حب ام كراهية ~ LOVE OR HATE

part 2 _ رجوع من حافة الهاوية

LOVE OR HATE ~ حب ام كراهية
الجزء الثاني من قصة ° الصحابات و مالين الطيماكس °
حصريا و بقلم لونا نينو 📙✏
_______________________________________

في قصر عائلة روكليفر كل أفراد هاد الأخيرة بصغيرهم بكبيرهم كلشي جالس في ديك الطبلة كايتسناو في اصلان و ليث ينزلو عاد باش يقدرو ديك الساعة تخطر في بالهم فكرة انهم يفطرو

خلال هاد ثلاث سنوات اشتدت القواعد خصوصا بعدما تولى ليث كلشي كايخص امبراطورية روكليفر أو ولى هو المشرف الرئيسي على كلشي

اما سي اصلان فبدأت صحتو كاتنقص و مع ذلك مزال هو هو داك الشر اللي فيه ما نقصش ولو بواحد في المئة

نزل ليث بالطقم ديالو و البراسلي في يدو كايدل على المكانة ديالو لا في القصر و لا خارجو و ما ننساوش المسدس ديالو أو المسمى بالصديق الصدوق

جلس بكامل فخامتو مترأس الطاولة و اصلان بالجانب ديالو جالس على الكرسي المتحرك و حاط على رجليه غطاء من الحرير الخالص في اللون الأحمر

بداو الماكلة في صمت ما كاينش حس الدبانة كاتزنزن

ناضت لالة غزل من المقعد ديالها بالحلة التقليدية ديالها و الحلي ديالها قررات من وراء الحادثة اللي وقعات انها غادي تعيش حياتها ما تتقيد بحتى حد و حتى شي واحد ما يوريها اش تقول و لا اش تلبس و هادشي كانت ناضت عليه مشكيلة مع زوجات باقي أفراد العائلة و لكن كيف سبق قلت غزل انسانة عندها نسب عالمي و ما كاينش اللي ما كيحتارمهاش

توجهات عند اصلان غادة بيه المكتب ديالو اما ليث فسالى حتى هو ناض يشوف شغالو و كذلك الأمر بالنسبة لكلشي

_______________________________

نمشيو لموطن الصدق و رحابة الصدر و الحفاوة نمشيو للمغرب و بالضبط للدار البيضاء

جالسة لالة فخيتة كاتكب في أتاي و اولادها ضايرين بيها و لكن واحد اللي كان على الرغم من أنه حاضر إلا أن العقل غايب و هادشي ولى معدب يمااه بزااف ما قدرت تصبر أو وجهات ليه السؤال مباشرة

فخيتة ربتات على كتف ولدها و نبسات بنبرة حنونة : ياسر ولدي اش شاغل بالك