حب ام كراهية ~ LOVE OR HATE

part 5 _ ديني لا يسمح لي

LOVE OR HATE ~  حب ان كراهية 
" الجزء الثاني من قصة الصحابات و مالين الطيماكس "
قصص مغربية 🎭✨
بقلمي انا لونا نينو 📙✏
__________________________

هبة يله ناوية تنوض سمعات صوت كايآمرها باش تجلس

هزات هبة عينيها في ليث حتى تلاقاو عينيهم أو نطقات بنبرة ساخرة

هبة : قالو ليا انه ممنوع على العيالات يدخلو لبيتك ياك أو لالا ؟!!

ليث ركز فيها نظراتو

ليث : و لكن نتي ماشي منهم !!

هبة هزات حاجب و نزلات لاخر ما هضرت ما تكلمت حتى بأن ليها غادي يمشي يجبد قرعة ديال الشراب من واحد الثلاجة عندو ما حساتش براسها حتى نطقت بنبرة آمرة

هبة : وقف !!!

ليث ضار عندها و علامات الاستغراب كاسية وجهو

هبة : ايلا بغيتيني نجلس هنا ما تشربش و انا هنا منين تمشي دير اللي بغيتي ما ندخلش فيك

ليث اول مرة غادي يسول

ليث : أو السبب

هبة : ديني لا يسمح لي

ليث بقى في صراع باش يتحداها و لا يدير بالناقص

مشى خدا سيجار ديالو كماه في البالكون و هبة ناضت كاتضور في داك البيت كان كبير أو كبير بزااف

بانو ليها تصاورو فاش كان باقي صغير كان كايتمتع بنفس الكاراكاتير ديالو غير هو كانت فيه شويا ديال البراءة على دابا

زادت دخلات شويا بأن ليها واحد السبورة ملصقين فيها تصاور ديال شي وحدين عليهم امارة ديال المجرمين أو واحد اللي لفت انتباه هبة و خلى ذاكرتها ترجع بيها لشي حوايج اللي حاولت تنساهم و لكن ما قدراتش رجعات بيها ذاكرتها لأسيرها و لقاتل الأم ديالها و اللي هو السباب في هادشي اللي وصلات ليه دابا

حققات في الصورة مزيان أو كل ما كاتزيد تركز في الملامح كاتلقاه هو و من غيره " بيدرو "

هبة شتات كاع داكشي اللي في البيرو و دخلات في حالة هيستيرية تفكرات فاش كان كايجي كل ليلة مقرقب أو كانت ديك الساعة مغلوبة على أمرها ما كاتلقى ما تدير إلا تمشي تسد عليها في الحمام و تبات فيه و لا فاش كانت كاتعاقب بأنها تبات في واحد البيت مضلم كلو فيران و لا فاش كل حفلة كا تكون عندو لي دارو كايرغمها انها تكون خادمة ديالو
و الأهم فاش حرق ماماها قدام عينيها