)
الحلقة 26
هزوها لدار بوها هدى حبت تبقى معاها أما ماخلاتهاش قاتلها لهي عندها راجل و دار قايمة بيهم ياخي شدت فيها لطيفة و بالطبيعة ماتنجمش تقوللها لا لطيفة كلمت إسماعيل بش يقضيلها قضيات خاطر الدار فارغة (إسماعيل ملي دخل تيم للحبس و هو لاهيلو بكل شي بالخدمة و الدار و ديما يطل على لطيفة و حتى أسماء زادة) أسماء حطتها لطيفة فوق الفرش -بنيتي تحس في رحك خير؟ خوفتنا عليك راو🥺💔
-اي أمي والله نحس في روحي خير من قبل تعرف حاسة روحي أقوى الضربة لكليتها يا أمي قوتني
-حليلي على بنيتي💔
-أمي نجم نسألك؟
-تففضل بالطبيعة
-شنوا صار بعدي هاك لميتسماش وينو وبن غبر وتيم وينو ماسألش عليا؟
-بنيتي شنوا بش نقلك أمين حتى أمو ماتعرف عليه شي و تيم وليدي هوكا في الحبس ليه 3 شهر😭💔
-أمبوسيبل يامي يزي مالبكاء و علاش دخل للحبس
-مانعرفش قالو لهو كان يهرب في السلاح يابنيتي راهو هالطفل غلب عليا كلو مالدلال كسيبتي كان هو توا هاو مشا و خلاني💔
أسماء سخفتها لطيفها و في نفس الوقت مصدومة من تيم ماكانش هكا هي هكاكا و يجيها مساج من نيمرو ماتعرفوش مكتوب فيه "عسلامة الحمدلله على سلامتك والحمدلله لقمت بخير نتصور راك للتو تسإل شكونو النيمرو هذا تو نحكيلك لحكاية تو تعرف شكون أنا أسماء ماكانش لازم نحبك و نتعلق بيك أنا قربتلك ماللول على خاطر خدمتي على خاطر عدويا تيم لهو راجلك لول و راك تسإل أكيد شنيا خدمتي إنا كوميسار أسماء خبيت عليك صحيح أما لمصلحتك لعبت عليك لعبة الحبيب المثالي بش نجم نوصل لطرف خيط يوصلني لتيم أما مباعد إنا لحصلت في اللعبة هاذي أنا حبيتك من كل قلبي و مرحلة العرس ماهياش تابعة اللعبة لحطيتها في مخي أنا حبيت نعرس بيك و تكون ليا و بالرغم لنعرف لإنت مااتجيبش الصغار أما سامحني حبي لخدمتي غلب المحبة هاذي الكل ليلتها جاني مساج من جماعتي قالولي لهوما شدو تيم فرحت ماتتصورش قداه عام و إنا نتبع فيه و يومتها حصلناه أنا يومها فرحت و إنت حزنت أنا أناني أسماء و مش راجل لتوا نادم و الندم بش يبقا يتبع فيا سامحني على لعذاب لتعذبتو في جرتي نعرف كلمة سامحني شوية إنت بنية باهية و ماحقنيش دخلتك في هاللعبة ضميري قاعد يأنب فيا ديما و مستحيل نسامح روحي عالي عملتو معاك إنا إنسان ضريتك أسماء أنساني أنساني و عيش حياتك ماتسامحنيش رد بالك على روحك و حافظ على صحتك مزلت صغيرة و الدنيا مزالت قدامك و إنت تستحق خير مني ربي معاك أسومة ونشاءالله نشوفك أكبر مهندسة❤️"
أسماء تقرا و دموعها على خديها هابطين تبكيي تببكيي تبكي أما بالساكته شافتها لطيفة تحضنتها -إبكي ياميما إبكي إبكي بش ترتاح ياروحي❤️
أسماء مسحت دموعها و قامت
-يزيها يامي أسماء مابكات عديت عمري لكلو نبكي يزيني لمشى ربي معاه أكيد ربي كاتبلي حاجة باهية و بعدو عليا
هيا هكاك تحكي و ينوقز باب الدار مشات فضيلة تشوف في شكون لقاتو إسماعيل -مرحبا يا وليدي مرحبا بيك تفضل أدخل
-عيشك يالطوفة يا باهية❤️ وينها أسماء قامت لباس
-هانها تهز في روحها لباس الحمدلله❤️
-عيطلها بربي حاجتي بيها و بيك إنت
-نشاءالله خير
-لا مافما كان الخير يامي
مشات لطيفة جابت أسماء و جات -عسلامة إسماعيل
-عسلامة أسماء لباس عليك
-لباس الحمدلله قاتلي أمي حاجتك بيا
- اي نحب نقوللكم لتيم قبل مايدخل للحبس كتب ممتلكاتو الكل بإسمك إنت و أمو 70% ليك إنت و 30% للطوفة ماعدا لقصر تابع لطيفة و إنا لحقيقة تعبت وحدي و لازمك توقف معايا على رزقك ماليوم إنت العرفة في الشركة و تهنى تو نفهمك كل شي و نوريك كل شي لازم تعرفو و ماك تعرف تيم ماعندوش شركة وحدة مسؤولية كبيرة أما ماتخافش هاني معاك لطيفة فرحت أما أسماء بقات مصدومة علاش تيم عمل هكا قد ماعملت فيه و قالتلو علاش كتبلها ممتلكاتو بإسمها وقت لهو كان يعرف لهي بش تعرس زعما تيم كان فيبالو أمين شكونو؟؟! زعما كان فيبالو لهي لعبة؟؟؟! مافهمت شي راسها و جعها ماقالت حتى كلمة كان
-إسماعيل ميسالش تهزني نشوف تيم؟
-بالطبيعة
-يابنيتي مزلت تاعبة
-لباس عليا أمي ماتخافش أما عندي برشا سؤالات نحب إجابة ليهم
