-آلو سي الز** وينك حاجتي بيك
-شبي ر** بلاهي أخطاني بهاء لفيا مكفيني
-صاحبي عندي مانقلك
-شنية بالك سي علاء أنا هوني تي برا فك على ز**
-اوووو تي شنوا عاد توا بش تسمعني ولا؟؟!!!!
-باهي تكلم
-باهي أنا حاس روحي تبدلت ياعشيري من هاك الليلة و أنا نحلم بيها و نخمم فيها توا 5شهور نتبع فيها من بلاصة لبلاصة أما خايف لنقلها
-شكون؟؟هدى!!!
-اي مالا فما غيرها؟؟
-ههههه تفدلك بهاء؟ ياخي نسيت شقلتلها كفاه تحب الطفلة تتلفتلك
-تي شبي ر** طيحلي فالمورال اي نجرب أنا شخاسر
-جرب ياخويا جرب أما مافهمتش أنا شنوا مطلوب مني؟
-إنت مطلوب منك تعطيني نمروها وتقنع أسماء لأنا ناوي على الخير خاطر هدى و أسماء ليقولوه هوما لبعضهم أذاكا هو
-أوكي صاحبك راجل و ربي معاك هههه
علق أمين على بهاء منا وبقا يخمم حتا هو قداش بش يبقى يستنى في أسماء لين تعترفلو علاش مايبداش هو بالك حتى هي تستنى فيه بالك حتى هي تحبو برشا
-آلو أسوم
-صباح النور أمين وينك سفا
-سفا وينك إنت
-الحمدلله
-شو أسماء أنا نحب نقلك حكاية
-إن شاءالله خير
حكالها أمين علي قالهولو بهاء وأقنعها لهو ناوي على الخير هي ماللول كيكست شوية أما قالت بالك راه تبدل وزيد صاحبتها سامحتو
-باهي أمين قلو يحكي معاها كان قالت لا تو نقنعها أنا و تو نعمل روحي ما فيباليش
-أوكي أسوم هي بون جورني
في الفاك
-عسلامة
-آلو شكون معايا
-بهاء ولد خالة أمين
-اااا تفضل شتحب
-نحب نحكي معاك في موضوع و مذابيا كان نتقابلو في بلاصة و نحكو على راحتنا
-شنوا تحب تحكي معايا شبيناتنا؟
-تو كيف تجي تعرف
-باهي وين
-في قهوة**** مع 19 تكون غادي
-أوكي باي
أمين خمم في فكرة باهية إنو يتقدم لأسماء على البحر أحسن بلاصة تحبها كلم صاحبو بش يريڨلو الأمور
أما أسماء مشات تطل على أمها لطيفة هي دخلت و تلقاهل تكلم في تيم كام جات بش ترجع ياخي حبستها لطيفة
-أسماء بنتي وينك يا ميمة شبيك راجعة أدخل
-صباح الخير أمي أنا لباس وينك إنت
-بنيتي مدام جيتني أكيد بش نكون لباس و زيد تيم ولدي الجمعة الجاية بش يجي
تيم-أمي؟ يا أمي ؟ تي مع شكون تحكي
-مع أسماء يا وليدي
هو سمع إسمها و قلبو دق 360 درجة قداه ليه ماسمعش صوتها و ماراهاش قداشو مش راجل خسر مرا كيفها
-وينك أسماء لباس
-أسماء سمعاتو و طلت مالكام متع ماعينهاش و جاوبتو -لباس وينك إنت
-الحمدلله
مزال بش يحكي و هي بعدت قداه توحشها كيف راها فرح برشا علق التاليفون بش يحكو على راحتهم
أسماء روحت كان العشية من بحذا لطيفة هي كانت بش تزيد تقعد أما أمين كلمها قلها روح حاجتي بيك
روحت أسماء مع 19 تلقا أمين يستنا فيها
-فين كنت؟
-كنت نعمل في دورة قلقت
أمين عارفها كانت بحذا لطيفة أم طليقها أما ماحبش يفسد الليلة
-هيا أركب هي
-وين ماشين؟
-إمشي أركب تو تعرف
