حب ام كراهية ~ LOVE OR HATE
الجزء الثاني من قصة ° الصحابات و مالين الطيماكس °
حصريا و بقلم لونا نينو ✏📙
_________________________________________
مرت اكثر من ثلاث سنوات على الحادث اللي تعرضت ليه البطلة ديالنا
ثلاث سنوات و هي غايبة على الواقع .... ثلاث سنوات و هي محصورة بين الحياة و الموت ممكن في اي لحظة تودع الدنيا
و لكن .... إرادتها و تعلقها بمرادها خلاها تحارب و تمسك بالثأر اللي خاصها تنفدو
أثناء هاد ثلاث سنوات تغير بزااف الحوايج في هبة بحيث انها ولى اللون ديال وجه شاحب نظرا لأن غدائها الوحيد هوما هادوك نقاط السيروم ... من غير عدم تعرضها لأشعة الشمس الشيء اللي خلى بشرتها البرونزية تفقد حيويتها
اما فيما يخص عائلة روكليفر فما زادت غير ازدهار على ازدهار تعرفات اكثر خصوصا بعد الحادثة اللي وقعات ... فنظركم واش عائلة روكليفر غادي تحافظ على حقيقة الأحداث بدون تزوير التفاصيل بطبيعة الحال اصلان ما يقبلش الشيء اللي خلى توقع بعد النزاعات بين أفراد العائلة
و لا عجب انكم كلكم كتسائلو على ميستر ليث و اش وقع ليه في هاد المدة و غادي نخيب ليكم الأمال ديالكم و غادي نقوليكم غادي تكتاشفو مع تسلسل الأحداث
اما فيما يخص عائلة بن شقرون فهم كايعيشو مدة حداد على هبة بحيث ان اميرة و ريان كانو غادي يتزوجو و لكن بعد الحادث ما قدروش و اجلوه و كذلك الامر بالنسبة للبنات و الدراري
اما ياسر فهو أكثر واحد عانى من بعد هبة منين خرج من داك الحادث و هو الحالة النفسية ديالو متقلبة كان بارد في التعامل ديالو دابا ولى أشبه بالجليد ولى غير غارق في الوراق و قلات الهضرة ديالو مع البشر
و كان اعلن خبر اللي قلب السوق السوداء كلها ... أعلن اعتزالو لتجارة المخدرات و مبادلة الأسلحة ... الشيء اللي خلاه يتعرض المحاولات اغتيال كثار و لكن الحمد الله كان زكرياء و أنور دائما معاه
و جميع هاد الأعمال اللي قام بيهم كان كايتمنى انه يوفي التضحية ديال هبة على امثل وجه
ياسمين و إلهام و خلود و هناء رجعو للمغرب بعد ما سمعو الأخبار في القنوات العالمية فاضطرو ينزلو للمغرب لاستلام عزاء الناس في هبة و هادشي اللي كان كايقطع قلب الأبطال ديالنا
لالة فخيتة من بعد سماعها بالحادث و هي مريضة صحتها تدهورت مقارنة على ما كانت عليه
اما غزل و سافانا فكانو مدمرين خصوصا فاش كايشوفو تصويرتهم الأخيرة معها ... هادشي نتج على خصام غزل و اصلان لدرجة طلب الطلاق من طرف غزل و لكن سافانا تدخلات و قدرات تصلح الأمور بيناتهم
و اخيرا وريثة عائلة ويفس الطبيبة ماريا ويفس اللي تقلبات ليها حياتها بسبب فعلة صغيرة من هبة و اللي كانت كافية باش تهدم جميع الأحلام الوردية اللي كانت بانية نتيجة عدم الاعتذار لهبة
___________________________
يتبع 😊💖
VOUS LISEZ
حب ام كراهية ~ LOVE OR HATE
Randomالجزء الثاني من قصة { الصحابات و مالين الطيماكس } بقلمي انا لونا نينو ✏📙 كنت وعدتكم اوريداتي انني غادي نكتب الجزء الثاني لهاد القصة و خليت النهاية مفتوحة و لكن دابا قررت نكمل القصة الآن غادي تكون مختالفة كل الاختلاف على الجزء الأول بزااف المشاعر غ...
