حب ام كراهية ~ LOVE OR HATE

part 23 _ مـحـاولـة اغــتــيــال عــشــق الــزعــيــم

﴿ حب ام كراهية ~ LOVE OR HATE ﴾
الجزء الثاني من قصة الوقوع في ابتسامتك ✨🌷
< الصحابات و مالين الطيماكس >
قصص مغربية 🎭 ✨
بقلمي انا لونا نينو 🖋️ 📒
___________________________________

هبة كانت كاتمشى و ليلي في جنبها نطقات ليلى بواحد السؤال اللي خلى هبة تشوف فيها باستغراب

ليلى بهدوء : واش باقا كاتبغيه ؟!!

هبة هزات حاجبها باستغراب: شكون أ ليلى ؟!!

ليلى ضورات نضرتها ليها : راجلي اهبة ياسر راجلي

هبة بتاسمات فاش شافت نظرتها و النبرة باش كاتهضر معاها عرفات بلي اليوم شي واحد غادي يموت

هبة تمشات حتى رجليها لامسو مياه البحر و نطقات بنبرة هادئة

هبة : بغيتو شحال هادي و كان هو كلشي في قلبي و لكن مات مع داك القلب اللي دفنتو فاش بغيت ننقذ حياة راجلك

ليلى تعصبات فاش نطقات هبة ديك الجملة الأخيرة: شكون اللي قالك نقديه ما تحاوليش ترغميه بأي حاجة غير حيت تقذتي حياتو ما نسمحش ليك اهبة

هبة شافت فيها و قصحات ملامحها : اولا تنزلي يديك او وياك تآمريني انا ماشي عبدة عندك ... ثانيا ياسر ما بقات كاتربطني بيه حتى شي علاقة من غير الأخوة او انه ولد خالتي صافي و لا كنتي مريضة بشي حاجة سيري تعالجي عليها .... هدا كلامي و ما نعاودو شي

ليلى بدات كاتبكي و كاتغوت على هبة : ايلا كان هادشي بصااح اللي كاتقولي ... علاش اول ليلة لينا قبل زواجنا كان كاينده باسمك نتي علاااش ... كان خاصني ندير اي حاجة غير باش نحمل منو و يتزوج بيا ... طيحت من كرامتي غير حيت بغيتو ... انا ليلى اللي كان كلشي كيتسنى غير كلمة مني ... وليت منزلة من نفسي غير باش يشوف فيا

هبة شافتها بحال هاكداك ضرها قلبها على حالها دخلات عندها في البحر و يله غادي تعنقها و تواسيها

شداتها ليلى من شعرها و غرقاتها

_________________________________

نرجعو للبحر كانو البنات لبسو حوايج الخروج و غسلو حالتهم من الرملة و ليث معدل نضاضر و هاز صوفيا كايشوف في البحر خاطرو ما مرتاحش و لكن ما بغاش يتسرع

اما واحد ياسر اللي كان هاز بنتو و كايلعب بيها و لكن حتى هو عينيه في البحر حيت عارف مراتو اش كاتسوى ما مرتاحش فعلى كل حال ياسر راه معروف بخفة البديهة ديالو