည့်သည်တစ်ယောက် 👻

အခန်း (၅) မိသားစု

ဟိုတယ်က
မစ္စတာ ထန့် ရဲ့သတိနဲ့စောင့်ကြည့်မှုတွေအောက်ကနေ
ကျွန်တော့်ရဲ့ပစ္စည်းတွေကို
ထုပ်ပိုးပြီး အိမ်ကိုပြန်ခဲ့လိုက်တယ်။

နောက်ဆေုံး ကျွန်တော့်အိမ်တံခါးရဲ့ရှေ့ကို
ရောက်လာပြီးတဲ့အချိန်မှာတော့
သော့ပေါက်ထဲကို သော့ထည့်ပြီး
ဖွင့်မယ်အလုပ်မှာ ကျွန်တော် အေးခဲသွားတယ်...။
ကျွန်တော် ရှင်းရှင်းလင်းလင်းကို မှတ်မိလိုက်တယ်...
ကျွန်တော် အိမ်ကနေ မြန်နိုင်သမျှ
မြန်မြန်ထွက်လာခဲ့တုန်းက
ကျွန်တော် အပြင်မထွက်ခင်မှာ
အိမ်တံခါးကို သော့သေချာခတ်ခဲ့ပါတယ်...။

အခုတော့...တံခါးက လုံးဝကို သော့ပွင့်နေတယ်...။
ဒီသော့ပွင့်နေတဲ့ကိစ္စနဲ့ပတ်သက်ပြီး
ဖြစ်နိုင်ချေရှိတဲ့ဖြေရှင်းချက်တစ်ခုကို
မတွေးနိုင်သေးခင်မှာပဲ...
တံခါးက ချက်ချင်းကြီးပွင့်လာတယ်...။
သက်လတ်ပိုင်းအရွယ်အမျိုးသမီးကြီးတစ်ယောက်ဟာ
လက်ထဲမှာအမှိုက်ထုပ်ကြီးတစ်ထုပ်ကို ကိုင်ပြီး
တံခါးဝမှာပေါ်လာခဲ့တယ်...။

'အား!' သူ(မ)က အော်ဟစ်လိုက်တယ်...။
ကျွန်တော်ရပ်နေတာကို အရမ်းလန့်သွားတဲ့ပုံပဲ...။
အမှိုက်အိတ်ကြီးက လျှပ်ပြက်သလို
ကျွန်တော့်ခေါင်းပေါ်ပျံဝဲလာပြီးတော့
အိတ်ထဲကအမှိုက်တွေက
ကြမ်းပြင်ပေါ် ပြန့်ကျဲကုန်တယ်...။

သူ(မ)က ရင်ဘတ်ကို လက်နဲ့ဖိပြီး ပြောတယ်...။
'မင်းအိမ်ထဲမဝင်ခင်
တံခါးကိုအရင်ခေါက်သင့်တယ်!'

ကျွန်တော် အခြေအနေတွေ
ပုံမှန်ပြန်ဖြစ်ဖို့ နည်းနည်းအချိန်ယူလိုက်ရတယ်...။
'အမေ! ဒီမှာဘာလုပ်နေတာလဲ?'

'ငါ နင့်ကိုတွေ့ဖို့လာခဲ့တာလေ!
ဒါနဲ့..နင် အိမ်မှာ အရင်ရက်တွေတည်းကမရှိတာနော်...။ ဘယ်တွေရောက်နေတာလဲ?..
အမှိုက်ထုပ်ကိုမြန်မြန်ပြန်ယူပြီး အမှိုက်တွေကို
အကုန်ကောက်ထည့်လိုက်...
ပြီးတာနဲ့ ချက်ချင်းဝင်လာခဲ့နော်..!'

'ကျွန်တော် ဘယ်မှမသွားပါဘူး!
ကုမ္ပဏီက လွှတ်တဲ့အလုပ်ကိစ္စနဲ့
ခရီးခဏလေးသွားတာပါ...။'
ကျွန်တော် အလုပ်ထုတ်ခံလိုက်ရတဲ့အကြောင်း
အမေ့ကိုမပြောပြနိုင်ဘူး။