التعامل معي سهل جداً أعطني احتراماً ، أعطيك ماهو أكثر ....
بعد صلاة الظهر...
يجلس الحاج وهدان مع عمدة البلد وامام المسجد وبعض كبرات البلد...
الحاج واهدان بصوت عالي: انا عايز اتكلم معاكوا في حاجه مهمه تخص بنت الحاج بركات الشرقاوي الله يرحمه.
الجميع بصوت واحد: الله يرحمه.
الشيخ متولي( امام الجامع): كان راجل طيب ربنا يرحمه خير ياحج وهدان.
الحاج وهدان بجديه : عشيه اخوات الحج بركات الحاج محمود وحسن، زاروا أم مهرة ارمله الحاج بركات و اختي مراتي، طلبوا منها يد مهرة ليد ولد عمها حامد.
الحاج شاهين ببرود: وفيها ايه ياحج واهدان، البنت لولد عمها ودي عوايدنا.
الحاج وهدان بغيظ: البنت لسه بنت تسع سنين ياحج شاهين، ياتري لو بنتك قدها كنت وافقت تزوجها في السن ده..
الحاج شاهين ببرود: وفيها ايه، الجواز ستره للبنات.
الشيخ متولي بصوت هادي: النبي ﷺ قال: يا معشر الشباب، من استطاع منكم الباءة فليتزوج؛ فإنه أغض للبصر، وأحصن للفرج، ومن لم يستطع فعليه بالصوم؛ فإنه له وجاء فالتبكير بالزواج إذا تيسر أفضل والمبادرة؛ لأن الإنسان متى بلغ الحلم، عرضة للخطأ، فالمشروع له البدار إذا استطاع -البدار بالزواج- من حين يبلغ الحلم، إذا بلغ خمسة عشر سنة، فأكثر، وإن بلغ قبل ذلك ...
والبنت لسه صغيره عقليا وجسديا..
العمدة بجديه: احنا اكده هندخل في شئون عيله الشرقاوي.
الحاج وهدان : ارمله بركات جت لحد عندي، طلبه حمايه بنتها، اعمامها طمعنين في ورث البنت اليتيمه وعشان اكده عايزين يجوزوها لولد عمها وكمان يطلعوها من المدرسه.
الحاج شاهين بغيظ: احنا من ميتا نسمح لبنات تروح مدارس.
الحاج جمال بجديه: ومالها البنت لما تتعلم ياحج شاهين، انا بنتي دلوقتي خلصت الاعداديه وبسم الله ماشاء بتعرف تجمع وتطرح وكمان بتساعدني في حسابات المحل.
الحاج وهدان بجديه: انا بتكلم في موضوع الجواز، لازم نتكلم مع اعمامها البنيه يتيمه وغلبانه ومستقبلها هيضيع.
العمده بجديه: الموضوع مش سهل ياحج وهدان عيله الشرقاوي هيرفضوا ندخل بينهم، انت عارف انهم اعماهم ، وخايفين علي بنتهم بعد موت اخوهم.
الحاج وهدان بغضب: يعني خلاص ما حد هيقف جنب الست الارمله وبنتها اليتيمه، انا هدافع عنها بنفسي عشان خاطر ابوها بركات اللي فضله علي كل واحد فيكوا.
الحاج شاهين بسخريه: باي حق هتدافع ياحج واهدان، دول اعمامها وهم اولي بيها وعايزين يحافظوا علي حق بنتهم.
الحاج وهدان بغضب: انا ماشي واسمعوني زين انا عمري ماهسمح بالجوازة دي، والبنت الصغيره امانه في رقابتي.
الشيخ متولي بحب: وانا معاك ياحج وهدان، انا مش هوافق علي الجوازه دي، لان قانوني سن جواز من١٨ سنه واكده يكون زواج باطل.
الحاج شاهين بغيظ: هي يعنى اول بنت في البلد تتجوز صغيره، في بنته صغيرين متجوزين وفاتحين بيوت وعندهم بدل العيل اتنين وثلاثه وبنتي جميله دلوقتي عندها ١٢سنه ومتقدم لها عريس زين وانا موافق وانشاء الله الفرح قريب.
الحاج وهدان بغضب: حسبي الله ونعم الوكيل، انا هقوم اروح، شكل الكلام معكم ماله فايده.
بعد رحيل الحج وهدان...
الحاج شاهين بغيظ: هو داخله ايه في الموضوع، تتجوز ولا تسيب المدرسه، اهلها وهم حرين معاها.
الشيخ متولي بحزن: انا هقوم عندي دروس تحفيظ قران للاطفال.
العمده للحاج جمال: تعال معاي لداري اشرب معايا شاي.
الحاج جمال بجديه: خير ياعمده.
العمده بجديه: عايزك في موضوع مهم.
الحاج جمال بجديه: حاضر ياعمدة.
الحاج شاهين بغيظ: وانا اقعد لحالي، انا اقوم اروح اشوف مشاغلي.
بعد ربع ساعه...
في دار الحاج وهدان..
في غرفه زينه...
تجلس مهرة تنهي واجبات المدرسه مع زينه...
زينه بفرحه: اخوي جاي النهارده من السفر يامهرة وهيجيب معاه حاجات حلوه من مصر.
مهرة بحب: يجي بالسلامه انشاء الله، انا نفسي اشوفه يازينه.
زينه بحب: هو هيجي مع صاحبه،عشان اكده ابوي مانع خروجي،لكن ممكن تشوفي من بعيد،بس لازم تخلي بالك لحد يشوفك.
مهرة بطاعه: حاضر.
في الاسفل...
تجلس نعمه مع زهرة اختها في المطبخ يحضرون الغداء...
وفجاة تدخل هنيه وتقول بصوت عالي جبل بيه جه يا ست زهرة....
أنت تقرأ
تزوجت طفلة 👰🏻...
General Fictionمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
