استغفر الله ♥....
بعد قضاء يوم مممتع بتجمع الجميع لمباركه الزوجين علي خبر حمل طفلهم الاول...
في شقه جبل...
هناء بغضب: ليه ماروحتي تباركي لاخت جوزك ياغبيه، دلوقتي هيقوله اكيد غيرانه انها حملت قبل منك.
علا بغيظ: انا من ساعه ما عرفت وانا عفريت الدنيا بتطنط في وشي، انا عايزه اعرف ناقصني ايه عشان احمل زيها، ليه اقضي عمري كله عايشه في قهر وانا اشوف اللي بتحمل وتولد واللي عيالها يكبروا قدام عيونهم وتقولي اروح ابارك.
هناء بجديه: اهدي كده لجوزك يشك في حاجه.
علا بدلع: مش هيقدر يشك في حاجه، طول ماهو مفكر انه مش بيخلف هعيش ملكه تامر وتنفذ، اهو النهارده مثلا قالي عادي لو ماروحت عزومه اخته ولو حد سال عليا هيقول تعبانه شويه وكله ده عشان يراعي مشاعري ههه..
هناء بسخريه: برضو ياختي ماتملي ايدك وخليكي دايما عايشه دور الزوجه المضحيه اللي بتحب جوزها وعايزه تعيش معاها حتي لو مش بيخلف واياكي تنسي نفسك فاهمه يابنت بطني.
علا بتفكير: فاهمه ياماما طيب اقفلي دلوقتي جبل وصل .
بعد كام شهر...
في غرفه مهرة...
مهرة بفرحه: اخيرا خلصت الامتحانات وكلها كام شهر وادخل الكليه احم.. احم.. احم وتقولي المهندسه مهرة الشرقاوي.
زينه بفرحه: الف مبروك ياقلبي اه اهااا.
مهرة بفزع: في ايه يازينه بتوجعي من ايه؟.
زينه بضحك: ده الواد الشقي شغال رفص هههههه في بطني هههه.
مهرة بارتياح: الحمد الله فكرت بتولدي، حبيب خالتو يعمل اللي عايزه هههه، قولي هتولدي ميتا؟.
زينه بضحك: لسه شهرين هههه اها اااا انا تعبت جوي وخدت اجازه من الجامعه وحماتي ربنا يخليها ليا قاعده معايا و بتاخد بالها مني وبتراعي كيف بنتها واكتر.
مهرة بجدية: هتجي ميتا عشان تولدي هنا، خالتي زهرة بقالها كام يوم بتحدد مع امي عنك، لازم تجي تقعدي اهنا وتولدي ههه ده بيحضروا في السبوع من دلوقتي هههه.
زينه بضحك: انشاء الله عن قريب ابوي كلمني عشان كمان لازم اخوي يجي ويكتب عليكي انتي خلاص تميتي الثمانيه عشر و...
مهرة بحزن: ابيه جبل نسي البلد كلها ونساني.
زينه بحزن: اخوي عمره ماهينسي البلد ولا هيخلف وعده واصل لازم يكتب عليكي، البلد كلها عارفه انك مراته علي الورق لحد ماتتمي سن الجواز ويتجوزك.
مهرة بحزن: انتي عارفه ابيه جبل ماجه البلد من ميتا؟.
زينه بحزن: انا عارفه ان اخوي حاله مقلوب وحاولت كتير افهم ايه اللي مضايقه لكن رافض يسمعني وبيتهرب مني، ومراته من وقت ماحملت ماشالت السماعه تتطمن عليا او تبارك ليا انا زعلت منها جوي يامهرة، عيب انا برضو اخت جوزها وعمري ماعملت لها حاجه عفشه.
أنت تقرأ
تزوجت طفلة 👰🏻...
Художественная прозаمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
