الجزء الثاني من قصة { الصحابات و مالين الطيماكس } بقلمي انا لونا نينو ✏📙
كنت وعدتكم اوريداتي انني غادي نكتب الجزء الثاني لهاد القصة و خليت النهاية مفتوحة و لكن دابا قررت نكمل
القصة الآن غادي تكون مختالفة كل الاختلاف على الجزء الأول بزااف المشاعر غ...
حب ام كراهية ~ Love or hate الجزء الثاني من قصة " الصحابات و مالين الطيماكس " قصص مغربية 🎭✨ بقلمي انا لونا نينو 🖋️📒
_____________________________
صباح جديد على عائلة روكليفر باحداث متنوعة و مختلفة على اللي قبل منها
فاقت هبة على اثر صوت الخادمة بأنه وقت الاستيقاظ باش تقدر تلتاحق بمائدة الفطور
همهمات ليها هبة براسها و ناضت الحمام دوشات عليها حيدات داك التعب عاد باش خرجات
ختارت حوايجها دارت ميكاب خفيف و خلات شعرها على راحتو دارت الريحة المفضلة ديالها " libre " شافت راسها في المراية و ركزات على السلسال في عنقها بتاسمات بشر على اش ناوية تدير
و في الأخير تأكدات من المظهر ديالها و هزات الملفات ديال المتدربين و المسدس عاد باش التاحقات بالطبلة بكامل اناقتها الفاتنة
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ألقت السلام على الجميع و جلسات في الكرسي اللي حدا ليث بتاسمات ليه بهدوء او هو كذلك رد عليها بشبح ابتسامة
بداو كياكلو في هدوء و لكن هبة قطعات هاد الهدوء او وجهات هضرتها ليث
هبة : ميستر ليث بخصوص المعسكر تقريبا في وقت الظهيرة مباشرة غادي نمشي
ليث رفع نظره ليها و شاف الاصرار اللي في عينيها لذلك سرعان ما وافق
ليث : غادي تمشي مع السائق
هبة اومأت : ماشي موشكيل
رجعو كياكلو في صمت حتى ناض ليث مشى شاف شغلو و هبة حتى هي ناضت و توجهات نيشان لحرم النساء جلسات
شوية بشويا بداو كايتجمعو و هبة حاضية كل وحدة و كيف كاتدير للمشية و شي كايمضغ المسكة بشكل مقرف او مواضيعهم تافهة فحالهم اما البنيتات الصغار او الوليدات اللي فهاد العائلة فراه كيعانيو من التعنيف بشكل مفرط
هبة بقات كتشوف او كاتحلل او خرجت بعدة قرارات اللي متأكدة غادي تنوض على اثرها ثورة من طرف افراد العائلة نساء و رجال و لكن واش هي كاتخاف اكيد لا خدمتها خاصها تديرها على اتم وجه
توجهات خارجة من داك الحرم او مخلية كلشي في يد سافانا حيت عارفاها تقدر على المسؤولية
بان ليها السائق عند باب القصر كايتسنى كان رجل كبير في العمر بتاسمات ليه هبة و نطقات بنبرة دافئة
