وما بعد الفراق الا اللقاء

Part 1

الشركة

جالس يدور بتوتر في مكتبه يمشي جنب الشباك الطويل وهو يشوف الشرطة تحت اكثر من سيارة جلس بخوف على بنته من اخوه وطمعه شال الشماغ من والعقال من راسه وهو يرميه على الارض بعصبية كيف وصلو له تنهد ورفع عينه بخوف لراكان اللي دخل هو الثاني خايف من اللي بيصير

راكان بخوف: نام هنا انت هم ما راح يدخلو ينتظروك تطلع 

بسام تنهد: لا لا جيب جوالي بسرعه 

راكان مد له الجوال بسرعه وهو متوتر مسك بسام الجوال وهو يدق على ملاذ اللي كالعادة ما تركت لابوها مجال يتكلم 

ملاذ بسرعة وحماس وشوق وحب لابوها: الو يبه اكيد بترجع بدري انا ادري بجهز فلمم وكل شي متى بترجع 

وقبل يتكلم بسام كملت ملاذ بحماس: تبي نشوف الفلم الجديد اللي نزل البارحة يجنن يقولون البطل بيموت حمااس اكيد بعد شوي بترجع

كتم بسام غصته وبكيته وهو يغمض عينه بقهر: يبه انا مسافر فترة بطول وماني براجع من اليوم رايح الحين قدام المطار وقبل لا ارجع بعلمك علشان نشوف الفلم اللي تبينه لا تغشي وتشوفيه بدوني وبعده تحرقي علي اعرف حركاتك ذي

ملاذ سكتت مصدومة من ابوها بيسافر ويودعها من التليفون اكيد صاير شي بشركته ولازم يروح تعذرت له في داخلها خاف ابوها من سكوتها بس مادام خوفه كثير

ملاذ بابتسامة متفهمة لابوها: ابشر يبه ما راح اشوفه بس انت لا تبطي عاد والله اشوفه واحرق عليك طيب وتوصل بالسلامة وطمني عليك اول ما توصل

باسم تنهد بورطة: لا يبه انا رايح ولا راح اتواصل معك ما اقدر طيب 

ملاذ بتفهم وهي تفكر بشغل ابوها اللي يمنعه يكلمها: طيب يبه متى طيارتك

بسام بتصريفه وعينه تدمع: الحين يبه الحين بنرل وبروح لا تفوتني 

سكتت ملاذ وهو كمل بغصة: كلي عدل ما ابي ارجع واسمع من الخدامة انك ما ترضي تاكلي ولا دخلتي البيت تنامي تأكدي ان البيبان والشبابيك مقفوله وانتبهي تطلعي كل شوي السوق مع السواق لا بغيتي شي علمي رعد لا تروحي مع السواق الا مع خالتك ام غيث ولا تسهري انتي وسهر خلان انا داري بس مافي سهر بغيابي تنامي بدري وتقومي بدري وصل يا ملاذ ابوك

ردت ملاذ: وصل يا ابو ملاذ الا يبه وين مسافر

رد بسام وهو يصرفها : رايح لشغل طيارتي بتروح علي انتبهي لك يا بنتي طيب 

ملاذ بصوت مكتوم وضيق جا لها ماتدري ليه: طيب يبه استودعتك الله وانت برضو انتبه لك 

ودعها بسام وهو يوقف ويهمس بكلمات في اذن راكان اللي توهق ما عرف يرد

بسام بأمل: هاه يا ولدي تقدر؟

راكان غمض عينه من الموقف اللي انحط فيه ما ينسى وقفه بسام معه في اصعب ايامه ما ينسى حنانه اللي اعطاه له من بعد ما فقد ابوه ما ينسى الشياء اللي حصلها مع بسام هو كان فاقدها حتى وابوه حي لقاها عند بسام فتح عينه قاطع افكاره على صوت بسام المليان حنية كالعادة بس هالمرة الغصة مشاركه حنيته بنبرة الصوت