هما أكاكا و يخرجو النساء يزغرطو و معاهم أسماء تلفتو الرجال الكل بهاء بقا يشوف في زين مريتو بالحنة و الحرقوس أما أمينن حاجة أخرى مش منجم يهبط عينيه من على أسماء منين تجيب فيه هالزين هذا الكل كل يوم تحلا أكثر وأكثر❤️❤️ بقاو يشطحو ليين تعبو لطيفة سهرية كاملة تتحسر على بنتها و كنتها لكيف الوردة لضاعة من بين يديها هي تعرف لتيم يموت على أسماء و يعشقها أما الله غالب ماعرفش قيمة النعمة لين ربي رزاه فيها وفات السهرية بهاء روح بعروستو حتى هوما ماليهمش جمعة ملي عرسو و لبنات و لولاد صحابهم زادة روحو كيف كيف حتى لطيفو و أم أمين تعاون في البون بش يلمو الحوسة أما أمين وأسماء قاعدين على كراسي قدام البيسين و يتفرجو على بعضهم تقول يحفضو في ملامح بعضهم أمين قربل لأسماء ووشوشلها في وذنها -راك هبلتني أسومتي هاني قاعد نستنا في ليلة غدوة بالدقيقة و الدرج🔥❤️😍
-أميين يزيي🤭
-هههه ااوووو ديزولي نسيت لإنت حشامة برو ماكس أما تو تتنحى حبيبي ماتخافش ههههه
-أمين
-ياروحو
-توعدني ماتخلينيش مهما يصير
-ياعمري علاه لكلام هذا توا بالطبيعة عمري مانخليك كان خليتك أعرف لإنا مش راجل و عمري ماحبيتك ❤️
-وأنا زادة ماعمري مانسلم فيك💗
أمين تعرف شنوا شاهية ههههه
-شنوا حبي موال بكري على لوحم هههههه
(أسماء وجعتها هاك الكلمة و غايضها أمين مش منجمة تقلو لهي ماتجيبش صغار أو بالأحرى مش حابة تخسرو عداتها بضحكة و جاوبتو ) -تي يزي بلا مساطة ههههه أنا شاهية لڨلاس و لفلفول🙂❤️
-ههههه هذا لبيك هوا (مزالت تحكي و يخطفها من يدها بجلبابها بحنتها بكلها و يطلعها في الكرهبة و يديماري)
-أميين يا مهبوول ويييين هازنيي هههههه
-هههه شنيا حبي تشتهي الفلفول و الڨلاس و مانجيبلهاش قداش عندي منك أنا هههههه
حلو لغنا على قوتو وحللها أمين الكرهبة من فوق و بقات كان شعرها يطير تتمايل و تغني و هو شايخ عليها❤️
كملو خذاو لفلفول و لڨلاس و منشاو قعدو في جردة متع كوبلووات -هي تاكل أمونتي
-من يديك إنت ناكل ياروحي
هي قربتلو لفلفول لفمو و هو حلو و مباعد رخت بيه و كلاتها و بدات تضحك هههه و هو باهت فيها قداشها صغرونة هالطفلة و مزيانة مباعد بدات تاكل في الڨلاس مسخت فمها -حبيبي أمسح فمك مسختو
-منين😯
-من هوني لا أمسح من غادي
مافهمتش منين لين قرب منها وباسها بوسة قريبة من شفايفها - منا حبيبي🤤
و زاد قرب و باسها من شفايفها بوسة خفيفة كلها حنية -ومنا زاده🔥❤️
أسماء بقات باهتة حالة فمها و حاشمة بش تموت مالحشمة مانجمتش تتحرك ولا حتى تصودو خدرها بلمساتو و بحنيتو -أمين يزي أمان😳
-شنوا ياروحي غدوا ليلتنا ما فيها شي كان خذيت بوسة خفيفة ليلة تهنى يا حبي مانيش بش نطدلب منك حاجة أخرى و مش بش نلزك زادة❤️❤️
-باهي هي نروحو أمونتي
-أمين حسها حشمت و تقلقت ماحب يقلها شي قالها باهي و روح بيها
**********
-شنوا بوص صاي بش تسلم الضعف مش لينا
-كهو يا إسماعيل قلبي نعفس عليه مدام هي فرحانة و متهنية مدام أنا زادة فرحان
-نعرف كلام هذا مش من قلبك
-ههههه قلبي؟ قلبي مات ملي ماتو بابا و خويا و كمل توا مات كيف مشات لمرا لنحبها
إسماعيل مسخفو عرفو و عشيرو و صاحبو و حابب يلقا حل أما تيم مش مخليه
-اي قلي السلعة غدوة توصل ماه
-اي بوص كل شي مريقل دوب ماتوصل السلعة نعطوهم لفلوس و تبدا أمورنا مريڨلة
-أوك مانحب حتى غلطة
