حب ام كراهية ~ LOVE OR HATE

part 22 _ ابــنــة قــلــبــي ✨🤍

﴿ حب ام كراهية ~ LOVE OR HATE ﴾
الجزء الثاني من قصة الوقوع في ابتسامتك ✨🌷
< الصحابات و مالين الطيماكس>
قصص مغربية 🎭✨
بقلمي انا لونا نينو 🖋️📒
_____________________________________

هزات هبة عينيها فيه و نطقات بعصبية

هبة : صباح الله على مناظر مصبحين عليهم مالك اخويا ياك لباس

شاف فيها و بدا كايقرب لجهتها ما تحركاتش

هو : الزين صافا عليك ما توحشتينيش

هبة ضحكات بسخرية : توحشك الموت الموسخ خوي عليا الطريق قبل ما نبرد فيك حرة البالي و الجديد

هو جاوبها باستهزاء : زعما غادي تكوني نسيتيني و نسيتي ما عشتي معايا

هبة خنزرات فيه و دفعاتو: اش عشت معاك المرار و قلة الحيلة المرض اش عشت معاك اشكيب شوف غادي نقول ليك زوج كلمات سير قلب طريقك على طريقي و لا قسما برب الكعبة حتى نصفيها ليك يله

شكيب ضحك بهستيرية : اوووه المشيشة كبرات و يصحاب ليها ولات لبؤة ... طلعي و لا تنزلي غادي تبقاي هبة اللي كانت كاتموت عليا و باغا غير كلمة مني

هبة شافت في ديك التقدية اللي في يدها حطاتها في واحد القنت و ضارت لجهتو داخلة فيه براس تلفاتو على القبلة

هبة شانقة عليه : اش يسحاب لجدك هادي اللي واقفة قدامك هضر الموسخ المعفون شكون اللي باغي كلمة منك شكون دوي اولد الشيخة هضر ااا ماشي نتا اللي كنتي تابعني من قنت القنت كيف الكلب باغيني غير نشوف و انا هاد عبد ربي اللي قدامك فاش عطيتك وقت و هضر مع شماتة فحالك بديتي كاترجل عليا و مشيتي عند بنت الشيخة بحالك الدم كايحن اولدي شكيب الشياطة كايمشي عند الشياطة و نتا بالضبط و ياك تضور بساحتي

شكيب تقاد و شاف ليها في عينيها و نطق بتخوف: نتي ماشي هبة اللي عرفت و عاشرت نتي ماشي هي هاديك البنت اللي كانت بريئة و الكلمة ما تقدرش تخرجها من فمها

هبة قاطعاتو بصراخ : هاديك هبة تدفنات هنا تدفنات بسبابك و بسباب بزااف ديال الشمايت اللي ما كايسواوش حتى النعالة ديالها ... يله ضور 180 درجة و قيلني عليك و سير عند الشيخة ديالك يله سير الله يسهل عليك

شكيب شاف فيها و ضار راجع منين جاي

هبة رجعات شعرها لورا ودنيها و هزات التقدية راجعة لدراها

لقات البنات فايقين جمعو الدار و غسلو المواعين و فيقو صوفيا

حلات الباب داخلة بابتسامة