تتملكني مخاوف هستيرية.
فلم يعد الأمان
يلامس مشاعري
لطالما شعرت أنني
على حافة
الانهيار في أي لحظة
__________
كعدت على صوت نيـار صوتها يرچف
- ليـال دنيـاا الليـل وديدك البـاب و إميـر مو هوني
كمت عالسيرع نزلت اركض جوه خايفـة رحت فتحت البـاب
شفت ولد بكد إميـر لازمي ومشبعي ضرب وجهة كله دم
حجيت بخوف
ليـال - اخويه شبي منو انتـوا
جاوبني ولد بكد إميـر شايلي حجه بصوت خشن
الولد - خيتي اميـر تعـارك ويه ولد همزين اجينه بالوقت المُناسب
جاوبته بخوف سندنه اني ونيـار اميـر
ليـال - تعبناك اخي تكدر تروح
دخلنه إميـر اني ونيـار ساندي
ليـال - جيبيلي مي وصيحي سارة جوارينه ختجيب الاسعاف مالتنه يمها هيه مو صديقتچ المقربه
هزت راسها وراحت جابتلي مي وصارت تخابر على سارة
ذبيت على وجهه جبت كلينس وسمحت انفـه مترس دم وماما نايمه متدري لان بس تدري تنچلط صرت اضربه راشدي
ليـال - دكوووم لك إميـرر
صار يفتح عين ويغلق عين بـ إلم صحصح شوي ضربته راشدي قوي وكتله
ليـال - وين چنت شنو هل دم تعرف سااعه كممم بـ2 بالليل شعنددك إميـرر
ظل ساكت دخلت سارة ونيـار لزمت الاسعاف وصرت اعقم جرحه كملت تشكرت من سارة وراحت سندناه اني ونيـار صعدناه لغرفته نومته وغطيته نيـار نامت يمه واني نمت بـ غرفتي ظليت حايره لازم باجر اقدم
__________________
كعدت الصبح دخلت سبحت لبست فستان نيلي شوي كصير وحلو عريض من تحت وضيك من فوك وفتحت شعري واخذت جنطتي والي احتاجهم رحت بـ تكسي ويه رجال كبير بالسن دخلت قدمت والحمدلله قبلوني طلعت ميتههه من الفـرح صرت اتشمى بطيء دكيت على إلينـور
ليـال - قبلووني فلذة اكبادي
إلينـور - هههه اني همممم وجج حتى ليـن
ليـال - الحمدلله والشڪر
إلينـور - خنسوي حفللةةة باجر
ليـال - ماكدر اجي اني باجر تاريخ وفاه ابويه فلذتي
إلينـور - عادي تتأجل يله لجج ديري بالج ؏ نفسچ
ضحكت بخفه وسديته منها صرت ادور بعيوني على تكسي حجي سمعت صوت ورايه
حجه بـ ابتسامه لعوبه
رجال - اوصلج
ليـال - دزيت عليك؟؟
رجال - هذيچ سيارتي
ليـال - لا شڪرا ماريد تسلم
صرت اتمشى
عـبرت ع سوبر ماركت
طبيت اشتريت مي وطلعت
أجرت تكسي ورجعت للـبيت
طبيـت سلمت ع امي
ليال : يمه صديقاتي باجر يجن يمي .
أم ليال : هله بيهن
ليال : صعدت فـوكَ افكر بـ حلمي الي راح ابـلش بي بعد باجر
مشه اليوم عادي نمت كعدت الصبح
سبحت ونزلت اكل
كملت وصعدت اتصلت ع بنات
ليال : فلذات كلبي انتن يله تعالن
الـينور ولين : شويه ونجي
ليال :طلعت فستان مائل ع سمائي لبسته ونزلت
ليال : ماما نازله للماركت اجيب كم شغله
رحـت ُ اتمـشى
طبيت للماركت اشتريت
كملت اجيت داطلع اجه ولد
اني اروح يمين هوه يجي اروح يسار يجي
ليال : خزرته شبيك !
_شبيج يولي اعبري من هينه
سوالي طريقٓ
رجعت شفت البنات موجودات
ليال : كتوكتي شلونج
الـينور : حبيبه گلبي الحمد لله
لين وين :
اليـنور : ويه خاله دتلف دولمه
ليال : كومي يمهم لعد
رحنه للمطبخ ولين وامي سوالف وضحك كعدنه نلف وياهن
ليال : كضيناه ضحك وسوالف
________
راحن البنات صعدت فوك بدلت صار الليل
سمعت الباب ديندك
نزلت جوه لكيت عمي وابنه محمد
ابـو محمـد : السلام عليكم
ليال : وعليكم السلام عمي تفضل
طب جوه كلبي لعب منه ميجي بس للمصلحه
حجت امي بـ نبرة خايفه كانها تعرف شحيكول
أم ليـال : خير ابـو محمـد صاير شي
ابـو محمـد: اجو خطابه على البنوات وانه اريدلهن الزين قبل الشين ووافقت
طفرت عطت بصوت عالي
ليال : وانت بـ اي حق توافق ؟؟
ابـو محمـد: بنت اخوي واريدله الخير
ليـال : لاخير ولا شي خيريش رحمه لدينك مدري من ضاربك هسه تذكرتنه
ابـو محمـد: شنو تضلن دايحات بال شوارع ماكدر اخلي بنات اخويه هيج
اذا مجبت شخص يستر عليجن
فور دمي جاوبته بـ نبرة هادئه
ليـال - عمي زواج مازوج وشتريد تسوي سوي ونيـار همين مننطي بـ اي حق جاي انت
بعدنه حبي نريد ندرس وهسه تذكرتنه عمو واذا معجبك الكلام
اشرت على الباب كعدت على صفحه بهدوء
كـلت هيج كام يباوع عليه بـ استهزاء ستوني يريد يضربني وكف كدامه ابنه ..
وكال ...
_________
يتبع..
توقعاتكم!!
أنت تقرأ
الدلهمس
Gizem / Gerilimفي وسط المدينه هنالك حظ عاثر تخرج من قاع وتدخل اخر أطلق سراحي وحرر قيودي فأنا كـ لفراشه لااتروض بين قبضتك ذئب ماكر وحشا كاسر ذو انياب ومخالب جارحه بقلمي أنا حمـامة🤎
