حب ام كراهية ~ LOVE OR HATE

part 20 _ انـــكــســار

﴿ حب ام كراهية ~ LOVE OR HATE ﴾
الجزء الثاني من قصة الوقوع في ابتسامتك ✨🌷
" الصحابات و مالين الطيماكس"
قصص مغربية 🎭✨
بقلمي انا لونا نينو 🖋️📒

____________________________________

هبة طلبات من الكارد يعاونوها باش تدخل وئام

قادات ليها بلاصتها و دارت ليها الريحة و جلسات حداها كاتسناها تفيق

صوفيا هضرات بنبرة باكية: ماما مال خالتي مريضة ؟!!

هبة جرات صوفيا لحضنها بايسة ليها رأسها: لا ما كاين والو غير طاح ليها السكر شويا تفيق ما تخافيش الغزالة ديالي

بدات وئام كاتحل عينيها و راسها كايحرقها شافت في هبة و في صوفيا مركزة فيهم عاد باش الاخت على هبة معنقاها و كاتبكي

وئام كاتنخصص : هبتي توحشتك بزااف علاش مشيتي و خليتينا بوحدنا ياك واعدتيني عمرنا نتفارقو علاش درتي نتي بحال هاكداك علاش هربتي جاوبيني

هبة تنهدات تنهيدة حارة و شافت في وئام ناطقة بحسرة: سمحيلي ابنت قلبي ما صبت ليكم جهد قصتي قصة و ما تبغيهاش لعدوك و لا حيت نعاودليك سبع ليالي ما تكفانيش داكشي علاش خلي حتى لمرة أخرى و نعاود ليكم كاملين

وئام حركات ليها راسها بواخا و مسحات دموعها شافت في البنيتة هاد الأخيرة اللي بتاسمات ليها

صوفيا : خالتي ما تبقايش تبكي نتي زوينة

هبة ضحكات على كلام صوفيا و نظرة وئام اللي ما فهمت والو

جرات هبة صوفيا جلساتها فوق حجرها و شافت في وئام ترجمات ليها

هبة: قالت الآلة وئام ما تبكيش اخالتي نتي زوينة بزااف

وئام بدات كاتضحك و تمسح في دموعها كيف الحمقة

تلاحت على صوفيا ببوسة خارجة من القلب

وئام: نتي اللي زوينة الغزالة ديالي

هبة شافت في وئام او نطقات بشك : وئام منين كنتي جاية داركم من الدرب الآخر

وئام تنهدات: كنت عند أميرة مريضة بزاااف و واقعين ليها بزااف ديال المشاكيل مع ريان

هبة جمعات تخنزيرتها : علاش مالو معاها

وئام جلسات مربعة و بدات كاتشرح ليها : اختي قالك ريان ما بقاش قادر يصبر حتى هو بغى يتزوج و يدير دارو قالك اربع سنين و هو صابر اما أميرة فما بغاتش تزوج حتى تكوني نتي بجنبها او في نفس ما ساخياش بريان حيت كاتموت عليه و نتي عارفة هادشي