وما بعد الفراق الا اللقاء

Part 13

بيت راكان

خلصو غدا وملاذ تاكل بغصة وهو من خلص لف عليها

راكان وهو يشرب المويه: اذا منقرفه مني لهدرجه عادي بعد ثلاث ايام روحي لابوك 

قام بعد ما غرز لها سيف في قلبها قام وهو ما وده يقول اللي قاله بس علشان تعرف ان له قلب وقلبه يحبها فابسط شي يطلع لها منه يعذبه حيل لو انها مزحه وهي لحقته على طول ودخلت غرفته

ملاذ ببكي ودموعها على خدها: اسفه اخر مرة والله ما اعيدها ما اغلط عليك ولا امزح معك كذا بس لا تزعل 

راكان حن عليها من دموعها واستسلم لها ماد يده وهي على طول ركضت له تبكي وتطالبه بالسماح وهو ما توقع كلام بسيط منه يأثر عليها كذا بس تذكر انه تضايق لان مزحها اثر عليه وابتسم 

راكان: خلاص سامحتك انا لا عاد تجيبي طاري الزعل

ملاذ: ابشر

راكان وهو يمسح على شعرها: عرس واحد من خوياي الليلة تجين عرس النساء ولا تنتظريني؟

ملاذ لانها ملانه: بجي معك

راكان: طيب عندك فستان وكذا شغلات البنات ولا نروح ناخذ لك

ملاذ رفعت راسها له وابتسمت: نروح بيتنا اجيب كنت ماخذه واحد لانه عجبني ما قد لبسته واجيب باقي الاغراض وشااحن

ضحك راكان: مو شاحني شاحنك؟

ملاذ هزت راسها بايوا ودها تمزح معه او تعانده بس تخاف يزعل وهو ابتسم لها لانها هاجدة حاليا يحسب انها هاجده لان جرحها يآلمها بس هي هاجدة بسبب ثاني 

.....

بالليل 

بيت راكان

راكان مشى وبيده شماغه وعقاله وعطره لغرفتها علشان يتبخر واول ما دخل شتت نفسه وهو يسكر الباب وقرب ماشي لها كانت صدق فتنه قدامه كانت اطول بسبب الكعب ويا ان طولها الجديد اخذه فوق ونزله ورغم بساطه مكياجها الا انها جابت راسه ولا فساتها الاسود اللي وضح له خصرها ياااابهه صدق فتنه وهي كانت مشغولة تختار بخور عطته نظره سريعه ورجعت تختار وهو يجلس على السرير ضايع بها

راكان بابتسامة: منو هاذي اللي قدامي؟ ملاذي اللي كل شوي تقول سباق لا لا لا هاذي حلوة كثييير وانيقه وعاقله

سكتت ملاذ بحرج وهو كمل يقلدها لما تسوي نفسها تذوب: يووه يا نظرتك السريعه علي دوختني بنت

ملاذ لفت له معصبة: راكان اهجد بتخرب ثوبك

كمل راكان وهو ما اهتم لكلامها: يعني ودي اكلمك انا بس واضح لي ما تتحاكين  كيف اوصلك الحين

ملاذ صدت وهي تكمل تختار وهي مخبية بسمتها وهو قال: اعرف احكي حايلي بغازلك اسمعي

ملاذ ضحكت: لا تكفى كمل كذا ابي افهمك