في الغابة بعد ما وصلت السلعة تيم مشى هو و رجالو بش يعطيةو لفلوس كان إسماعيل بقا في الشركة بش يكمل الخدمة تيم قاعد قدامو راجل على الكرهبة متهمم و كبير في العمر باين عليه الثرا
-شنيا سي تيم فلوسي حاضرة ولا
-السلعة كاملة؟
-هههه شنيا عشرة رانا بش نجيبلك سلعة ناقصة؟
تيم عطا لواحد من رجالو الفلوس بش يمدها و تجيه كرطوشة في راسو اي نعم البوليسية عرفو لبلاصة من راجل تيم لشدوه
الرجال الكل تخبات و بدا الكرطوش يضرب تيم وراء الكرهبة يضرب رجال الراجل لاخر الكل ماتو بقا كان هو و رجال تيم كيف كيف جا هو بش يهرب و تجيه كرطوشة في رجلو طاح مانجمش يتحرك
على لسان تيم "اااه يا تيم هاذي أخرتك ماعندك وين تهرب و حتى كان هربت لشكون عايش عايش تتعذب بحب أسماء إلي الليلة صداقها ولا أمك لتبرات منك الثنية هاذي كنت عارفها ماللول ماهيش بش توصلك اااه يا تيم الشر لعملتو في حياتك رجعلك شخلاك خسرت الناس لتحبهم حياتك تنا** ياز**"
كلمات قالهم تيم و هو ملوح قبل مايهزوه البوليسية
**********
كملو شطحو و الناس الكل شايخين عليهم و يصليو على النبي مشاو قعدو في المنصة أمين ملي قعد و تاليفونو ينوقز و يعاود جاهم العدل بش يكتبلهم
-أسماء الصويعي بنت المرحوم مختار الصويعي هل تقبلين الزواج من محمد أمين بن عمار إبن المرحوم يانس بن عمار
هي هكاكا بش تجاوب و وصل لأمين مساج مكتوب في ("صاي يا سيدي شديناه هات لبشارة")
-اي نقبل ☺️💗
-السيد أمين بي عمار بن االمر....
مزال العدل يحكي و أمين جاه تاليفون هز روحو و مشى خلا الناس الكل مصدومين و أسماء تجري وراه وتقلو
-أمييين أميين وينن ماشيي أميينن وين مخليينيي أميين راك وعدتني بش ماتخلينيش💔💔💔😭😭😭
ماتحركتلو حتى شعرة ماتلفتش وراه هدى شادتها و هي تعيط و تندب قريب تقطع شعرها و بهاء هز كرهبتو و لحق أمين العرس ماعادش عرس تحول لجنازة أسماء مش فاهمة لتو علاش مشى علاش خلاها مسكينة حالتها تسخف مش بش يحس بالجمرة كان لعفس عليها مسكينة ماشي فيبالها بش تفرح الليلة مريم أم أمين و لطيفة قلوبهم واجعتهم على أسماء مسكينة الناس الكل سخفتهم روحو ماحبوش يكملو عليها أسماء قامت تقلع في الورد و الضوء هبلت مسكينة لين داخت
في الكلينيك
-ااا دكتور قلنا شحوالها
- إنت راجلها ؟
- لا إنا كيف خوها راجل أختها
-الطفلة صارلها إنهيار عصبي قوي من شدة الصدمة سترها ربي من الجلطة ردو بالكم عليها ماتخلوهاش تستراسي راهي أقل حاجة ممكن تسببلها الجلطة
كلام الطبيب حبط عليهم كالصاعقة هدى قلبها دم على أختها مسكينة لاعمرها شافت الفرحة و لطيفة تبكي فيحالة أما مريم و بهاة يتمناو كان لأرض تنشق و تبلعهم من عملة أمين و في نفس الوقت قلبهم على أسماء دخلت هدى بحذا أسماء قعدت تبكي و تسمع فيها تهتري (قتلي كان تخليني ماكش راجل أمينن أميينن )
أسماء مبنجة و عايشة مع أحلامها حلمت بروحها لابسة بالأبيض هي و أمين و يشطحو و حدهم في جنينة و تيم يتفرج عليهم و هوما فرحانين وأسماء تتمايل على غناية بالقلب (ماجدة الرومي) :بالقلب خليني ع ايديك غفيني
يا حبيب الروح بالروح خبيني
مشتاقه اغمرني احملني طيرني
بساحات عشقانه الليل سهرني
الليله خدني بهالحلم وعلي
الليله غير بحبك ما تقلي
نسيني الكون و قلي ضلي
ضلي ضلي ضلي
ولو فاق كل الحب بعينينا
ولو داب شمع الليل
حبيبي حبيبي حبيبي❤️
هبطت دمعة من عينين أسماء مسحتهالها هدى أما لماكانوش متوقعينو الماكينات بداو يعلو في حس هدى مافهمتش شي قامت تجري و تعيط في الكلواار
-دككتووورر إججرييي أممااا..ن.. أختيي ...لماكييناتت إجريي عييششك
