وما بعد الفراق الا اللقاء

Part 11

مزرعة راكان على الساعة 8:30 بالليل

كان يركض وراها يبي يركبها الخيل وهي تهرب ماتبي وفجأة وقفت وهي ترجع لورا بخوف وراكان قرب منها بضحكة 

ملاذ بخوف وتتعلثم بكلماتها وترجف كل اطرافها معلنة خوفها الشديد: ج جن جني هناك

راكان ضمها وهو يسمي عليها: بسم الله عليك وينه

ملاذ غمضت عينها بخوف وهي تقول: شفته شفته تمرجح والله

راكان لف للمرجيحه وشافها ساكنه استغرب ومشى مع ملاذ للغرفة وبدأ يتعوذ عليها ويسمي ويحصنها وهي نامت براحة

ونص الليل الساعة ثلاث الفجر قامت ملاذ وهي تلمس يد راكان اللي محاوطتها بابتسامة ورفعت عينها بس بسرعة غمضت عينها بخوف من العين اللي كانت تراقبها عين مخيفه كانها عين قطو خضراء كبيرة حييل وجهه كان رمادي داكن وشعره طويل ومجعد كثيف بلون الاسود لحيته وشنبه شكله كله ببعضه مخيف غمضت عينها وهي تتمنى تفتحها وتلاقيه مختفي بس صرخت بخوف من فتحت عينها وشافت ابتسامتة اللي بينت لها انيابه كانه فم ذيب قام راكان بخوف 

راكان بخوف: بسم الله ملاذ ايش فيه شصار؟

ملاذ خبت وجهها في حضنه وهي تاشر على جهة الجني اللي سكن رعبه في قلبها راكان ناظر حيث ما تأثر وما شاف شي

راكان بتعب: ايش فيه ملاذ شوفي مافيه شي

لفت ملاذ وبصعوبة فتحت عينها وماشافته لفت وشدت على حضن راكان وخبت نفسها في صدره وغمضت عينها بقوة تبكي وهو بدوره شدها له ورجع يقرا عليها ونام من انتظمت انفاسها وبعد نوم راكان بثواني قامت ملاذ بخوف ما ودها تلتفت وتشوفها بس كأن شي قال لها التفتي وبس التفتت انمدت يد طويله اظافرها طويلة وحاده كانها سكاكين غمضت عينها للوجه اللي تشوفه للمرة الثانية ولفت بسرعه تخبي وجهها في صدر راكان وهي تبكي واليد هاذي ماراحت حست بها على ظهرها لا لا تحس انها تقطع ظهرها صرخت بالم وقام راكان يتأفف

راكان بخمول: ملاذ بس عرفت خايفه بكره نمشي الحين نامي

ملاذ بكت: جرح لي ظهري

راكان وهو نايم : طيب

ملاذ بكت وهي تشد عليه وما قدرت تنام من صوت الهمس في اذنها ومن يدها اللي استمرت تجرح في  جسمها وضحكه المخيف اللي كان كفيل يخليها تنهار صدق جا الصباح وقام راكان وابتسم لملاذ وهو يشوفها صاحية بس تناظر لصدره

راكان بروقان: صباح الخير ملاذي

ملاذ  ماردت وهي باقي تناظر مكان صدره بعج ما جلس ويدها طاحت على السرير راكان بخوف حط يده على جبينها يتحسسه بس حرارتها طبيعية

راكان بخوف لشكلها الذابل وكانها تعاني من ساعات طويلة: ملاذ ملاذ بنت ردي علي

ملاذ تسمعه بس مو كثر ما تسمع الهمسات والضحكات