"അവൾക്ക് വട്ടാ, IIM ഇൽ പഠിത്തം canada യിൽ ജോലി എന്നൊക്കെ പറഞ്ഞിട്ട് എന്താ, കിട്ടുന്ന കാശ് മുഴുവൻ ഇങ്ങനെ നാട് തെണ്ടിനടന്ന് തീർക്കുവല്ലേ "
"അമ്മ രാവിലെ തന്നെ നിന്റെ ചരിത്രം വിളിച്ചു പറയാൻ തൊടങ്ങിട്ടുണ്ടല്ലോ "
ചിരിച്ചു കൊണ്ട് ശ്യാമ പറഞ്ഞു കിച്ചൻ സ്ലാബിൽ നിന്ന് പതുക്കെ ഇറങ്ങികൊണ്ട് ഞാൻ അവൾക്കരികിലേക് നടന്നു
"ഓ അത് പതിവാ, പഠിച്ചിരുന്ന കാലത്ത് ജോലി കിട്ടികഴിഞ്ഞ നിനക്കിഷ്ടോള്ള പോലെ ജീവിച്ചോന്ന് പറഞ്ഞിരുന്ന ആൾക്കാരാ, രാഷ്ട്രീയക്കാർ കാൽ മാറുവോ ഇത് പോലെ "
ഒരു ദോശ പ്ലേറ്റിൽ ആക്കികൊണ്ട് ഞാൻ തിരിച്ചു നടന്നു
"ഒരു കുടുംബം ഒക്കെ വേണന്നു തോന്നണില്ലെ അനു നിനക്ക് "
ശ്യാമ ചോദിച്ചു ആ മുഖത്തെ ഗൗരവം ഞാൻ ശ്രദ്ധിച്ചിരുന്നു
"അതിനൊക്കെ ഇനീo സമയണ്ട് "
"മേമ്മ പറയണത് ശെരിയാ നിനക്ക് വട്ടാ
"
ഞാൻ അതിനൊന്ന് ചിരിച്ചു കൊടുത്തു
------------
രാത്രി ടെറസിൽ ഇരിക്കുകയാണ് എല്ലാവരും
അസോസിയേഷന്റെ ന്യൂ ഇയർ ആഘോഷമാണ്
"അവനും എത്തീട്ടുണ്ട് "
ഒരു കള്ള ചിരിയോടെയാണ് ശ്യാമ അത് പറഞ്ഞത്
"ഓ അയാൾക്ക്‌ ഇങ്ങോട്ടുള്ള വഴിയൊക്കെ അറിയോ "
"ചോദിച്ച് നോക്ക് നിന്നെ പോലെ ഊര് തെണ്ടി നടക്കുവായിരിക്കും, പറ്റാണേങ്കി
ഒരു ജീവിതോം കൊട്ത്ത് നോക്ക് ചെലപ്പോ നന്നായല്ലോ, അല്ല നിന്റെ first love അല്ലെ "
"ഒന്ന് പോടി "ഞങ്ങൾ ചിരിച്ചു കൊണ്ടിരുന്നപ്പോൾ ആണ് The so called first love ഞങ്ങളുടെ അടുത്തേക്ക് വന്നത്
"Hi"
"ആ ഇതാര് അച്ചുവോ നമ്മളെയൊക്കെ അറിയുവോ " ശ്യാമ അവനോട് ചോദിച്ചു
"നിന്നെയൊക്കെ മറക്കാൻ പറ്റുവോ കുരുട്ടെ "അവൻ അവളെ കളിയാക്കികൊണ്ട് പറഞ്ഞു
"കുരുട്ട് നിന്റെ --പഴയ കൂട്ടുകാരൻ ആണ് പോലും ഒന്ന് വിളിക്ക കൂടി ഇല്ല സാധനം "
"സമയം ഇല്ലാത്തോണ്ടല്ലെടി ക്ഷേമിച്ച്കള, അല്ല നീ എപ്പോ വന്നു "ആ ചോദ്യം എന്നോടായിരുന്നു
