أسماء عدات الصيف الكل تخدم في بوتيك متع دبش و كل مرة تطل على أمها لطيفة أما هي و هدى شيخوها خرجات حست روحها تقوت بهدى ولت مرا قوية كملت عطلة الصيف و وقيت بش يرجعو يقراو نظمت وراقها متع الفاك و رجعت
-ياهدهود شنيا هالفاك هاذي مكبرها يااا ملا جو
-إمشي و هبط عينيك لتطيح شو راو مانهزك نقوم نضحك عليك هههه
صار الوقت ومشات كل وحدة شدت كلاسها
بعد ماكملو حصص الصباح مشاو للكافيتيريا بش يشربو حاجة وهي هكاكا شادة كاس القهوة وتتضرب في راجل طويل من كثرة ماهو طويل هزت راسها برشا بش تشوف وجهو (أسماء وهي تمتم :ياميمتي مشبو شنوا الزين هذا مشاءالله)
-تي حل عينيك ااووف هكا الررووب نقرا بيها مبااعدد
-هههه وين بش نشوفك بربي ياسر قصيرة راك وزيد إنت غالطة ههه
-لا ياشسمك مانيش غالطة إنت غالط
-إحترم روحك عيشك عندي إسم إسمي أمين
-شهمني فيك أمين ولا تنين وعلاه نحترم روحي لقيتني نسب فيك؟؟؟
أمين تنرفز كفاه طيحتلو قدرو قدام لعباد شدها من يدها و كبس عليها و قلها
- شو يافقسة أنا إحترمتك نرمالمون تحترمني حتى إنت
أسماء وهي تبكي -تي سيبني وجعتني
بقا مركز في وجها قداه محلاها وهي تبكي فاق علا روحو و سيبها و مشا
مشات أسماء غسلت القهوة من روبتها ورجعت بحذا هدى
-يامهبولة شبيك حكيت هكاكا مع سي أمين
-سي أميينن؟؟!!
-اي أذاكا بروف يقري في الفاك متاعنا و نتصورك تطيع عندو السنا
-ياحليللليييي ياهدى أختي ماقتلي خييرر💔🙂
-إن شاءالله ماتطيحش عندو برك والله مايبهذل بحالتك
-إن شاءالله🙂
-ووو أياقووم يابنتي ماعادش بكري
