بيت راكان
ملاذ هزت راسها بموافقه وهي تبعد يده لانه اوجعها زود من لمسها وقالت: لا تلمسه والله حقيقي لو هو راح اثره باقي
راكان: طيب ما عرفت حسبته راح معه
ملاذ ضحكت: تصدق انك غبي
راكان بحدة بسيطة: حدك ياخي غلطتي كثير من البارحة وانا ساكت ماقلت شي
ملاذ سكتت وهي تلعب باصابع يدها وقامت بهدوء لغرفتها وهو صح تضايق لانه عصب عليها بس اذا سكت بتتمادى وهو مايبيها تتمادى وهي اول ما دخلت غرفتها مشت لصندوقها المفضل حق الاظافر والمناكير وبدت تصبع اظافر ومن نشفتهم بدأت تركبهم على يدها وهي مبسوطة فيهم وراكان مشى غرفته متضايق وانسدح على السرير ومغمض عينه بضيق شوي وفز بخوف من صوتها ولمسه يدها متى دخلت ما حس بها؟
ملاذ بضحكة: والله مو جنية والله
راكان اخذ نفس: بسم الله قولي شي سوي صوت طيرتي قلبي والله
ملاذ بابتسامة واسعه: تدري وش صار قبل شوي
راكان سايرها بزعل: همم
ملاذ جلست وهي تمد يدها: ركبتهم مرة ثانية
راكان ناظر يدها وده يعلق ويعبر ويتشرط بس كابر وصد بوجهه وقال: انا غبي ايش اسوي لالا مو غبي نسيت حمار
ملاذ سحبته من يده: اللي بتسويه هو انك تجي معي
وهو مشى معها يبي يشوف اخرتها معها وهي دخلت المطبخ وطلعت الاغراض حقت الكبسة
ملاذ بضحكة: سامحني ما اعرف اسوي غيرها اذا ماتبي عادي جيب لك من برا ولا روح لنوف او اهلك
راكان بسرعة: لالا ابيها
ملاذ ابتسمت وهي تعطيه يغسل الدجاج وينظفه وبدأ يجهزوا سوى وملاذ نسته زعله بسرعة بسوالفها وضحكها وهو مبسوط منها
ملاذ ضحكت بصدمة: راكان ايش سويت
راكان ضحك بورطه: قطعتهم
ملاذ ضربت على راسها: لا راكان الحين لا جيت تاكل دجاج ما تلاقيه بيضيع مع الرز ليه تنتفه كذا اصلا ياربي منك
راكان ابتسم: طيب نسوي غيره
ملاذ هزت راسها بلا: هو في البراد بيتاخر ذا انا مطلعته من الصباح علشان يذوب الثلج وبعدين حطيناه خلاص اوف منك زعلتني
راكان: طيب خلاص لا جهزت الكبسة ندور الدجاج لا تزعلي
ضحكت ملاذ من تفكيره وقالت: طيب انا بروح شوي بكلم امي نوير وانت تعال حط ملح وذوق اذا ناقصه ملح ارجع حط بشويش وكل مرة تحط ذوق قبل الثانية طيب؟
راكان وهو يضرب على صدره: بس ازهليها
مشت ملاذ وهو بدل الملح حط سكر ملعقتين وذاقه
أنت تقرأ
وما بعد الفراق الا اللقاء
Romanceفيها من الهم والحزن اطنان احتواها وحماها وزادو قاهرينها حاوطها وهو يقيها من آلام تعلقت فيه وهو تمسك حيل بيها جاه السقم من اقرب الناس وجلست جنبه وحطت يده بيدها حان الوداع ودمعت العين ألماس وترك قلبه وروحه فبيتها والله كتب لهم بعد البعد القاء وبشوق لم...
