﴿ حب ام كراهية ~ love or hate ﴾
الجزء الثاني من قصة " الصحابات و مالين الطيماكس"
قصص مغربية 🎭✨
بقلمي انا لونا نينو 🖋️📒
__________________________________
دخلات هبة و ليث لقاعة الاجتماعات
جلس ليث و أشار لهبة باش تجلس حداه و داكشي اللي كان
جلسات هبة و طلعات عينيها لادريان اللي كان باين عليه مخلوع و لكن متبت راسو شاف فيها و هي تبتاسم ليه بمعنى ما غادي يكون غير الخير
و داكشي اللي كان دغيا رتاح و ركز مع كلام ليث
ليث شاف في هبة و شاف في الحضور ناطق بصرامة و بنبرة باردة
ليث : جمعتكم اليوم لهنا لغرض واحد او بلا تطوال الهضرة ادريان مدرب الفريق **** من سنوات ما عمرني ما سمعت عليه شي كلام ماشي في محلو خدمتو كايقوم بيها على اكمل وجه ما كايدخلش في الامور التافهة اللي كاتوقع في المعسكر هو اكيد كايستاهل مكافأة مميزة على غيرو من المدربين
ليث كان كايهضر و هبة متبعة ملامح الرولرز اللي باين انهم كانو كايتوعدو لادريان الويلات غير بسباب هاد الكلام اللي قال عليه ليث
ليث نطق بصرامة : من هنا القدام ادريان غادي يكون الخليفة ديالي في المعسكر و اللي عندو شي اعتراض يتفضل يقولو
هبة بتاسمات بهدوء و براحة و لعل واحد الرولر اللي ما عمرها ما تفهمت معاه و عندها عليه شي ضواسا سخن عليه راسو
الرولر : انا كانعارض اميستر ليث حيت كاين رولرز اللي قدم من ادريان هنا و باقين ما عمرهم ما ترقاو
هبة شافت فيه و جبدات الفردي ديالها حطاتو فوق الطبلة او ما قامتش بهاد الفعل غير عبثا بغات تفكر اللي في ديك القاعة بمكانتهم و شافت في ليث عاد باش نطقات بهدوء
هبة : رولر جيف نتا بالضبط ما عندكش حق تعطي وجهة النظر ديالك حيت الأخطاء و القوانين اللي مخالفهم داخل المعسكر كافيين باش تعدم وفق القانون المركزي و دستور روسيا لذلك سكت و بلا ما تحاول تشك في الحكمة ديال ميستر ليث في هاد الأمور حيت لا كنتي دابا عايش و كاتهضر معانا و كاتدافع على اللي فحالك راه بفضلو
الهضرة اللي قالت هبة طلعات ليه مع صبعو الصغير ولى لونو احمر و شاف في ميستر ليث اللي كان شاد الفردي في يديه و ملامح باردة مرسومة على وجهو
ناض ليث من بلاصتو و شاف في ادريان و ربت ليه على كتفو عاد باش ضار عند هبة هاد الأخيرة بتاسمات ليه و هو بادلها بأخرى جانبية
VOUS LISEZ
حب ام كراهية ~ LOVE OR HATE
Casualeالجزء الثاني من قصة { الصحابات و مالين الطيماكس } بقلمي انا لونا نينو ✏📙 كنت وعدتكم اوريداتي انني غادي نكتب الجزء الثاني لهاد القصة و خليت النهاية مفتوحة و لكن دابا قررت نكمل القصة الآن غادي تكون مختالفة كل الاختلاف على الجزء الأول بزااف المشاعر غ...
