“اللهمّ قوني بك اذا انفلتَ صبري وضاقت نفسِي وسئمَت”...
علي القهوه...
الحج شاهين بغيظ: في حد يرفض انه يناسب العمده عبد الجواد، انت عارف هو عنده كام فدان، بنتك هتنغنغ في العز.
الحج جمال بغضب: كنت عايزني اوافق علي طلبه ياحج شاهين وبنتي تتجوز راجل قد ابوها وكمان تدخل علي ضرتين والله اعلم هيعملوها كيف، لا ياحج شاهين بنتي ورد هتكمل علامها وربنا يرزقها بابن الحلال، اللي يستتها ويهنيها، وتكون مراته الاولي والاخيرة امال ايه.
الحج شاهين بمكر: وانت فاكر ان العمدة هيعديها اكده بالساهل.
الحج جمال: ربنا موجود ياحج شاهين،وانا بنتي عندي اغلي من كنوز الدنيا.
الحاج شاهين بفرحه: فرح بنتي جميله اخر الشهر علي الحاج رزق ولازم تحضر الفرح.
الحاج جمال بغضب: انت هتجوز بنتك لراجل اكبرمنك ياشاهين، وكمان متجوز، وبنتك من دور بنتي ورد، مش كفايه خرجتها من المدرسه، اتقي ربنا في البنيه الصغيرة.
الحج شاهين بغضب : وانت مالك ياحج جمال، بنتي وانا حر فيها، الراجل ما يعيبه إلا جيبه، والراجل دفع مهرها ٢٠الف جنيه وجهز لها دور كامل في داره وكمان عايزها بشنطه هدومها،يعني لا هادفع احمر ولا ابيض.
الحج جمال بعصبيه: لا حول ولا قوة الا بالله انت بعت بنتك ياحج شاهين.
الحج شاهين بغيظ: انا سترتها ياحج جمال.
الحج جمال بغضب: انا نصحتك ياحج شاهين، واللهم بلغت اللهم فاشهد ، انا هقوم اروح داري، القاعده هنا بقت تعكر المزاج،مع السلامه.
الحج شاهين بغيظ: هو ماله اكده، انا ماعملت حاجه غلط انا هجوز بنتي واخلص من همها.
في دار الحاج وهدان...
الحاج وهدان بقلق: خير يادكتور، ام مهرة بخير.
الدكتور بحزن: انا اسف ياحج وهدان المريضه مش هتقدر تقف علي رجليها.
الحاج وهدان بصدمه: انشلت، انت بتتكلم جد يادكتور.
الدكتور بجديه: انا نبهت عليكم قبل سابق، المريضه تبعد عن الحزن ودلوقتي السكر عالي جدا واثر علي اعصاب رجليها ومش هتقدر تمشي.
الحاج وهدان بحزن: لا حول ولاقوة الابالله، مافيش أمل يادكتور.
الدكتور بهدوء: اكيد ياحج وهدان فيه امل، لكن لازم تبعدوها عن اي حاجه تزعلها وانشاء الله مع العلاج الطبيعي هتقدر تقف علي رجليها تاني.
في الغرفه...
نعمه بحزن: انا عايزه اروح داري يازهرة كفايه لحد اكده، انا غلطانه اني طلبت من جوزك يساعدني.
زهرة بحزن: ما تقولي كده ياخيتي، انت عارفه الحج وهدان اكيد هيوقف جنبك ومش هيوافق علي الجوازه دي واصل.
نعمه بحزن: ياريت كان عند اخ يقف جاري.
زهرة بحزن: وانا روحت فين ياخيتي.
نعمه بحب: ربنا يخليكي ليا، لكن انتي عارفه الاخ كان هيكون سند لينا يازهرة.
زهرة بحب: اترتاحي دلوقتي ياخيتي وانشاء الله ربنا يفرجها.
نعمه بحب: حاضر ياخيتي.
في دار حسن الشرقاوي...
حسن بغضب: يعني هيكون راحوا فين يعني؟.
حامد بغيظ: وانا اعرف مين يابوي انا عملت زي ماطلبت مني، روحت اشوف مرات عمي بركات واحاول اكسب رضاها، و ورحت وخبطت كتير علي باب الدار ومفيش حد بيرد يابوي.
حسن بقلق: ليكون هربوا، كلم عمك محمود وتخليه يجي بسرعه.
حامد بطاعه: حاضر يابوي.
في دار الحاج وهدان...
يجلس الحاج وهدان مع ولده جبل بعد صعود حازم لغرفته ليرتاح.....
الحج وهدان بصوت عالي: اكده ياولدي، شوفت اللي جري لخالتك نعمه بسببك.
جبل ببرود: انا ماعملت حاجه يابوي، انا مش عيل صغير عشان اتغصب علي الجواز وكمان من عيله صغيره.
الحج وهدان بغضب: كنت ارفض بأدب ياولدي، بنت خالتك اتيتمت بدري وامها بقت مشلوله وعمامها طمعان في ورثها وعايزين يجوزها وهي صغيره ويخرجوها من المدرسه.
جبل بغيظ: وانا كنت اعرف منين ان خالتي بتنصت علينا.
الحج وهدان: انت عارف اخلاق خالتك نعمه ، هي عملت اكده من خوفها علي بنتها، انت عارف بعد موت جدك وخالتك بقت مقطوعه من شجره، و واجبي اقف جارها في شدتها.
جبل بجديه: اسمع يابوي انا جاي اقعد معاكوا واطمن عليكوا وراجع مصر تاني، ماليش دعوه بنت خالتي ومشاكلها.
.
أنت تقرأ
تزوجت طفلة 👰🏻...
Fiction généraleمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
