التعامل معي سهل جداً أعطني احتراماً ، أعطيك ماهو أكثر ....
البارت هيكون طويل...
في الصباح...
علي سفرة الفطور...
يجلس الحج وهدان علي راس السفرة ويجلس علي يمينه ولده جبل وبجانبه يجلس حازم صديقه...
جبل بجدية: انا فكرت طول الليل يابوي واخدت القرار انا هتجوز مهرة بنت خالتى يابوي.
الحج وهدان بفرحه: عين العقل ياولدي، اكده انا اقدر اقف في وجه محمود وحسن، واحمي البنت الغلبانه وامها.
حازم بفرحه: الف مبروك ياصاحبي.
جبل بغيظ ينظر لحازم ويقول مش جوازي حقيقي زي ماانت فاكر.
الحج وهدان بحيرة: انا مش فاهم حاجه ياولدي، ياريت تفهمني هتجوزها ولا لا.
جبل بجدية: انا هتجوزها علي الورق وبس، انا مستحيل اتجوز طفله يابوي، هكتب عقد عند المحامي وبعد ماتتم ثمانية عشر، هاكتب عليها رسمي وهطلقلها،من غير مالمسها واصل، لكن بالنسبه لارضها، انا مش هقدر اديرها، انا عندي شركتي في مصر وكليتي.
الحج وهدان بفهم عندك حق ياولدي وانا مش هغصبك علي حاجه،و انا هخلي بالي من ارضها ياولدي، المهم دلوقتي هكلم المحامي يجي بسرعه يكتب العقد وهعمل حفله علي الضيق، لازم اهل البلد كلها تعرف ان مهرة بنت الحاج بركات الله يرحمه هتتجوز ولدي جبل القناوي.
حازم بصدمه: بالسرعه دي ياعمي.
الحج وهدان بجديه: لازم ياولدي نخلص كل حاجه النهارده، انت شوفت بنفسك اعمامها كانوا عاملين ازاي، انا هحاول اخلص كل حاجه مع المحامي وبسريه كمان.
جبل بجدية: مش لازم تاخد رأي خالتي في الموضوع يابوي، يمكن ماتوافق.
الحج وهدان بقلق:عندك حق ياولدي،لازم اخد رايها، انا بنفسي هطلع اخد رأيها وبالمرة اطمن عليها، ايه رأيك ياولدي تجي معايا.
جبل: حاضر يابوي، انا لازم اعرف بنفسي رايها في موضوع الجواز وهفهمها كل حاجه، وبالمرة اعتذر ليها علي كلامي امبارح.
في غرفة نعمه...
تجلس زهرة بجانب اختها علي الفراش وتحمل ملعقه الاكل وتحاول اطعام شقيقتها...
زهرة بحزن: خدي من يدي ياخيتي، انتي من امبارح ماكلتي حاجه،كلي ياخيتي عشان خاطر بنتك اللي مموته نفسها من البكاء.
نعمه بحزن: مليش نفس ياخيتي، سمعتي اللي قالوا امبارح ههههى بنتي هتروح مني يازهرة، حسبي الله ونعم الوكيل فيهم، مفيش في قلبهم رحمه، بنتي صغيرة علي الهم ده، مش المفروض ياخيتي يكونوا اهلها وسندها بعد موت ابوها.
أنت تقرأ
تزوجت طفلة 👰🏻...
General Fictionمهرة بركات الشرقاوي: فتاة عمرها تسع سنوات،بنت جميله كانت عايشه حياه هاديه مليئه بالحب مع والديها، لكن بعد ان توفي والدها الحاج بركات، طمع اعمامها في ورثها، وسعي كل منهم لزواجها من ولده، فلجات والدتها نعمه لجوز اختها تطلب منه حمايه ابنتها اليتيمه...
