Love or hate _ حب ام كراهية
قصص مغربية 🎭✨
الجزء الثاني من قصة " الصحابات و مالين الطيماكس"
بقلمي انا لونا نينو 🖋️📒
_________________________
صبح صباح جديد على ابطالنا
هبة فاقت و حلات عويناتها على اثر صوت الكلام في الغرفة دورات عينيها المصدر الصوت لقات غزل و سافانا جالسين و كيهضرو بتاسمات ليهم هبة و نطقات بصوت خافت
هبة : صباح الخير و الورد
غزل دارت عندها ملهوفة تسمع صوتها هي و سافانا ناضت عنقوها
ضحكات هبة بخفوت : هادشي كامل وحش الزينات ديالي
غزل : الله يا بنيتي الله شي نهار غادي تسكتي ليا القلب بزااف على المرض هذا راه شي حد مسمر ليك ابنيتي
سافانا : اويلي إماما خوي دوك الافكار من راسك السيدة مريضة و نتي كاتقولي ليها مسمرين ليك
غزل ضرباتها لراسها : سكتي اديك الجغلة انا اللي عارفة اش واقع في الدنيا إما نتي نهار و ما طالو و نتي حالة فمك في داك ادريان سولي ماماك و ما داز عليها في حر العيالات
هبة ضحكات من الودن الودن و نطقات بابتسامة بشوشة
هبة : انا متأكدة لخالتي غزل كون طلاقيتي مع ماما الله يرحمها و خالتي فخيتة كنتي غادي تفاهمي معاهم
غزل ربتات على يد هبة و نطقات بمزح : وا فتيحة كانعرفها و هاد فخيتة ما نعرف شكون هادي العفريتة ديما كاتهضري عليها و لكن عمرني سولتك عليها
هبة هزات عينيها للسقف و تفكرات ايامها مع ديك السيدة و ولدها اللي ما صرف فيها غير الخير ضحكات على هادوك الذكريات و شافت في غزل و غمزاتها
هبة : هادي خاصها واحد الجليسة ديال تبراد القلب لا بغيتيني نعاود ليك عليها الآلة غزل
غزل ضحكات : جاتك ابنيتي غير نرجعو للدار نعمر ليك شي دكة ديال تبراد القلب
هبة ضحكات حتى هي : يخلي ليك زينة الضحكة و الجلسة
سافانا ضربات بشعرها و نطقات بغيرة : هاديك شوفي الله يرحم ليك بيها الوالدين ما تعنبيش ليا على الواليدة
هبة ضحكات حتى مشات طرطق : هاي هاي على سافانا تشرملت علينا ... ما تبقايش ابنيتي تجلسي مع ادريان بزاااف راه غادي يخرجك الطريق هو و فيليب ياك او لالا اخالتي غزل
VOUS LISEZ
حب ام كراهية ~ LOVE OR HATE
Randomالجزء الثاني من قصة { الصحابات و مالين الطيماكس } بقلمي انا لونا نينو ✏📙 كنت وعدتكم اوريداتي انني غادي نكتب الجزء الثاني لهاد القصة و خليت النهاية مفتوحة و لكن دابا قررت نكمل القصة الآن غادي تكون مختالفة كل الاختلاف على الجزء الأول بزااف المشاعر غ...
