خرج و ماحب يحكي حتى كلمة خاطرو عارف روحو غلط غلطة كبيرة تيم بعد ماخرج حب يتبع أسماء يشوفها وين تمشي زيدش تعمل سبة في روحها خرج لقاها خذات تاكسي بقا يتبع فيها لين لقاها مشات للبحر هو زادة يعرف للبحر أحسن بلاصة عند أسماء بقا يشوف فيها قاعدة على الشط -ااااه ياتيم كفاه ماحمدتش ربي على النعمة لكانت عندك صحيتك توا هوينها تكرهك وبش تعرس و إنت أبقا هكاك عيش كالكلب وحدك كفاه خلااك قلبك تعمل كيف هكا عذبتها في حياتها و حرمتها مالفرحة كفااه أسماء شمعة و أنا لطفيتها وأنا لازم نعاود نشعلها أما أنا الط*** خليت غيري يقربها و يشعلها و يخليها تحبو 4سنين يا ز** ماحبتنيش و هو في أقل من عام حبتو
هو هكاك يحكي وحدو و يشوف فيها حالة يديها و داخلة للبحر تفجع عليها خاف لتغرق و زيد يعرفها تعرفش تعوم مشى يجري دخل شدها من حزامها يخرج فيها وهي تبكي و تضرب فيه -سيييبنننيي سيييبننييي إنت السببب إنتتت السسببب علااه شععمتتلكك تعملل فيا هككاا عللاهه وين نقول نسيتك و نسيت عمايلكك و عذاببك تعاود تقتلنيي علاه
قاعدة تببكيي و هو ماحب يقول شي لين حست روحها داخت ترمات عليه و هو حملها و خرجها حطها في الكرهبة و هي قاعدة تهتري و تقوول -إنت السبب نكررهكك نككرهكك
-شو أسماء أنا عارف روحي غالط و نعرف لإنت ماكش بش تسامحني و حتى أنا مش مسامح روحي و نوعدك ماليوم ماعادش ترا منظري و ماعادش نقلقك أما والله يا أسماء بش ترجع لكلامي نهار أخر و عرف لمفما حتى راجل في الدنيا هاذي حبك قدي أنا إنت قتلي راك مرييض اي نعم أنا مرييض بيك إنت تعرف عام في إيطاليا ماقربت لحتى مرا فكرت إني نقرب ولا نشوف مرا غيرك تقززني أسماء راني ماعادش نشوف بلا بيك عينيا ظلمة أما الله غالب صار لصار توا و إنت عاودت حياتك عندك حق (قاعد يحكي وأسماء شبه دايخة مش تسمع فيه)
كمل كلامو وباسها بوسة خفيفة من جبينها و خطف الكرهبة و مشى لدار بوها حل الباب ودخل حطها فوق السرير و بدللها حوايجها و بقا يحوم على إسم أمين لين لقاها مقيدتو "حبي" بعثلو مساج ( حبي هاني ر وحت للدار تاعبة برشا نحب نرتاح تو غدوا نحكيو) باسها بوسة أخيرة و بقا يتأمل فيها شوي لين هبطت دمعتو اي نعم تيم الجماعي بكى ثاني مرة في حياتو بعد موت بوه و خوه و خرج بالطبيعة عدا اليل الكل قدام الدار يعس عليها
بعد 3أيام : اليوم حنة أمين و أسماء الناس الكل فرحانين حتى أسماء مع التحضيرات و القضيات نسات شوي لحكاية لصارت بينها و بين تيم أمين حس لأسماء بيها حاجة أما طفا الضو ماحبش يفسد فرحتهم اليوم في دار بن عمار تسمع كان الزغاريط أسماء لبست قفطان أحمر يهببل و فيه زينة على الدوري و غطاولها شعرها بفولار روج و مع مكياج سامبل خرجت عروسة تفتق لطيفة دوب ماشافتها تحضنتها و قامت تبكي مدتلها فلوس
-هاذم مايجوش قد زينك يابنيتي يزي ياماما ماعادش تبكي أمسح دموعك هاني أنا موش أمك و أكيد راهي فارحتلك حتى هي ياميما❤️❤️❤️
-يعيشك يامي أما تمنيت كان جات معايا في نهار كيف هكا الله يرحمهم ❤️❤️
جات أم أمين فرحانة بكنتها و جابت الحناية معاها و دورت لبنات بيها (صاحباتها في الفاك و معاهم هدى)
و بداو يغنيو و يحنو و يحرقسو أسماء قالت للحناية تكتبلها إسم أمين في ضهرها من تالي حاصيلو جاتها حنة تهبل و الحرقوس زادة زادو فيهم الشطر
-وريريريريري مشاءالله على كنتي ربي يحفظك يابنيتي سعدودي بيها❤️❤️❤️
أمين قاعد في الجردة عامل سهرية هو و بهاء و أصحابو و تلامذتو في الفاك الناس الكل تحبو أكيد بش يحضرولو
-اااا صاحبي نهير و تخلط على خوك هههههه
-أنا صاحبي جربت قبل إبكي إنت على همك مزال يصير فيك هههه
-تو قلنا مسيو العرس باهي ولا هههه
-هههه باهي و خايب كيما يقولو حلو و مر لين يوفا لعمر
-معناها ماتقليش ياأمين أنا و هدى بش نشوفو المر
- ههه وي و بش تذوقك هي منو هههههه
