-شو أسماء ديزولي علي صار فالكافيتيريا و الكلاس الله غالب نرفزتني قلبي مش أكحل راو هههه
-عادي مسيو ما صار شي حتى إنت سامحني على لكلام لقلتهولك
-سماح كهو مالا توو متعادلين هههه
وصلها لدار وبقا يشيع فيها بعينيه لين وصلت للباب ومشا
-يااا هددددى ياهدهههدد وييننكك
-هااا نعم هاني هوني شبي عزاك
-طلع شكون روح بيا توا و طلب مني السماح ههههه
-شكون ههه
-أميين😹
-شنواا؟!! أمين لبروف؟؟
-اي ههههه أمين لبروف
-يقوا عليك ربي ياطفلة جبتو للثنية في جمعة هههه
-يا هدهد راو كان تشوف مسابو لعزا ذبت كي طلب مني السماح غزرتو تقتل و ضحكتو تهبل😻
-اااييي اااييي فاش تحكي ياطفلة أعمل عقلك هههه كبير عليك راه
-علاه قداه عمرو
-32سنة
-عادي هههه أما 32 معرس ولا؟
-قالو عرس قبل 5سنين لتالي و مرتو توفات بعد جمعتين من عرسهم في أكسيدون
-ووو مسكين زح ماقتلي خير
-فاك كاملة مضروبين فيه قعدت كان إنتي ههههه
-خير من هكا الط*** لكنت ماخذاتو
-ووو يزي عاد عزيزتي نكذبو على بعضنا صحيح أمين مزيان أما تيم أشب لحق
-ريح السد مايرد وجه القرضة
من غدوة(أحد) خرجت هدى تطل على جدتها (هدى كانت تعيش مع عايلتها أما ملي رجعت أسماء قالت لأمها وبوها لهي ماتحبهاش تبقى وحدها تعرفها تخاف وافقو أما جدتها تطل عليها ديما خاطرها مرا كبيرة و زيد تسكن وحدها) أما أسماء هزت رواية أرض زيكولا و مشات للبحر أكثر بلاصة ترتاح فيها هي هكاكا تقرا و عايشة مع لحكاية و الشخصيات لين تحس كان براجل قعد بحذاها تلفتت تلقاه أمين فرح من داخل
