العرس
كايد يكلم نوف قدام الحمامات علشان الازعاج وكل اللي انقال كان تحت مسامع راكان اللي ما اكتملت فرحته بملاذ وتصرفاتها وكلامها الا وانتكست بخاينه ميين نوف الي كان يبني احلامه معها وكايد؟ كايد خويه روحه الثانية يخونه وع مين بالله؟ مع زوجته شرعا ما باقي غير عرس يعلنو به زواجهم للناس طلع من الحمام ما عاتب كايد ولا كلمه وكايد اخذ نفس بخوف من راكان خاف يسمعه ويخسره للابد لان اللي يسويه كله ببعضه غلط وراكان مشى وسلم على خويه المعرس وتعذر منه وطلع لسيارته ومسك جواله يدق على ملاذ اللي وصلها صوته وماتسمعه كويس من صوت الاغاني وهو ما يسمعها بعد وبعدت داخله الحمامات تكلمه
ملاذ بخوف: هلا راكان فيك شي
راكان ببرود: نمشي؟
ملاذ استغربت بروده: يلا جايتك الحين
سكرو ولبست ملاذ بسرعه بتطلع له بس رجعت وهي تشوف تجمع شباب قدام باب النساء ورجعت تدق على راكان ووصلها صوته مكتوم
راكان: هاه
ملاذ نكرت اسلوبه : فيه هاذيل شباب برا تعال خذني
قفل منها بدون كلام ومشى للباب وشاف شاباب متجمعين ما تدخل يحسبهم اهل العروس اخوانها وكذا
واحد من الشباب مد يده: هلا بالخوي معك فهد وانت
راكان ما كان فاضي له بس سلك له: تشرفنا فهد معك راكان
فهد ابتسم: طيب حنا معزمين هنا وعرس الرجال ما ندري وينه
راكان اشر له على عرس الرجال : هناك
واشر على ملاذ تجي بيده وهي جت وتخبت ورا راكان ومشت معه متشبثه فيه لان فهد كان ضخم ومعضل فخوفها مسكينه وبس ركبت ثواني وركب راكان ملاذ مسكت يده وشدت عليها
ملاذ بحنية: راكاني ضايق وما يبي يعلم ملاذه
راكاان ما صدق ودمعت عينه من الغدره اللي جاته من اقرب الناس وصد بوجهه للجهة الثانية غمض عينه
راكان وصوته مكتوم جمع كفه وحطه على فمه يخفي شهقاته وانفه حمر من كتمانه لبكيه سحب يده الثانية من يد ملاذ وشغل السيارة وحرك لبيتهم ونزل بسرعه لغرفته وملاذ لحقته لغرفتها شالت عباتها بسرعه والنقاب ومشت لغرفته فتحتا ودخلت شكله كان كئيب ونظرته تشرح اللي داخله من كسر مشت له وجلست جنبه ورجعت تحطه يدها بيديه
ملاذ برجا: راكان شفيك علمني طيب لا تخليني كذا خايفه
راكان ببرود: تخيلي اثنينهم كلاب اثنينهم
ملاذ سكتت تبيه يكمل وهو كمل: تخيلي كايد خويي اعز الخلق واغلاهم علي واقرب واحد من الناس لي وش سوى تخيلي بس يا ملاذ اتركيه على جنب و نوف نوفف ليه تكلمه انا لي سنة ارسم احلامي معها واخرتها يتغزلون في بعض يا ان خيانتهم داقه في قلبي يا ملاذ
أنت تقرأ
وما بعد الفراق الا اللقاء
Romanceفيها من الهم والحزن اطنان احتواها وحماها وزادو قاهرينها حاوطها وهو يقيها من آلام تعلقت فيه وهو تمسك حيل بيها جاه السقم من اقرب الناس وجلست جنبه وحطت يده بيدها حان الوداع ودمعت العين ألماس وترك قلبه وروحه فبيتها والله كتب لهم بعد البعد القاء وبشوق لم...
