اسف علي التاخير لكن كنت تعبانه اووي ادعولي....
بعد كام شهر.....
في القاهرة.....
يجلس جبل علي مكتبه ويحرك قلمه بيده بتوتر ويقول: انا هسافر عن قريب الصعيد ياحازم، لازم اعرف ابوي عن علا ونيتي في الجواز منها.
حازم بحب: عين العقل ياصاحبي، علا انسانه محترمه ومتربيه،لكن علا عرفت بموضوع جوازك من مهرة.
جبل بحزن: مش قادر اعرفها ياحازم، بحاول كل مرة افتح معاها الموضوع، لكن مش بقدر.
حازم بجديه: من حقها تعرف ياجبل، وكلها ثلاث سنين وتخلص من موضوع مهرة.
جبل بجديه: عند حق ياحازم، انا هحاول اعرفها كل حاجه قبل مااسافر البلد وافاتح ابوي، إيه رأيك تجي معايا،انت بقالك كام مره،بترفض تسافر معايا البلد،وامي وابوي سالوا عليك كتير.
حازم بتوتر: مفيش ياجبل، انت عارف ظروف تعب امي،ومش هقدر اهملها واصل.
جبل بحب: ربنا يقومها بالسلامه،كان نفسي تجي معايا ابويا عامل احتفال كبير لخيتي زينه عشان اتخرجت من الجامعه بامتياز وهتتعين معيده في الجامعه وكمان لمهرة عشان طلعت من الاوائل ودخلت ثانوية عامة.
حازم بفرحه: الف مبروك ياجبل.
جبل بضحك: انا مش مصدق والله خيتي الصغيره كبيرت وهتبقي معيده وبكره ربنا يرزقها بولد الحلال اللي يسعدها.
حازم بحزن انا هقوم اروح، الوقت اتاخر.
جبل بحب: سلمي علي والدتك وابقي طمني علي صحتها.
حازم بحب: حاضر هيوصل،مع السلامه.
في الصعيد...
يجلس الحاج وهدان مع الحاج جمال علي القهوه...
الحاج وهدان بفخر: وكمان هتتعين معيده في الجامعه.
الحج جمال بفرحه: الف مبروك ياحج وهدان، بنتك تستاهل كل خير والبركه فيك وافقت تكمل علامها ولا همك كلام الناس ودلوقتي اللي كان بيتكلم عليها ويقول كيف بنت الحاج وهدان تدخل الجامعه وتكمل علامها، بقا مش قادر يرفع عينه فيك، امال ايه بنتك بسم الله ماشاء الله بقت دكتوره في الجامعه وانا كمان هاعمل زيك واخلي بنتي ورد تدخل الجامعه وتكمل علامها.
الحاج وهدان بحب: عين العقل ياخوي، اياك تظلم بنتك وتحرمها من العلام، ده حقها وانت هتتحاسب قدام ربنا علي تقصيرك معاها، البنت ياحج جمال زينه البيت ومن حقها تعيش في دار ابوها معززه، عشان لما تروح دار جوزها تقعد طول عمرها تفتكر حب امها وخير ابوها وجوزها يقدرها ويشلها فوق راسه باخلاقها و ادبها وعلامها.
الحج جمال بدموع: والله ياحج وهدان، بنتي ورد عندي اغلي من ولادي الرجاله، كفايه حنيتها عليا، اول مااجي من بره تجري عليا تقبل يدي وتقعد جاري وتقول عامل ايه يابوي، خدت دواك ولا لسه، جعان احضرك الوكل، مش زي الرجاله كل واحد فيهم مشغول بنفسه.
أنت تقرأ
تزوجت طفلة 👰🏻...
General Fictionمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
