الحلقة 7
-صباح الخير
-صباح النور
-شتعمل هوني
-هههه أنا ديما هوني إنت أول مرة نراك
-اي ماعنديش برشا ملي بديت نجي
-تراه فاش تقرا "أرض زيكولا " ممم تعرف تقرى ياطفلة هههه
-ياا تعرفها
-هههه اي قريتها تحب نقلك شنو بش يصير في لخر
-لا لا لا أمان نحب نقرا وحدي
-ههههه باهي على كيفك
-ههه عيشك
-يا تي هاك طلعت تضحك كيف لعباد ماشي فيبالي ديما تبكي أنا ههههه
حشمت و طبست راسها
-شو أسماء ماعندكش علاش تحشم مني إحسبني صديق مش بروف و نقس مالحشمة ومن مسيو ههههه
أسماء بش تطير مالفرحة وأخيرا بش تتقرب من أمين
-باهي أمين هههه
-صحييت ههه هاك بديت تتعلم و شو كان ماتفهمش حاجة في القراية قلي هاني موجود
-عيشك❤️
-بلاغير مزية
تعدا شهر أمين وأسماء علاقتهم بدات تتطور وهدى فرحانة لصاحبتها كفاه بدات تفرح والدنيا ضحكتلها
اليوم أسماء تفكرت أمها لطيفة ليها جمعتين ماطلتش عليها مشاتلها أمين كان جاي بش يتعدا لأسماء يهزها معاه ياخي لقاها خارجة بقا يتبع فيها لين شافها و صلت لدار و دخلتلها
نرجعو لأسماء ولطيفة إلي ملي شافتها بقات تبكي
-يزي أمي مالبكاء هاني جيت والله لانسيتك أما لاهية بالقراية
-والله خليت عليا بقعة كبيييرة يابنيتي الدار موحشها بلا بيك
-الله غالب يامي أما والله ماتتصورش قداه فرحانة وعايشة متهنية
-الحمدالله عزيزتي لريتك فرحانة هذاكا شنو نحب حتى أنا
-عيشك أمي أدعيلي دعوة خير برك❤️❤️❤️
أمين كي لقا أسماء بطات لداخل مشا خاطرو يقري يلزموش يبطا
-هيا أمي لازمني نمشي توا ماعادش بكري💗
-بالسلامة يابنيتي ربي يفرحك❤️
خرجت أسماء تجري كملت سوايع الصباح و مشات قعدت في الكافيتيريا ماعينها في دار دخل أمين لقاها قاعة مشا قعد بحذاها
-شبيك أسوم ماكش في جوك
-لا سفا شوي تعب و كهو
-هي باهي
-أمين
-نعم
-مسالش نسألك كان ماتراش مانع
-بالطبيعة أسماء تشاور فيا ياخي؟؟!
-أمين ياخي بالحق كنت معرس قبل ؟؟
سكت شوي وجاوبها -اا علاش تنبش في الماضي يا أسماء اي أنا كنت معرس أما مرتي توفات في حادث الله يرحمها
-الله يرحمها سامحني❤️
-وإنت علاه تسأل
-خاطر حتى أنا كنت معرسة و طلقت
-تيم الجماعي
أسماء تصدمت كفاه عرف سألتو -منين عرفت
تلف الموضوع و قالها -هههه شنوا إنت تعرف وأنا مالازمنيش نعرف
-يعني إنت مش متقلق منها لحكاية هاذي؟
-لا علاش بش نتقلق هاني أنا عرست قبل عادي يصير❤️
-باهي هي نخليك توا عندي كور باي❤️
-باي
